IPL 2026 / આ દિવસે થશે ખેલાડીઓની હરાજી, BCCIએ IPLની મિની ઓક્શનની તારીખનું કર્યું એલાન

IPL 2026 Auction Date: તમામ 10 IPL ફ્રેન્ચાઇઝીઓ દ્વારા પોતપોતાના રિટેન અને રિલીઝ કરાયેલા ખેલાડીઓનું લિસ્ટ બહાર પાડ્યા પછી હવે ભારતીય ક્રિકેટ કંટ્રોલ બોર્ડ (BCCI) એ આગામી મીની-ઓક્શન માટેની તારીખ અને સ્થળ જાહેર કરી દીધું છે. BCCIએ જાહેરાત કરી કે IPL 2026નું ઓક્શન 16 ડિસેમ્બરે અબુ ધાબીના એતિહાદ એરેનામાં થશે. પ્રેસ રિલીઝમાં BCCIએ જણાવ્યું કે 10 ટીમોએ કુલ 173 ખેલાડીઓને રિટેન કર્યા છે, જેમાં 49 વિદેશી ખેલાડીઓ અને કેટલાક ટ્રેડ કરાયેલા ખેલાડીઓ પણ સામેલ છે. 10 ટીમો પાસે IPL 2026ના ઓક્શન માટે 77 સ્લોટ બાકી છે, અને બધી ટીમોનું કુલ પર્સ 237.55 કરોડ રૂપિયા છે.

BCCI દ્વારા જારી કરાયેલ પ્રેસ રિલીઝ પ્રમાણે, ટાટા ઇન્ડિયન પ્રીમિયર લીગ (IPL) 2026 સીઝન માટે પ્લેયર રિટેન્શન વિન્ડો 15 નવેમ્બર 2025ના રોજ બંધ થઈ ગઈ, જેમાં તમામ 10 ફ્રેન્ચાઇઝીઓએ હરાજી પહેલા તેમના રિટેન કરેલા ખેલાડીઓની પુષ્ટિ કરી. ટીમોમાં કુલ 173 ખેલાડીઓને રિટેન કરવામાં આવ્યા છે, જેમાં 49 વિદેશી ખેલાડીઓ પણ સામેલ છે. કુલ 77 ખેલાડીઓના સ્લોટ માટે ઓક્શનમાં કુલ 237.55 કરોડ રૂપિયાનું કુલ પર્સ ઉપલબ્ધ હશે.

દરેક ટીમને વધુમાં વધુ 25 ખેલાડીઓ રાખવાની મંજૂરી હોવાથી, પંજાબ કિંગ્સે 21 ખેલાડીઓને રિટેન રાખવાનો વિકલ્પ પસંદ કર્યો છે, જે 10 ફ્રેન્ચાઇઝીઓમાં સૌથી વધુ છે. જ્યારે મુંબઈ ઇન્ડિયન્સ અને ગુજરાત ટાઇટન્સે 20-20 ખેલાડીઓને રિટેન કર્યા છે. IPL ખેલાડીઓનું ઓક્શન 16 ડિસેમ્બરે અબુ ધાબીના એતિહાદ એરેના ખાતે યોજાશે.

જણાવી દઈએ કે કોલકાતા નાઈટ રાઈડર્સ આ વર્ષના ઓક્શનમાં સૌથી મોટા 64.3 કરોડ રૂપિયાના પર્સ સાથે ઉતરશે. તેણે વેંકટેશ ઐયર અને આન્દ્રે રસેલ જેવા ખેલાડીઓને રિલીઝ કર્યા છે. ચેન્નઈ સુપર કિંગ્સ પાસે મહત્તમ નવ ઉપલબ્ધ સ્લોટ ભરવા માટે બીજા ક્રમનું સૌથી વધુ ફંડ 43.4 કરોડ રૂપિયા હશે.

આ પણ વાંચો: શુભમન ગિલને અચનાક હોસ્પિટલમાં દાખલ કરવો પડ્યો, ટીમ ઈન્ડિયાને ઝટકો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ