'બોજ' / જિંદગીને દિલ ફાડીને પ્રેમ કરવાના દિવસે જ 'ધ એન્ડ', સુરતના ઉમરપાડામાં વિદ્યાર્થીએ બોર્ડ પર પહાડ દોરી કરી આત્મહત્યા

• ઉમરપાડામાં વિદ્યાર્થીની આત્મહત્યાથી ચકચાર 
• શું ભણતરના ભારથી દબાયેલો હતો વિધાર્થી ?
• આત્મહત્યાનું કારણ જાણવા પોલીસની મથામણ 

સુરતના ઉમરપાડા વિસ્તારમાં એક વિદ્યાર્થીએ પોતાની જિંદગીથી કંટાળીને આત્મહત્યા  વહોરી છે. વેલેન્ટાઇન ડે ના જિંદગી દિલ ફાડ પ્રેમથી ખુદ એ જીવી લેવાના અને અન્ય સાથે જિંદગીને પ્રેમ કરવાના દિવસે જ વિદ્યાર્થીએ આત્મહત્યા વહોરી લીધી હતી. આ એક એવો દિવસ છે કે,જેમાં તમે તમારી જાતને તો પ્રેમ કરો જ, પરંતુ તમારા માતા-પિતા ,મિત્રો પરિચિતો સાથે પણ જીવનની દરેક પળને માણી લેવાની ખેવના હોય છે. વ્યક્ત થવાનું હોય છે. . 

શાળાના બ્લેક બોર્ડ પર લખ્યું 'ધ એન્ડ' 

સુરતના ઉમરપાડા તાલુકાના વાડી ગામે વિદ્યાર્થીએ આપઘાત કરી લેતા ચકચાર મચી ગઈ હતી.  ઝંખવાવની  શાંતિનિકેતન હાઈસ્કૂલની આ ઘટનામાં  વિદ્યાર્થીએ  બ્લેક બોર્ડ પર કુદરતી ચિત્ર દોરી "ધ એન્ડ" લખ્યું અને બાદમાં તુરંત  જ જિંદગી ટૂંકાવી નાખી હતી. મૃતક વિદ્યાર્થી ધોરણ 12માં અભ્યાસ કરતો હતો. અને પ્રાથમિક માહિતી પ્રમાણે આ વિધાર્થી ભણતરના ભારથી દબાયેલો હોવાની વાત સામે આવી છે. 

પોલીસ તપાસમાં 

બારમાં ધોરણના વિધાર્થીની આ રીતે કરાયેલી આત્મહત્યા બાદ શાળાના શિક્ષકો અને વિધાર્થી આલમમાં સોંપો પડી ગયો હતો. ઘટનાની જાણ થતા જ માંગરોળ પોલીસે ઘટનાસ્થળે પહોંચી તપાસ હાથ ધરી હતી. વિધાર્થીએ શા માટે શાળામાં આત્મહત્યા કરી છે ? તેના કારણો અને તારણોની ખૂટી કડી પોલીસ મેળવી રહી છે.