મોરબી / હળવદમાં મોનિટરિંગ સેલના દરોડા, 12 હિટાચી-13 ડમ્પર સહિત 7.61 કરોડનો મુદ્દામાલ જપ્ત, 10 લોકોની અટકાયત

• બ્રાહ્માણી નદીમાં સ્ટેટ મોનિટરિંગ સેલનાં દરોડા
• 7.61 કરોડનો મુદ્દામાલ કર્યો કબજે
• ગેરકાયદે રેતી ખનન કરતા 10થી વધુની અટકાયત

મોરબીના હળવદની બ્રાહ્મણી નદીમાં સ્ટેટ મોનિટરિંગ સેલે દરોડા પાડ્યા છે. ચાડધ્રાની નદીમાંથી 8 જેટલા હિટાચી અને ડમ્પરો ઝડપ્યા છે. સ્ટેટ મોનિટરિંગ સેલ અને SRPની ટીમે કાર્યવાહી કરી છે, 7 કરોડ 61 લાખ રૂપિયાનો મુદ્દામાલ કબજે લેવાયો છે.

7.61 કરોડનો મુદ્દામાલ કર્યો કબજે
હળવદની બ્રાહ્મણી નદીમાં SMCએ દરોડા પાડ્યા છે. ચાડધ્રા ગામ પાસે નદીમાંથી 7.61 કરોડથી વધુનો મુદ્દામાલ કબજે કર્યો છે. 12 હિટાચી, 13 ડમ્પર સહિતનો મુદ્દામાલ કબજે લેવાયો છે. SMC PSI દ્વારા વાહનોના માલિકો સહિત 50 શખ્સો સામે ગુનો નોંધી વધુ કાર્યવાહી ધરી છે. ગેરકાયદે રેતી ખનન કરતા 10થી વધુ લોકોની અટકાયત પણ કરાઈ છે.

SMCના દરોડા
SMCના દરોડાથી ખનન માફિયામાં ડર વ્યાપી ગયો છે. એસએમસીએ SRPની ટીમને સાથે રાખી કાર્યવાહીનો દોર ચલાવ્યો હતો. તેમજ 10 જેટલા ખનન ચોરોની અટકાયત પણ કરી છે.