ક્રાઈમ / બનાસકાંઠામાં યુવતી શિક્ષકને જંગલમાં લઈ ગઈ સામે જ કપડાં ઉતાર્યાં પછી... શિક્ષકનું હનીટ્રેપ

બનાસકાંઠાના દાંતા પંથકમાં પ્રાથમિક શાળાના શિક્ષકને હનીટ્રેપમાં ફસાવી પાંચ લાખ રૂપિયાની ખંડણી માંગવાના કેસમાં એલસીબીએ ફરિયાદી શિક્ષકને બદનામ કરવાની ધમકી આપી રૂપિયા પડાવવાના કાવતરાનો પર્દાફાશ કર્યો છે સમગ્ર મામલે ત્રણ આરોપીની ધરપકડ કરવામાં આવી છે જ્યારે ત્રણ આરોપી ફરાર છે.જેને ઝડપી પાડવા પોલીસે તપાસ હાથ ધરી છે.

આરોપીઓએ શિક્ષક પાસેથી 5 લાખ રૂપિયાની ખંડણી માંગી

બનાસકાંઠાના દાંતા પંથકના પ્રાથમિક શાળાના શિક્ષકને હનીટ્રેપમાં ફસાવવાના કાવતરાનો એલસીબીએ પર્દાફાશ કર્યો છે. આરોપીઓએ શિક્ષક પાસેથી 5 લાખ રૂપિયાની ખંડણી માંગી હતી. તેમજ અગાઉ પણ રોકડા રૂપિયા પડાવી લીધા હોવાનો આક્ષેપ છે.

આરોપીઓ શિક્ષકને જંગલમાં લઈ ગયા પછી મોકલી યુવતી

આરોપીઓએ ફરિયાદી શિક્ષકને પાલનપુરના બાલારામના જંગલ વિસ્તારમાં લઈ જઈ યુવતીને મોકલી યુવતીએ કપડા ઉતારવાની તૈયારી કરતા આરોપીઓ ત્યાં પહોંચી ફરિયાદીએ બળાત્કારની ધમકી આપી તેને ખોટા કેસમાં ફસાવી દેવાની તેમજ હનીટ્રેપમાં ફસાવવાની ધમકી આપી હતી. એટલું જ નહીં, આરોપી કથિત પત્રકાર દ્વારા ન્યૂઝ ચેનલમાં બદનામ કરી દેવાની ધમકી આપી પાંચ લાખ રૂપિયા આપવાની માંગ કરવામાં આવી હોવાની ફરિયાદ નોંધાઈ હતી મહત્વની વાત એ છે કે ફરિયાદી શિક્ષક અને આરોપી શિક્ષક અગાઉ પાલનપુરમાં સાથે નોકરી કરતા હતા.

વધુ વાંચો : અતિ કરુણ! એન્જિનિયરીંગના 8 વિદ્યાર્થીઓના એક્સિડન્ટમાં મોત, કાર પાર્ક કરેલી લોરી સાથે ધડાકાભેર અથડાઈ

3 આરોપીઓની સંડોવણી સામે આવી

આ ઓળખાણનો લાભ લઈ સમગ્ર કાવતરું ઘડવામાં આવ્યું હોવાનું પોલીસ તપાસમાં સામે આવ્યું છે આ મામલે પાલનપુર પોલીસ મથકે ફરિયાદ નોંધાયા બાદ એલસીબીએ તપાસ હાથ ધરી હતી. તપાસ દરમિયાન હનીટ્રેપના કાવતરામાં સંડોવાયેલા ત્રણ આરોપીઓ મહેબૂબ બલોચ, સલીમ બલોચ અને નરસિંહ રાવળની ધરપકડ કરવામાં આવી છે.જ્યારે આશા શર્મા, શ્રવણ રાવળ અને પત્રકાર મુજાહિદ ખાન તુવર હાલ ફરાર છે. પોલીસ દ્વારા ફરાર આરોપીઓને ઝડપી પાડવા વધુ તપાસ હાથ ધરવામાં આવી છે. જ્યારે ત્રણ આરોપીઓને કોર્ટમા રજૂ કરાતા કોર્ટે ત્રણ દિવસના રિમાન્ડ આપ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ