તૈયારી / 1800 હોમગાર્ડ, ડ્રોનથી નજર, મોટરસાઇકલ પર પોલીસ: સુરતમાં 31ST ડિસેમ્બરને લઈને ખાસ તૈયારીઓ, સ્ટંટ કરનારાઓ બચી નહીં શકે

• સુરતમાં નવા વર્ષની ઉજવણીને લઈ પોલીસની તૈયારી
• ઉજવણીના બહાને નશો કરનારાઓની ખેર નહીં
• જાહેર જગ્યા પર ભીડ એકઠી ન થાય તેવું આયોજન

નવા વર્ષની ઉજવણીને લઈ સુરત પોલીસની સવિશેષ તૈયારીઓ સામે આવી છે. લોકોને અગવડતા ઉભી ન થાય તેવી રીતે વ્યવસ્થા ઉભી કરાઈ છે. ઊજવણીના બહાને દારૂ અને ડ્રગ્સનું સેવન કરનારાઓ માટે પોલીસ ખાસ ડ્રાઈવનું પણ આયોજન કરાયું છે. 

તાયફા કરનારાઓ સામે કડક કાર્યવાહી થશે
નવા વર્ષની ઉજવણીને લઈ સુરત પોલીસ દ્વારા 200થી વધુ બ્રેથ એનેલાઈઝરનો મહત્તમ ઉપયોગ કરવામાં આવશે. જાહેર જગ્યાઓ પર ભીડ એકઠી ન થાય તેનું વિશેષ આયોજન કરાયું છે. પોલીસે કરેલા કોમ્બિંગમાં પ્રોહીબિશન અંગે 6 દિવસમાં 700થી વધુ કેસ નોંધાયા છે. કોમ્બિંગમાં 81 લાખનો મુદ્દામાલ પણ કબજે કરાયો છે. કારના બોનેટ પર બેસીને તાયફા કરનારાઓ સામે કડક કાર્યવાહી થશે.

વાંચવા જેવું: ગુજરાતમાં દારૂબંધી પણ આ લોકોને મળે છે પીવાની છૂટ, પરમિટ માંગનારાઓનો છેલ્લા ત્રણ વર્ષનો આંકડો ચોંકાવનારો

 6 દિવસમાં પ્રોહીબિશન અંગે 700થી વધુ કેસો થયા
31 ડિસેમ્બરને લઈ સુરત પોલીસ કમિશનરે જણાવ્યું છે કે, ભીડ એકઠી ન થાય તેનુ વિશેષ આયોજન કરાયું છે, કેટલાક વિસ્તારોમાં કોમ્બિગ કરાયુ છે. વધુમાં કહ્યું કે, 6 દિવસમાં પ્રોહીબિશન અંગે 700થી વધુ કેસો થયા છે અને પોલીસે 81 લાખનો મુદ્દમાલ કબજે કર્યો છે. PCR વાન, મોટરસાયકલ ઉપર પોલીસ તૈનાથ રહેશે. વધુમાં કહ્યું કે,પરિસ્થિતિ મુજબ ડ્રોનનો ઉપયોગ કરાશેઃ

4 હજારથી વધુ પોલીસ જવાનો તૈનાત રહેશે
પોલીસ કમિશ્નરે કહ્યું કે, 4 હજારથી વધુ પોલીસ જવાનો તૈનાત રહેશે. 4 SRP કંપની, 1800 હોમગાર્ડના જવાનોનો બંદોબસ્ત જોતરાશે. 1001 અસમજીક તત્વોને આ વર્ષે પાસા કરાયા છે. ઓપરેશન ફરાર હેઠળ ખાસ જુંબેશ હાથ ધરાઈ છે અને 368 ગુનેગારોને ઓપરેશન ફરાર હેઠળ પકડાયા છે.