LG vs AAP / આજથી દિલ્હીમાં સબસિડીવાળી વીજળી બંધ, એકસાથે 46 લાખ પરિવારોને મોટો ઝટકો, AAPએ LG પર ફોડ્યું ઠીકરું

• દિલ્હીવાસીઓને સૌથી મોટા ઝટકા સમાન સમાચાર
• આજથી સબસિડીવાળી વીજળી દિલ્હીમાં બંધ
• AAP સરકારે LG પર ફોડ્યું ઠીકરું

અરવિંદ કેજરીવાલ સરકારના ઉર્જામંત્રીએ કહ્યું કે, 'આજથી દિલ્હીમાં મફત વીજળી નહીં મળે. શુક્રવારે આની જાહેરાત કરતા દિલ્હીના વીજળી મંત્રી આતિષી માર્લેનાએ એલજી વીકે સક્સેના પર આકરા પ્રહારો કર્યા છે.' કેજરીવાલ સરકારના ઉર્જા મંત્રી આતિશી માર્લેનાએ શુક્રવારે (14 માર્ચ, 2023) એક પ્રેસ કોન્ફરન્સ દરમ્યાન આ અંગેની માહિતી આપી હતી. આતિશીએ કહ્યું, 'આજથી એટલે કે શુક્રવાર (14 એપ્રિલ, 2023) થી દિલ્હીના લોકોને આપવામાં આવતી સબસિડીવાળી વીજળી બંધ થઈ જશે. આવતીકાલથી એટલે કે શનિવારથી સબસિડીવાળા બિલ આપવામાં આવશે નહીં.'

આતિશીએ સબસિડી બંધ કરવાનું કારણ જણાવતા કહ્યું કે, 'મફત વીજળી સબસિડી બંધ કરી દેવામાં આવી છે. કારણ કે AAP સરકારે આવતા વર્ષ માટે સબસિડી ચાલુ રાખવાનો નિર્ણય લીધો છે, પરંતુ ફાઇલ દિલ્હી એલજી પાસે છે અને જ્યાં સુધી ફાઇલ પરત નહીં આવે ત્યાં સુધી AAP સરકાર સબસિડી બિલ જારી નહીં કરી શકે.' પાર્ટી સરકારના આ નિર્ણય પર વિચાર કરવામાં આવી રહ્યો છે. દિલ્હીના લોકો માટે એક મોટો ફટકો છે.'

#WATCH | From today, the subsidized electricity given to the people of Delhi will be stopped. This means from tomorrow, the subsidized bills will not be given. This subsidy is stopped because AAP govt has taken the decision to continue subsidy for the coming year, but that file… pic.twitter.com/lYZ3lJ0Od7

— ANI (@ANI) April 14, 2023

આતિશીએ કહ્યું- LGએ રોકી રાખી ફ્રી વીજળી
આતિશીએ આરોપ લગાવ્યો કે, 'LGએ દિલ્હીની મફત વીજળી બંધ કરી દીધી છે. તેના કારણે 46 લાખ પરિવારો, ખેડૂતો, વકીલો અને 1984ના રમખાણ પીડિતોને મફત વીજળી મળતી બંધ થઈ જશે. એલજી દિલ્હી સરકારની વીજળી સબસિડીની ફાઇલ લઈને બેસી ગયા છે. તેમણે કહ્યું કે પાવર કંપનીઓ ટાટા, BSESએ પત્રો લખ્યા, 'જો તેમને સબસિડી વિશે માહિતી નહીં મળે, તો તેઓ બિલિંગ શરૂ કરશે'.

ઉર્જા મંત્રીએ કહ્યું કે 'જેવી વીજ કંપનીની પહેલી ચિઠ્ઠી મારી પાસે આવી. ત્યાર બાદ મે તુરંત LGની ઓફિસમાં સમય માંગ્યો. તેમણે કહ્યું કે આ એવો મુદ્દો છે, જેના કારણે દિલ્હીમાં અરાજકતા થશે. આ મુદ્દો 46 લાખથી વધુ પરિવારો સાથે સંબંધિત છે. આતિશીએ કહ્યું કે મેં એલજી પર એક મેસેજ કર્યો કે મારે તેમને એક અરજન્ટ મુદ્દે મળવું છે. મારે તેમનો પાંચ મિનિટનો સમય જોઈએ છે. ત્યારે કયા મુદ્દે વાત કરવી તેનું ઓફિસમાંથી પૂછવામાં આવ્યું. ત્યારે આ અંગે મે જાણકારી આપી હતી.