Tata Group Stock: જો તમે ટાટા ગ્રુપના કોઈપણ શેર પર દાવ લગાવવાનું વિચારી રહ્યા છો, તો તમારા માટે સારા સમાચાર છે. તમે ટાટા જૂથની કંપની વોલ્ટાસના શેર ખરીદી શકો છો. બજાર નિષ્ણાતો કંપનીના શેર પર તેજી ધરાવે છે અને તેને ખરીદવાની ભલામણ કરી રહ્યા છે. ગયા શુક્રવાર, 5 એપ્રિલ, વોલ્ટાસનો સ્ટોક 2% વધીને રૂ. 1241.05 પ્રતિ શેર પર બંધ થયો હતો. આ તેની 52 સપ્તાહની ઊંચી કિંમત પણ હતી.
1350 રૂપિયા સુધી જઈ શકે છે
HSBC ગ્લોબલ રિસર્ચે આગામી કેટલાક વર્ષોમાં કંપનીની કમાણીમાં વૃદ્ધિને ટાંકીને વોલ્ટાસ લિમિટેડની લક્ષ્ય કિંમતમાં વધારો કર્યો છે. બ્રોકરેજે શેર પર 'બાય' રેટિંગ જાળવી રાખ્યું છે. બ્રોકરેજ ફર્મે વોલ્ટાસ પર તેની લક્ષ્ય કિંમત અગાઉ રૂ. 1,250થી વધારીને રૂ. 1,350 કરી છે. વોલ્ટાસ એ ભારતમાં અંડરપેનિટ્રેટેડ રૂમ એસી કેટેગરી માટે શ્રેષ્ઠ પ્રોક્સીઓમાંની એક છે, તેમ HSBCએ એક નોંધમાં જણાવ્યું હતું.
વાંચવા જેવું: 30 હજારની નોકરી કરનાર બન્યો અબજોપતિ, ટેન્ટ નાખીને શરૂ કર્યો હતો બિઝનેસ, સફળતાની કહાની રોચક
કંપનીએ ACના 2 મિલિયન યુનિટ વેચ્યા હતા
વોલ્ટાસનું AC વેચાણ ગત નાણાકીય વર્ષ (2023-24)માં 35 ટકાના જંગી વૃદ્ધિ સાથે 20 લાખ યુનિટને પાર કરી ગયું છે. કંપનીએ રવિવારે આ જાણકારી આપી હતી. આ સાથે વોલ્ટાસ સ્થાનિક બજારમાં આ આંકડો પાર કરનારી પ્રથમ કંપની બની છે. ટાટા ગ્રૂપ કંપનીએ એક નિવેદનમાં જણાવ્યું હતું કે આ કામગીરી વર્ષ દરમિયાન કુલિંગ પ્રોડક્ટ્સની સતત માંગ અને ઑનલાઇન ડિસ્ટ્રિબ્યુશન નેટવર્ક અને નવીનતા આધારિત નવી પ્રોડક્ટ લૉન્ચને આભારી છે. વોલ્ટાસે જણાવ્યું હતું કે, કંપનીએ નાણાકીય વર્ષ 2023-24 દરમિયાન 35 ટકાની વૃદ્ધિ સાથે 20 લાખથી વધુ AC વેચવાની સિદ્ધિ હાંસલ કરી છે, જે ભારતમાં કોઈપણ બ્રાન્ડ દ્વારા નાણાકીય વર્ષમાં ACનું અત્યાર સુધીનું સૌથી વધુ વેચાણ છે. નાણાકીય વર્ષ 2023-24માં દેશનું રેસિડેન્શિયલ એસી માર્કેટ એક કરોડ યુનિટ્સ હોવાનો અંદાજ છે. ચાલુ નાણાકીય વર્ષમાં આ આંકડો વધીને 1.15 કરોડ યુનિટ થઈ શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
