સુરત / આ છે ગુજરાતી દિમાગ: સાત પાસ નટુકાકાએ થોડા ખર્ચમાં બનાવી દીધી અનોખી રિંગ બાઇક, રસ્તા પર નીકળે તો જોતાં રહી જાય છે લોકો

 

• સુરતમાં સાત પાસ નટુકાકાએ કરી કમાલ
• અદભુત ઇલેક્ટ્રિક રિંગ બાઈક બનાવી
• નટુકાકાની સવારી લોકો જોતા રહી ગયા

સુરત શહેરના માર્ગ ઉપર ફરતી રીંગ બાઈકનો વીડિયો હાલ સોશિયલ મીડિયામાં પૂર ઝડપે વાઇરલ થઈ રહ્યો છે. હાલ ચાલી રહેલા સોશિયલ મીડિયાના યુગમાં ક્યો વિડિયો ક્યારે વાયરલ થઈ જાય એનું કાંઈ નક્કી નથી હોતું અને આવો જ એક રીંગ બાઈકનો વીડિયો સોશિયલ મીડિયામાં હાલ ટ્રેન્ડમાં જોવા મળી રહ્યો છે. આ રિંગ બાઈક અઠવા ઝોન ઓફિસની બાજુમાં આવેલા શ્રીકૃષ્ણ ગેરેજના માલિક નટુભાઈએ બનાવી છે. 

નટુકાકાની રિંગ બાઈક
નટુકાકાના બેગ્રાઉન્ડ અંગેની માહિતી મેળવી નટુભાઈ છેલ્લા 42 વર્ષથી મિકેનિક તરીકે પોતાનું કામ કરી રહ્યા છે. નાનપણથી જ તેમને કંઈક અલગ કરવાનો શોખ હતો અને હવે તેમનો આ શોખ પૂરો થયો છે. આ બાઈક બનાવવા માટે તેમણે દિવસ રાત મહેનત કરી છે આ બાઈક બનાવી છે. ઇલેકટ્રિક  બનાવવાનો ખર્ચ 85થી 90 હજાર જેટલો થયો છે. નટુભાઈને આ બાઈક બનાવતા આશરે ચાર મહિના જેટલો સમય લાગ્યો છે. ચાર મહિનામાં નટુભાઈએ આ બાઈકની સૌપ્રથમ ડિઝાઇન બનાવી હતી. ડિઝાઇન બનાવ્યા બાદ કબાડી માર્કેટમાંથી થોડો થોડો સામાન લાવ્યા બાદ બાઈકને બનાવવાની શરૂઆત કરી હતી અને આ બાઈકને બનાવવા માટે તેમણે નાની લિથિયમ બેટરીનો ઉપયોગ કર્યો છે. લિથિયમ બેટરી એકવાર ચાર્જ કરવાથી 35 કિલોમીટર ચાલે છે અને તેને ચાર્જ કરવાનો સમય એક કલાક જેવું લાગે છે. એક યુનિટ કરતાં પણ ઓછી વીજળીમાં આ બેટરી ચાર્જ થઈ જાય છે. 

નટુકાકા સેલિબ્રિટી 
નટુભાઈ જ્યારે આ બાઈક લઈને સુરતના રસ્તા ઉપર નીકળે છે ત્યારે લોકો કુતુહલતા સાથે આ બાઈક અને જુએ છે. નટુભાઈ રસ્તા વચ્ચે જતા હોય ત્યારે લોકો તેમની પાસે આ રીંગ બાઇક રોકાવીને એક વખત રાઉન્ડ પણ મારતા હોય છે. એટલું જ નહી પણ જ્યારે તેઓ રસ્તા પરથી નીકળે ત્યારે લોકો સોશિયલ મીડિયામાં અપલોડ કરવા માટે તેમના વીડિયો પણ બનાવતા હોય છે. લોકો દ્વારા સહયોગ મળતા નટુકાકા પણ ખુશખુશાલ જોવા મળે છે નટુકાકાને સેલિબ્રિટી હોય એવી ફીલીંગ તેમને આવી રહી છે