ગીર સોમનાથ / વેરાવળના એસટી રોડ પર ફાયરિંગ કરી યુવકનું ઢીમ ઢાળી દેવાયું, જૂનું વેર વાળ્યું હોય તેવો કિસ્સો

• વેરાવળના એસટી રોડ પર ફાયરિંગની ઘટના
• નિતેશ કટારિયા નામના યુવક પર થયું ફાયરિંગ
• ફાયરિંગમાં યુવકનું ઘટના સ્થળે જ મોત

ગીર સોમનાથ જિલ્લાના વેરાવળ ખાતે ટ્રાફિકથી ધમધમતા એસટી રોડ પર સરાજાહેર ફાયરિંગની ઘટના સામે આવતા ચકચાર મચી જવા પામી છે. ભરબજારે નિતેશ કટારિયા નામના યુવક પર ફાયરિંગ કરી યુવાનું ઢીમ ઢાળી દીધું હતું. જેને લઈને હાહાકાર મચી ગયો હતો.આ ઘતોનાને લઈને સ્થાનિક પોલસ કાફલો ઘટના સ્થળે દોડી આવ્યો હતો. જ્યા ઘટના સ્થળેથી બંદુક, મોબાઇલ અને બાઇક મળી આવ્યું હતું. જેને લઈને પોલીસે સમગ્ર મામલે તપાસ હાથ ધરી છે.

નિતેશ કટારીયાની હત્યા

એસટી રોડ પર ચાની લારીએ નિતેશ સરમણભાઇ કટારીયા સ્કૂટર ઉપર બેઠા હતા આ દરમિયાન અચાનક જ અજાણ્યા શખ્સ સરાજાહેર ફાયરિંગ કર્યું હતું. જેમાં નિતેશ કટારીયા ગંભીર રીતે ઇજાગ્રસ્ત થયા હતા.બીજી બાજુ આ ઘટનાને લઈને ક્ષણિક અફરાતફરી મચી ગઇ હતી. વધુમાં ઇજાગ્રસ્ત યુવાનને  તાત્કાલિક સિવિલ હોસ્પિટલમાં ખસેડાયો હતો. જોકે સારવાર મળે તે પહેલાં યુવાનને કાળ ભેટી જતા પરિવારજનોમાં કાળો કલ્પાંત ફેલાયો છે.

જૂનું વેર જવાબદાર

મહત્વનું છે કે આ ઘટના પાછળ જૂનું વેર જવાબદાર જોવાનું જાણવા મળી રહ્યું છે.ઉપરાંત સમગ્ર પંથકમાં ફાયરિંગની ઘટનાના વવાડ પ્રસરી જતા અજંપા ભરી શાંતિ જન્મી હતી. વધુમાં હોસ્પિટલ ખાતે રબારી સમાજના આગેવાનો પણ દોડી ગયા હતા.