ક્રિકેટ / ટીમ ઇન્ડિયાના 5 ખેલાડીઓનું સામે આવ્યું મેડિકલ અપડેટ, ખુદ BCCIએ આપી જાણકારી, જાણો બુમરાહ-રાહુલની ક્યારે વાપસી

• ભારતના પાંચ ખેલાડીઓને થઈ હતી ઈજા
• BCCIએ આપી મહત્ત્વપૂર્ણ અપડેટ
• ઋષભ પંત રિહેબમાંથી પસાર થઈ રહ્યા છે. 

 ભારતના પાંચ ખેલાડીઓને ઈજા થવાને કારણે ભારતીય ટીમમાંથી બહાર છે. ભારતીય ક્રિકેટ કંટ્રોલ બોર્ડે ખેલાડીઓને મેડિકલ અપડેટ આપી છે. બોર્ડે ફાસ્ટ બોલર જસપ્રીત બુમરાહ, બેટ્સમેન કે.એલ. રાહુલ, શ્રેયસ અય્યર, પ્રસિદ્ધ કૃષ્ણા અને ઋષભ પંતની ફિટનેસ અપડેટ આપી છે. બોર્ડે ટ્વિટ કરીને જણાવ્યું છે કે, આ ખેલાડીઓએ વાપસી બાબતે કેટલી તૈયારી કરી છે. બુમરાહ અને પ્રસિદ્ધ કૃષ્ણા ફાઈનલ સ્ટેજમાં છે. કે.એલ. રાહુલ અને શ્રેયસ અય્યર નેટ્સમાં બેટીંગ કરી રહ્યા છે. ઋષભ પંત રિહેબમાંથી પસાર થઈ રહ્યા છે. 

Medical Update: Team India (Senior Men)

For details click 👇👇https://t.co/fcjgc9OvTH #TeamIndia pic.twitter.com/cxmuylxWxN

— BCCI (@BCCI) July 21, 2023

જસપ્રીત બુમરાહ અને પ્રસિદ્ધ કૃષ્ણા- આ બંને ફાસ્ટ બોલર પુનર્વાસના અંતિમ ચરણમાં છે અને નેટ્સમાં પૂરી ઈંટેંસિટી સાથે બોલિંગ કરી રહ્યા છે. થોડી પ્રેક્ટીસ કર્યા પછી આ જોડી મેદાન પર ઉતરશે. જેનું આયોજન NCA તરફથી કરવામાં આવશે. BCCI મેડિકલ ટીમ પ્લેયર્સની રિકવરીથી ખુશ છે અને પ્રેક્ટીસ પછી અંતિમ નિર્ણય લેશે. 

કે.એલ. રાહુલ અને શ્રેયસ અય્યર- આ બે ક્રિકેટરે નેટ પ્રેક્ટિસ શરૂ કરી છે. હાલમાં આ બે ક્રિકેટર સ્ટ્રેંથ અને ફિટનેસ પ્રેક્ટિસ કરી રહ્યા છે. BCCI મેડિકલ ટીમ પ્લેયર્સની રિકવરીથી ખુશ છે. 

ઋષભ પંત- ઋષભ પંતે પુનર્વાસમાં મહત્ત્વપૂર્ણ પ્રગતિ કરી છે અને નેટ્સમાં બેટીંગ સાથે કીપિંગ પણ શરૂ કરી છે. હાલમાં ઋષભ પંત ફિટનેસ શિડ્યુલ ફોલો કરી રહ્યા છે.