ક્રિકેટ / સૂર્યકુમાર યાદવે રોહિત શર્માને પાછળ છોડ્યો, આ મામલે બન્યો નંબર વન કેપ્ટન

ભારત અને ઓસ્ટ્રેલિયા વચ્ચે ચાલી રહેલી 5 મેચની ટી-20 સિરીઝમાં ભારતીય કપ્તાન સૂર્યકુમાર યાદવે એક અનોખો રેકોર્ડ પોતાના નામે કરી લીધો છે. 6 નવેમ્બરે રમાયેલી ચોથી ટી-20 મેચમાં સૂર્યાએ 2 છગ્ગા ફટકારીને SENA દેશો (સાઉથ આફ્રિકા, ઇંગ્લેન્ડ, ન્યૂઝીલેન્ડ અને ઓસ્ટ્રેલિયા) સામે ટી-20 આંતરરાષ્ટ્રીય ક્રિકેટમાં સર્વાધિક છગ્ગા જડનાર ભારતીય બેટ્સમેન તરીકે રોહિત શર્માને પાછળ છોડી દીધા છે.

રોહિત શર્માના નામે હતા 41 છગ્ગા, જ્યારે હવે સૂર્યકુમાર યાદવના નામે કુલ 43 છગ્ગા નોંધાઈ ગયા છે. આ યાદીમાં વિરાટ કોહલી 30 છગ્ગા સાથે ત્રીજા સ્થાન પર છે, જ્યારે કે.એલ. રાહુલ પાસે 28 અને પૂર્વ સ્ટાર યુવરાજ સિંહ પાસે 26 છગ્ગા છે.

વધુ વાંચો: વર્લ્ડ ચેમ્પિયન બન્યા બાદ પણ આ 9 ભારતીય ખેલાડીઓને ઝટકો, જુઓ લિસ્ટ

આ પ્રદર્શન પછી સૂર્યકુમાર યાદવ હવે SENA દેશો સામે છગ્ગા ફટકારવાના મામલે નંબર 1 બની ગયા છે, અને સિરીઝનો અંતિમ મુકાબલો 8 નવેમ્બરે બ્રિસ્બેનના ગાબા મેદાનમાં રમાવાનો છે, જેને લઈને ચાહકોમાં ભારે ઉત્સુકતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ