સરાહનીય / તલાટીની પરીક્ષામાં પોલીસ બની સારથિ, મહિલાના બાળકને સાચવ્યું, વિકલાંગને તેડ્યો, ઘાયલને દવા કરાવીને પહોંચાડ્યો

• સુરત પોલીસે માનવતા મહેકાવી
• દિવ્યાંગ ઉમેદવારને કરી મદદ
• ઉમેદવારને ઊંચકીને કેન્દ્ર સુધી પહોંચાડ્યો

રાજ્યમાં જ્યારે-જ્યારે સ્પર્ધાત્મક પરીક્ષા યોજવામાં આવે છે, ત્યારે લોકો અને પોલીસકર્મીઓ ઉમેદવારોને મદદ કરતા જોવા મળે છે. આ પરંપરા આજની પરીક્ષામાં પણ જળવાયેલી જોવા મળી છે. સુરતમાં ASIએ દિવ્યાંગ ઉમેદવારને મદદ કરી છે. સુરતના કામરેજની એક્સપેરિમેન્ટલ શાળામાં દિવ્યાંગ ઉમેદવાર પરીક્ષા આપવા આવ્યા હતા. જેથી ASIએ ઉમેદવારને ઉંચકીને રૂમમાં લઈ ગયા હતા.

નાના બાળકને પોલીસે સાચવ્યો 
બે વર્ષીય બાળકની માતા જામનગર જિલ્લાના જામજોધપુર વિસ્તારની એ.વી.ડી.એસ કોલેજમાં તલાટીની પરીક્ષા આપવા આવી હતી. જે સમય દરમ્યાન બાળકને સાચવનાર કોઈ ના હોય તે દ્રશ્ય જોતા પો.કોન્સ પ્રશાંત વસરાએ બાળકને પોતાની પાસે સાચવી અનોખી જવાબદારી નિભાવી હતીં.

બે વર્ષીય બાળક ની માતા આજરોજ જામનગર જિલ્લાના જામજોધપુર વિસ્તારની એ.વી.ડી.એસ કોલેજમાં તલાટીની પરીક્ષા આપવા આવેલ,જે દરમ્યાન બાળક ને સાચવનાર કોઈ ના હોય તે દ્રશ્ય જોતા પો.કોન્સ.પ્રશાંતભાઈ વસરા એ બાળક ને પોતાની પાસે સાચવી અનોખી જવાબદારી નિભાવેલ.@sanghaviharsh @GujaratPolice@dgpgujarat pic.twitter.com/p6cdnElaAQ

— SP Jamnagar (@SP_Jamnagar) May 7, 2023

ઉમેદવારને પરીક્ષા કેન્દ્ર સુધી પહોંચાડ્યા હતાં
તલાટી પરીક્ષાને લઈ અમદાવાદ ઝોન 4ના તમામ પોલીસ સ્ટેશનમાં પોલીસ કર્મચારીઓએ અટવાયેલા ઉમેદવારને પરીક્ષા કેન્દ્ર સુધી પહોંચાડ્યા પીસીઆર વાનમાં ઉમેદવારોને લઈ જવાયા હતાં. જે પોલીસની સરાહનીય કામગીરીને વિદ્યાર્થીઓ બિરદાવી હતી. 

અટવાયેલા ઉમેદવારોને કેન્દ્ર સુધી પહોંચાડ્યા
જૂનાગઢના 74 કેન્દ્ર પર તલાટી પરીક્ષાનું આયોજન કરવામાં આવ્યું હતું. જ્યાં જિલ્લા પોલીસે અટવાયેલા ઉમેદવારોને કેન્દ્ર સુધી પહોંચાડ્યા હતાં તેમજ તમામ પરીક્ષા કેન્દ્ર પર પોલીસનો ચુસ્ત બંદોબસ્ત જોવા મળ્યો હતો. જ્યાં 2 DySP સહિત 500 પોલીસકર્મીઓ ફરજ પર હાજર રહ્યાં હતાં.

ગુલાબનું ફૂલ આપી મો મીઠું કરાવી શુભેચ્છા પાઠવી
તલાટી કમ મંત્રીની પરીક્ષા આપવા આવેલા પરીક્ષાર્થીઓનું ઓઢવ પોલીસ સ્ટેશન વિસ્તારમાં આવેલ નટરાજ હાઇસ્કુલ ખાતે ઓઢવ પોલીસ દ્વારા ગુલાબનું ફૂલ આપી મો મીઠું કરાવી શુભેચ્છા પાઠવવા આવી હતી.

મોરબી પોલીસની સરાહનીય
મોરબી જીલ્લા ટ્રાફીક પોલીસ દ્વારા આજરોજ તલાટી મંત્રીની પરીક્ષા દરમિયાન પરીક્ષાર્થીઓને સ્કૂલ સુધી પહોંચવા માટે મદદરૂપ થયેલા હતાં.

મોરબી જીલ્લા ટ્રાફીક પોલીસ દ્વારા આજરોજ તલાટી મંત્રી ની પરીક્ષા દરમિયાન પરીક્ષાર્થીઓ ને સ્કૂલ સુધી પહોંચવા માટે મદદરૂપ થયેલ.@sanghaviharsh @CMOGuj @dgpgujarat@GujaratPolice @IGP_RajkotRange @akumarips pic.twitter.com/yaSEHbXb0U

— SP MORBI (@SPMorbi) May 7, 2023

2 ઉમેદવારો પોતાને ફાળવેલ પરીક્ષા કેન્દ્ર
પાટણ જિલ્લાના હારીજ તાલુકામાં આવેલ તલાટી કમ મંત્રી પરીક્ષા દરમિયાન 2 ઉમેદવારો પોતાને ફાળવેલ પરીક્ષા કેન્દ્રને બદલે અન્ય કેન્દ્ર પર પહોંચ્યા હતા, જેથી હારીજ પોલીસ દ્વારા તાત્કાલિક ઉમેદવારોને પોલીસવાનમાં પરીક્ષા કેન્દ્ર સુધી પહોંચાડવામાં આવ્યા હતાં. 

પાટણ જિલ્લાના હારીજ તાલુકામાં આવેલ તલાટી કમ મંત્રી પરીક્ષા દરમિયાન 2 ઉમેદવારો પોતાને ફાળવેલ પરીક્ષા કેન્દ્રને બદલે અન્ય કેન્દ્ર પર પહોંચેલ, જેથી હારીજ પોલીસ દ્વારા તાત્કાલિક ઉમેદવારોને પોલીસવાનમાં પરીક્ષા કેન્દ્ર સુધી પહોંચાડવામાં આવેલ. #Talati_Exam @sanghaviharsh @dgpgujarat pic.twitter.com/kKFQRZXEbf

— SP PATAN (@SP_Patan) May 7, 2023

તલાટીની પરીક્ષામાં પોલીસ બની સારથિ
પોરબંદરમાં તલાટી કમ મંત્રીની પરીક્ષા આપવા આવેલ ઉમેદવાર અરજણ મોરીનું બાઈક અને કાર વચ્ચે અકસ્માત સર્જાયુ હતું. જેમને પોલીસે તાત્કાલિક પી.સી.આર વેન દ્વારા હોસ્પિટલ લઈ સારવાર કરાવી અને પરીક્ષા કેન્દ્ર સુધી પહોચાડવામાં આવ્યા હતાં.

તલાટી કમ મંત્રીની પરીક્ષા આપવા આવેલ ઉમેદવાર અરજણ મોરી ઉ.૨૩ વર્ષનું બાઈક અને કાર વચ્ચે અકસ્માત સર્જાતા તાત્કાલિક પી.સી.આર દ્વારા તેમને હોસ્પિટલ લઈ સારવાર કરાવી અને પરીક્ષા કેન્દ્ર સુધી પહોચાડવામાં આવ્યા.@GujaratPolice@dgpgujarat@sanghaviharsh@CMOGuj@Igp_jnd_range pic.twitter.com/a6SrxkuC5R

— SP Porbandar (@SP_Porbandar) May 7, 2023