- TCSએ જાહેર કર્યાં નાણાકીય પરિણામ
- ચોથા ત્રિમાસિકમાં આવક વધીને થઈ 59,162 કરોડ
- ચોખ્ખો નફો પણ વધ્યો, 11,392 કરોડ મળ્યાં
દેશની મોટી મલ્ટીનેશનલ કંપનીને 1 જુનથી નવા સીઈઓ તરીકે જોડાઈ રહેલા કે કૃતિવાસનના પગલાં ફળ્યાં હોય તેમ જણાય છે કારણ કંપનીની આવક અને ચોખ્ખા નફામાં રેકોર્ડબ્રેક વધારો થયો છે. કંપનીએ જાહેર કરેલા ચોથા ત્રિમાસિક ગાળામાં ટીસીએસની આવકમાં 16.9 ટકાનો વધારો થયો છે એટલે કે તેની આવક 50,591 કરોડથી વધીને 59,591 કરોડ થઈ છે.
ચોખ્ખો નફો વધીને થયો 11,392 કરોડ
ટીસીએસે કહ્યું કે માર્ચ ત્રિમાસિકમાં કંપનીનો ચોખ્ખો નફો વધીને 11,392 કરોડ થયો છે. એક વર્ષ પહેલા કંપનીનો ચોખ્ખો નફો 9,926 કરોડ હતો.
કંપનીએ જાહેર કર્યાં નાણાકીય પરિણામ
દેશની ટોચની આઈટી કંપની ટાટા કન્સલ્ટન્સી સર્વિસિસ (TCS) આજે માર્ચ ત્રિમાસિક અને નાણાકીય વર્ષ 2022-23ના પરિણામો જાહેર કર્યાં છે. આ સાથે કોર્પોરેટ જગતની આવકો જાહેર કરવાની સિઝનની શરૂઆત થશે. રોકાણકારો નિરાશાજનક મેક્રો પૃષ્ઠભૂમિમાં વૃદ્ધિના દૃષ્ટિકોણ પર સોફ્ટવેર નિકાસકારની ટિપ્પણી પર ધ્યાન આપશે.
1 જુને નવા સીઈઓ કે કૃતિવાસન સંભાળશે ચાર્જ
17 માર્ચે ટીસીએસના સીઈઓ અને એમડી રાજેશ ગોપીનાથને પોતાના પદ પરથી રાજીનામુ આપી દીધુ હતું. તેઓ 20 વર્ષથી વધુ સમયથી ટીસીએસ સાથે જોડાયેલા હતા. ટીસીએસના બોર્ડે ગોપીનાથનના રાજીનામાનો સ્વીકાર કરી લીધો હતો. પીસીએસના બોર્ડે ગોપીનાથની જગ્યાએ કીર્તિવાસનને સીઈઓ ડેઝિગ્નેટેડ કર્યા છે. જેઓ 1 જુન 2023થી નવા સીઈઓનો ચાર્જ સંભાળશે. ટીસીએસ ટાટા ગ્રુપની આઈટી સર્વિસ કંપની છે અને મુકેશ અંબાણીની રિલાયન્સ ઈન્ડસ્ટ્રીઝ બાદ દેશની બીજી સૌથી વેલ્યૂએબલ કંપની છે.
