AFG vs AUS / મોટો ઉલટફેર: સુપર 8માં અફઘાનિસ્તાનની ટીમે સર્જ્યો ઈતિહાસ, 127માં જ ઓસ્ટ્રેલિયાને કર્યું ઓલઆઉટ

T20 વર્લ્ડ કપના ઈતિહાસમાં કદાચ સૌથી મોટો ઉલટફેર આ વખતે જોવા મળ્યો છે. અફઘાનિસ્તાનની ટીમે ખૂબ જ રોમાંચક મેચમાં ઓસ્ટ્રેલિયા સામે જીત નોંધાવી છે. પ્રથમ બેટિંગ કરતા અફઘાનિસ્તાને 148 રન બનાવ્યા હતા અને જવાબમાં ઓસ્ટ્રેલિયન ટીમ 127 રનમાં ઓલઆઉટ થઈ ગઈ હતી.

રાશિદ ખાનની આગેવાની હેઠળની આ ટીમે તેના આંતરરાષ્ટ્રીય ક્રિકેટ ઈતિહાસમાં પ્રથમ વખત ઓસ્ટ્રેલિયાને હરાવ્યું છે. ગયા વર્ષે યોજાયેલા ODI વર્લ્ડ કપ 2023માં અફઘાનિસ્તાનની ટીમ જીતની ઉંબરે પહોંચી ગઈ હતી પરંતુ મેક્સવેલે તેની પાસેથી જીત છીનવી લીધી હતી. જોકે, આ વખતે અફઘાનિસ્તાને આવી કોઈ ભૂલ કરી ન હતી અને કિંગસ્ટાઉન ખાતે ઓસ્ટ્રેલિયાને 21 રને હરાવ્યું હતું.

અત્યાર સુધી બંને ટીમો વચ્ચે વનડેમાં ચાર અને ટી-20માં બે મેચ રમાઈ છે. અફઘાનિસ્તાનની ટીમ ઓસ્ટ્રેલિયા સામે વનડેમાં ક્યારેય જીતી શકી નથી, પરંતુ T20ની બીજી મેચમાં અફઘાનિસ્તાને ઓસ્ટ્રેલિયાને હરાવીને ઈતિહાસ રચ્યો છે.

ટોસ હાર્યા બાદ પ્રથમ બેટિંગ કરતા અફઘાનિસ્તાને 20 ઓવરમાં છ વિકેટ ગુમાવીને 148 રન બનાવ્યા હતા. રહેમાનુલ્લા ગુરબાઝે 60 અને ઈબ્રાહિમ ઝદરાને 51 રન બનાવ્યા હતા. જવાબમાં ઓસ્ટ્રેલિયાની ટીમ 19.2 ઓવરમાં 127 રનમાં સમેટાઈ ગઈ હતી.

આ મેચ સાથે અફઘાનિસ્તાનની સેમિફાઇનલ સુધી પહોંચવાની આશા છે. જો કે આ હાર બાદ પણ ઓસ્ટ્રેલિયાનો નેટ રન રેટ 0.22 છે જ્યારે અફઘાનિસ્તાનનો નેટ રન રેટ -0.65 છે. હવે આવતીકાલે ભારત અને ઓસ્ટ્રેલિયા સામસામે ટકરાશે અને આ મેચ ઓસ્ટ્રેલિયા માટે કરો યા મરો મેચ રહેશે.

વધુ વાંચો: સુપર 8માં કોહલીએ સર્જ્યો વિરાટ રેકોર્ડ, બન્યો આ કારનામું કરનાર વિશ્વનો પ્રથમ બેટ્સમેન

જો આવતીકાલે ઓસ્ટ્રેલિયાની ટીમ ભારત સામે હારી જશે અને અફઘાનિસ્તાન તેની આગમી મેચ બાંગ્લાદેશ સામે જીત જશે તો ભારતની સાથે અફઘાનિસ્તાન પણ સેમિફાઇનલમાં પહોંચી જશે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ