સ્પોર્ટ્સ / નીરજ ચોપરાના નામે NC ક્લાસિક 2025નો ખિતાબ, 86.18 મીટર ભાલા ફેંકીને જીત્યો ગોલ્ડ

ભારતીય રમતગમત ઇતિહાસના સૌથી સફળ ખેલાડીઓમાંના એક નીરજ ચોપરાના નામે આજે બેંગલુરુમાં એક ટુર્નામેન્ટનું આયોજન કરવામાં આવ્યું હતું, જેનું નામ નીરજ ચોપરા ક્લાસિક 2025 રાખવામાં આવ્યું હતું. નીરજ પોતે આ ટુર્નામેન્ટમાં શાનદાર પ્રદર્શન કરીને ફરી એકવાર ભારતનું ગૌરવ વધાર્યું છે. ચોપરાએ NC ક્લાસિક 2025નો ખિતાબ જીત્યો છે. નીરજ ઉપરાંત, 2 વધુ ભારતીય ખેલાડીઓએ પણ ટોચના 8માં સ્થાન મેળવ્યું છે.

ભારતમાં પ્રથમ વખત ભાલા ફેંક સ્પર્ધાનું આયોજન

ઓલિમ્પિકમાં ગોલ્ડ અને સિલ્વર મેડલ જીતનારા અનુભવી નીરજ ચોપરાએ આખી દુનિયામાં મોટું નામ કમાવ્યું છે. નીરજ વર્લ્ડ ચેમ્પિયન અને ડાયમંડ લીગ તેમજ ઘણી મોટી લીગ જીતી ચૂક્યા છે. ત્યારબાદ હવે તેમના નામે એક ટુર્નામેન્ટ રમાઈ રહી છે.

નીરજ ચોપરા ક્લાસિક 2025 ઇવેન્ટ શનિવાર 5 જુલાઈના રોજ બેંગલુરુના શ્રી કાંતિરવા સ્ટેડિયમ ખાતે રમાઈ હતી. જ્યાં નીરજ ચોપરાએ 86.18 મીટર દૂર ભાલો ફેંક્યો હતો. બીજા સ્થાને રહેલા જુલિયસ યેગોએ 84.51 મીટર ફેંક્યો હતો. જ્યારે ત્રીજા સ્થાને રહેલા રુમેશ થરંગાએ 84.34 મીટર ફેંક્યો હતો. ભારતમાં પહેલીવાર ભાલો ફેંકવાની ઇવેન્ટનું આયોજન કરવામાં આવ્યું છે.

સચિન યાદવ ચોથા નંબરે રહ્યા

નીરજ ચોપરાના સાથી ભારતીય ભાલા ફેંકનાર સચિન યાદવ ચોથા નંબરે રહ્યા. સચિને 82.33મીટર ફેંક્યો છે. એક ભારતીય ખેલાડી પણ ૮મા નંબરે જોવા મળ્યો હતો.

આ પણ વાંચો: ત્રણ મોર્ડન લાઈફસ્ટાઈલ ટ્રેન્ડ, જે યુવાઓમાં વધારી રહ્યા છે હાર્ટ એટેકનું જોખમ

જેના માટે યશવીર સિંહે 79.65 મીટર ફેંક્યો છે. આ ટુર્નામેન્ટ JSW સ્પોર્ટ્સ, એથ્લેટિક્સ ફેડરેશન ઓફ ઈન્ડિયા અને વર્લ્ડ એથ્લેટિક્સ દ્વારા સંયુક્ત રીતે યોજાઈ રહી છે. એશિયન ગેમ્સ 2023માં સિલ્વર મેડલ જીતનાર કિશોર જેના ઈજાને કારણે આ ટુર્નામેન્ટનો ભાગ બની શક્યા નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ