- સૂડાનમાં હિંસા અને યુદ્ધનો માહોલ યથાવત
- ફસાયેલા ભારતીયોને નિકાળવામાં ભારત સરકારને મળી સફળતા
- ભારતીયોનો પહેલો જથ્થો ઓપરેશન કાવેરી અંતર્ગત રવાના
સૂડાનમાં ફસાયેલા ભારતીયોનાં પહેલો જથ્થો ભારતીય નૌસેનાનાં વહાણમાં સાઉદી અરબથી બહાર લઈ જવા માટે રવાના થયો છે. વિદેશમંત્રાલયે આ અંગે આજે માહિતી આપી હતી. ભારતે હિંસાગ્રસ્ત સૂડાનથી પોતાના નાગરિકોને નિકાળવા માટે સોમવારે ઓપરેશન કાવેરી શરૂ કર્યું હતું . વિદેશ મંત્રાલયનાં પ્રવક્તા અરિંદમ બાગચીએ INS Sumedha પર સવાર ભારતીયોનાં ફોટોને ટ્વિટ કરી આ અંગે માહિતી આપી હતી. સૂડાનથી લઈ જવા બદલ લોકોએ ભારત સરકારનો આભાર માન્યો હતો.
278 લોકોનાં જૂથને સફળતાપૂર્વક લઈ જવામાં આવ્યાં
અરિંદમ બાગચીએ ટ્વીટ કર્યું કે 'સૂડાનમાં ફસાયેલા ભારતીયોનો પહેલો જથ્થો ઓપરેશન કાવેરી અંતર્ગત રવાના થયો છે. INS સુમેધા 278 લોકોની સાથે પોર્ટ સૂડાનથી જેદ્દા જઈ રહ્યું છે.' અત્રે ઉલ્લેખનિય છે કે સૂડાનથી આવી રહેલા આ લોકોમાં અનેક બાળકો પણ શામેલ છે. હિંસાથી પ્રભાવિત સૂડાનમાં ફંસાયેલા ભારતીયોને સુરક્ષિતરૂપે નિકાળવાની યોજના અંતર્ગત ભારતે જેદ્દામાં 2 C-130J સૈન્ય પરિવહન વિમાન અને પોર્ટ સૂડાનમાં INS સુમેધાને તૈનાત કરેલ છે.
સૂડાનમાં હિંસાનું વાતાવરણ યથાવત
જેદ્દા પહોંચ્યા બાદ ભારતીયોને સ્વદેશ એટલે કે ભારત પરત લઈ અવાશે. સમગ્ર સૂડાનમાં લગભર 3000 ભારતીયો છે. સૂડાનની રાજધાની ખાર્તૂમમાં અનેક સ્થાનોમાં ભીષણ હિંસા અને લડાઈની માહિતીઓ સતત આવી રહી છે. અહીં સેના અને અર્ધલશ્કરી સમૂહની વચ્ચે છેલ્લાં 10 દિવસથી લડાઈનો માહોલ જોવા મળી રહ્યો છે. આ યુદ્ધમાં 400થી વધારે લોકોનું મોત થઈ ચૂક્યું છે.
PM મોદીએ આપ્યું હતું સૂચન
PM મોદીએ ગત શુક્રવારે એક ઉચ્ચ સ્તરીય બેઠકમાં સૂડાનથી ભારતીયોને સુરક્ષિતરૂપે કઢાવવાની યોજના ઘડવા અંગે સૂચનાઓ આપી હતી. વિદેશ મંત્રી જયશંકરે સૂડાનની સ્થિતિ પર હાલમાં જ સાઉદી અરબ અને સંયુક્ત અરબ અમીરાત UAEનાં વિદેશમંત્રીઓ સાથે ચર્ચા કરી હતી.
