- ભારત સરકારે નોન-બાસમતી ચોખાની નિકાસ પર પ્રતિબંધ મૂક્યો
- અમેરિકામાં ખાસ કરીને સોના મન્સૂરીની ખૂબ માંગ
- અમેરિકામાં ભારતીયો કરિયાણાની દુકાનો પર તૂટી પડ્યા
ભારત સરકારે નોન-બાસમતી ચોખાની નિકાસ પર પ્રતિબંધ મૂક્યો છે. સ્થાનિક બજારમાં નોન-બાસમતી ચોખાના વધતા ભાવને રોકવા માટે આ નિર્ણય લેવામાં આવ્યો હતો. વેપારી વર્ગ આ સમાચારથી નારાજ છે પરંતુ અમેરિકામાં નાસભાગ જેવી સ્થિતિ છે. ત્યાં મોટી સંખ્યામાં ભારતીયો રહે છે. ભાત વગરના ભોજનની કલ્પના કરી શકાતી નથી.
અમેરિકામાં ખાસ કરીને સોના મન્સૂરીની ખૂબ માંગ છે. ચોખાની નિકાસ પર પ્રતિબંધના સમાચાર મળતા જ ભારતીયો કરિયાણાની દુકાનો પર તૂટી પડ્યા હતા. પેકેટના પેકેટ વાહનોમાં ભરીને ઘરે લઈ જવાયા હતા. તક જોઈને અનેક સ્ટોર્સે ચોખાના ભાવમાં વધારો કર્યો છે. આ તરફ હવે USAમાં ચોખા માટે પડાપડીના દ્રશ્યો સર્જાયા છે.
અહેવાલો અનુસાર ભારતના પ્રતિબંધથી અમેરિકામાં ચોખાની સપ્લાય અને કિંમત પર અસર પડી શકે છે. ભારતમાં ચોખાની નિકાસ પર પ્રતિબંધે અમેરિકામાં ખળભળાટ મચાવ્યો છે. અમેરિકામાં દક્ષિણ ભારતીયોની નોંધપાત્ર સંખ્યા છે. તેમના આહારમાં ચોખાનું વિશેષ સ્થાન છે. પ્રતિબંધને કારણે ભારતીય ચોખાની અછત સર્જાઈ શકે છે. આ વાતની જાણ થતા સ્થાનિક લોકો રસોડા ભરવા માટે બહાર આવ્યા છે. કરિયાણાની દુકાનો પર લાંબી કતારો જોવા મળી રહી છે. ઉપરનો ફોટો જોઈને સમજાઈ જશે કે લોકોમાં આટલો ગભરાટ છે.
ભારતના નિર્ણયથી વિશ્વભરમાં ચોખાના ભાવ વધી શકે છે. 2012થી ભારત વિશ્વનો સૌથી મોટો ચોખા નિકાસકાર દેશ છે. અમેરિકા સહિત 100થી વધુ દેશોમાં ચોખા મોકલવામાં આવે છે. ઘઉં અને દાળની કિંમતોને કાબૂમાં લેવા માટે સરકાર ટૂંક સમયમાં કેટલાક વધુ મોટા પગલાં લઈ શકે છે. સૂત્રોના જણાવ્યા અનુસાર સરકાર કઠોળ અને ઘઉંની કેટલીક જાતોની નિકાસ પર પ્રતિબંધ મૂકી શકે છે. માંગ-પુરવઠાના તફાવતને ઘટાડવા માટે, તે આયાત અને કસ્ટમ ડ્યુટીમાં ફેરફાર જેવા પગલાં લઈ શકે છે.
