બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 09:36 AM, 1 August 2026
FOLLOW ON
શેર કરો
1/6
વરસાદના કારણે અનેક રસ્તાઓ બંધ થઈ ગયા છે, રહેણાંક વિસ્તારોમાં પાણી ઘૂસી ગયા છે અને હજારો લોકોને મુશ્કેલીનો સામનો કરવો પડી રહ્યો છે. જિલ્લા વહીવટી તંત્ર અને ડિઝાસ્ટર મેનેજમેન્ટની ટીમો સતત સ્થિતિ પર નજર રાખી રહી છે.
આ તસવીર શેર કરો
2/6
સુરત જિલ્લાના કીમ નદીમાં અચાનક જળસ્તર વધી જતા હથોડા સહિત અનેક ગામોમાં નદીનું પાણી ઘરો સુધી પહોંચી ગયું છે. કેટલાક વિસ્તારોમાં ઘરોની અંદર નદી વહેતી હોય તેવા દ્રશ્યો સામે આવ્યા છે. મોડી રાત્રે પાણીમાં થયેલા એકાએક વધારાને કારણે લોકોને સુરક્ષિત સ્થળે જવાની ફરજ પડી હતી. આજે પણ જિલ્લામાં ભારે વરસાદની આગાહી હોવાથી લોકોમાં ચિંતા વધી છે.
આ તસવીર શેર કરો
3/6
ભારે વરસાદને કારણે તાપી નદીનું જળસ્તર પણ સતત વધી રહ્યું છે. તાપી નદી પરનો કોઝવે 8.34 મીટરની સપાટીએ ઓવરફ્લો થઈ રહ્યો છે, જ્યારે તેની ભયજનક સપાટી 6 મીટર છે. એટલે કે કોઝવે ભયજનક સપાટીથી 2.34 મીટર ઉપર વહી રહ્યો છે. કાકરાપાર ડેમમાંથી પાણીની આવક અને કેસમેન્ટ વિસ્તારમાં સતત વરસાદને કારણે નદીમાં આશરે 2 લાખ ક્યુસેક પાણીની આવક નોંધાઈ છે. હાલમાં કોઝવે પરથી અંદાજે 1.50 લાખ ક્યુસેક પાણી વહી રહ્યું છે.
આ તસવીર શેર કરો
4/6
કોસંબાથી કીમને જોડતો ગાયકવાડી માર્ગ વરસાદી પાણી અને કીમ નદીના પાણી ફરી વળતા સંપૂર્ણપણે બંધ કરી દેવાયો છે. જેના કારણે લોકોને હવે 15થી 20 કિલોમીટરનો વધારાનો ચકરાવો કરીને મુસાફરી કરવી પડી રહી છે. ખાસ કરીને નોકરી અને ધંધા માટે જતા લોકોને ભારે હાલાકીનો સામનો કરવો પડી રહ્યો છે.
આ તસવીર શેર કરો
5/6
કુંવરડા ગામની સીમમાં આવેલી નંદીની રેસિડન્સી, વિશ્વાસ રેસિડન્સી અને તક્ષશિલા સ્કૂલ સહિત અનેક વિસ્તારોમાં પાણી ભરાઈ ગયા છે. ગ્રામપંચાયતે રાત્રે જ જોખમગ્રસ્ત વિસ્તારોમાંથી લોકોને સેલ્ટર હોમમાં ખસેડવાની કામગીરી હાથ ધરી હતી. હજુ પણ કેટલાક લોકો ઘરોમાં ફસાયેલા હોવાનું સામે આવ્યું છે. સરપંચ, તલાટી અને સ્થાનિક તંત્ર સતત લોકોના સંપર્કમાં રહી જરૂરી મદદ પહોંચાડી રહ્યા છે.
આ તસવીર શેર કરો
6/6
માંગરોળ તાલુકાનું ભાટકોલ ગામ ચારેય તરફથી પાણીથી ઘેરાઈ જતાં બેટમાં ફેરવાઈ ગયું છે. અનેક ઘરો અને રસ્તાઓ પાણીમાં ગરકાવ થતાં ગામનો અન્ય વિસ્તારો સાથેનો સીધો સંપર્ક તૂટી ગયો છે. સુરત શહેર અને જિલ્લામાં રેડ એલર્ટ બાદ હવે ઓરેન્જ એલર્ટ જાહેર કરવામાં આવ્યું છે. ગત 24 કલાકમાં અંબિકા તાલુકામાં અંદાજે 24 ઇંચ વરસાદ નોંધાયો હતો, જ્યારે માત્ર 2 કલાકમાં 176 મીમી એટલે કે લગભગ 7 ઇંચ વરસાદ પડ્યો હતો. સુરત ડિઝાસ્ટર મેનેજમેન્ટ દ્વારા કીમ નદી પાસે NDRFની એક ટીમ પણ તૈનાત રાખવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
