ટેકનોલોજી / ChatGPT બનશે WhatsApp જેવી એપ, મેસેજથી લઈને પેમેન્ટ સુધીના મળશે ફિચર

OpenAIનું જાણીતું એપ ChatGPT હવે માત્ર ચેટબોટ નથી, પરંતુ તેને વિશ્વના અગ્રણી સુપર એપમાં બદલવાની કંપનીની મોટી યોજના છે. આ એપ દ્વારા યુજર્સ પોતાના મિત્રો સાથે વાતચીત કરી શકશે, સીધી શોપિંગ કરીને પેમેન્ટ પણ કરી શકશે. તાજેતરમાં OpenAIએ એપ્સ SDKની જાહેરાત કરી છે, જે ડેવેલોપર્સને ChatGPT સાથે તેમના એપ્સને જોડવાની તક આપે છે. આ યોજના ChatGPTને We Chat જેવું વ્યાપક પ્લેટફોર્મ બનાવશે, જ્યાં ચેટિંગથી લઈને બુકિંગ અને પેમેન્ટ સુધી બધું એક જ જગ્યાએ મળશે.

સુપર એપ શું છે?

સુપર એપનું શ્રેષ્ઠ ઉદાહરણ ચીનનું We Chat છે, જે ભારતમાં પણ એક સમયે અત્યંત લોકપ્રિય હતું. પરંતુ ચીની એપ્સ પર પ્રતિબંધ લગ્યા પછી તે પણ બંધ થઈ ગયું. We Chatમાં એક જ એપમાં ચેટિંગ, કોલિંગ, મીટિંગ, શોપિંગ, ટિકિટ બુકિંગ જેવી તમામ સુવિધાઓ મળે છે. એલોન મસ્ક પણ Xને સુપર એપ બનાવવા પર કામ કરી રહ્યા છે, પરંતુ હજુ સુધી તેમને સફળતા મળી નથી. OpenAIની આ યોજના ChatGPTને આ ક્ષેત્રમાં અગ્રેસર બનાવી શકે છે, કારણ કે તે 800 મિલિયનથી વધુ યુજર્સ સુધી પહોંચી શકે છે.

Apps SDK: નવી તકોનો દરવાજો

OpenAIએ તાજેતરમાં Apps SDKની લોન્ચિંગ કરી, જે Model Context Protocol (MCP) પર આધારિત છે. આ SDK ડેવેલોપર્સને તેમના એપ્સને ChatGPTમાં સીધું એકીકૃત કરવાની મંજૂરી આપે છે. હાલમાં યુજર્સ Booking.com, Spotify, Canva, જેવા ટૂલ્સનો ઉપયોગ કરી શકે છે. આનાથી હોટેલ બુકિંગ, રિયલ એસ્ટેટ ક્વેરી, ટિકિટ બુકિંગ કે Uber કે ડોરડેશ જેવી સેવાઓ સીધી ચેટબોક્સમાંથી શક્ય બને છે. ઉદાહરણ તરીકે, Uber સાથે એકીકરણ થાય તો યુજર્સ માત્ર ચેટમાં લખીનેકેબ બુક કરી શકશે, અને કાર્ડ વિગતો સાચવેલ હોય તો પેમેન્ટ પણ ડાયરેક્ટ થશે. આ SDK ઓપન સોર્સ છે, જે ડેવેલોપર્સને કસ્ટમ ઇન્ટરફેસ અને પેઇડ એપ્સ બનાવવાની તક આપે છે. વર્ષના અંત સુધીમાં નવા એપ્સની સમીક્ષા અને પબ્લિકેશન શરૂ થશે.

મેસેજિંગ ફીચર: સોશિયલ નેટવર્ક તરફ પગલું

રિપોર્ટ્સ અનુસાર, ChatGPTમાં મેસેજિંગ ફીચર ઉમેરાવાની તૈયારી છે, જે વપરાશકર્તાઓને સીધા મિત્રોને મેસેજ મોકલવાની સુવિધા આપશે. કંપનીએ આની સત્તાવાર પુષ્ટિ નથી કરી, પરંતુ X વપરાશકર્તા ટિબોર બ્લાહો (@btibor91)એ એન્ડ્રોઇડ બીટા વર્ઝન (1.2025.273)માંથી બેકએન્ડ કોડ અને UI સ્ક્રીનશોટ શેર કર્યા છે. આમાં "ડાયરેક્ટ મેસેજિસ" (કોડનેમ "કાલ્પિકો")નો ઉલ્લેખ છે, જે ગ્રુપ ચેટ અને નોટિફિકેશન્સ સાથે આવશે.યુજર્સ પોતાની પ્રોફાઇલ ફોટો અપડેટ કરી શકશે અને તેને સોશિયલ મીડિયા પર શેર કરી શકશે. આ ફીચર "ચેટજીપીટી ટુગેદર" જેવું કોલેબોરેટિવ અનુભવ આપશે, જેમાં વ્યક્તિગત મેમરીઝ પ્રાઇવેટ રહેશે. એન્ક્રિપ્શન વિશે હજુ સ્પષ્ટતા નથી, પરંતુ તે પ્રાઇવસી પર ધ્યાન કેન્દ્રિત કરશે.

ભારતીય યુજર્સ માટે તકો

ભારતમાં, જ્યાં ChatGPTના મિલિયન્સ યુજર્સ છે, આ ફેરફારો ડિજિટલ જીવનને વધુ સરળ બનાવશે. Uber કે ઇન્સ્ટાકાર્ટ જેવા એપ્સ સાથે એકીકરણથી શહેરી યુજર્સને વધુ સુવિધા મળશે. તેમ છતાં, EUમાં હાલ ઉપલબ્ધ નથી, પરંતુ ભારત જેવા બજારોમાં તરત જ લોન્ચ થશે. OpenAIની આ રણનીતિ ChatGPTને ફેસબુક કે X જેવા પ્લેટફોર્મ્સને પડકાર આપશે, અને તેને વ્યાપક એકેઓસિસ્ટમમાં બદલશે. ડેવેલોપેર્સ માટે ડેવલપર મોડ દ્વારા ટેસ્ટિંગ સરળ બનશે, જે નવીનતાને પ્રોત્સાહન આપશે.

આ પણ વાંચો: મોર્ચો સંભાળતા જ CEOએ લીધો એવો નિર્ણય, કે કર્મચારીઓમાં મચ્યો હડકંપ, મૂકાયા ટેન્શનમાં!

ભવિષ્યની સંભાવનાઓ

OpenAIની આ પહેલથી ChatGPT માત્ર AI ટૂલ નહીં, પરંતુ રોજિંદા જીવનનું કેન્દ્ર બનશે. એજન્ટ કિટ અને ચેટકિટ જેવા અન્ય અપડેટ્સ સાથે, તે યુજર્સને વ્યક્તિગત અને વ્યાવસાયિક કાર્યોમાં મદદ કરશે. જો આ યોજના સફળ થાય, તો ChatGPT સુપર એપની રેસમાં આગળ નીકળી જશે, અને યુજર્સનું અનુભવ વધુ સમૃદ્ધ બનશે. ટિબોર બ્લાહો જેવા વયુજર્સની પોસ્ટથી સ્પષ્ટ છે કે આ ફીચર્સ ટૂંક સમયમાં જ પબ્લિક થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ