સ્પોર્ટ્સ / એશિયા કપ 2025: પાકિસ્તાન માટે હજુ પણ ફાઈનલનો રસ્તો મુશ્કેલ, બાંગ્લાદેશ બની શકે છે ગેમચેન્જર

એશિયા કપ 2025ના સુપર-4 રાઉન્ડમાં રોમાંચ વધતો જ રહ્યો છે. 23 સપ્ટેમ્બરે પાકિસ્તાને શ્રીલંકાને હરાવીને પોતાની ફાઇનલ આશાઓને જીવંત રાખી છે. અબુધાબીમાં રમાયેલા આ મુકાબલામાં શ્રીલંકાએ માત્ર 133 રન બનાવ્યા હતા, જેને પાકિસ્તાને 18 ઓવરમાં જ 5 વિકેટ બાકી રાખીને ચેઝ કરી લીધા.

શ્રીલંકાની બેટિંગ અને બોલિંગ બંને જ ફેલ રહ્યા. કમિંદુ મેન્ડિસની અડધી સદી સિવાય કોઈ ખેલાડી ટકી શક્યો નહીં. પાકિસ્તાન માટે હુસેન તલત અને મોહમ્મદ નવાઝે શાનદાર ભાગીદારી કરીને જીત સુનિશ્ચિત કરી. આ હાર સાથે જ શ્રીલંકા ફાઇનલની રેસમાંથી લગભગ બહાર થઈ ગઈ છે.

હજુ પાકિસ્તાન સેફ નથી

જીત છતાં પાકિસ્તાનનું ફાઇનલમાં સ્થાન નિશ્ચિત નથી થયું. હવે બાંગ્લાદેશ ટીમ આખા ટુર્નામેન્ટનો ગેમચેન્જર સાબિત થઈ શકે છે. જો બાંગ્લાદેશ 24 સપ્ટેમ્બરે ભારત સામે જીતે તો તે સીધું જ ફાઇનલનું મજબૂત દાવેદાર બની જશે. એ જ નહીં, જો ભારત સામે હારી પણ જાય તો પણ પાકિસ્તાન પર જીત બાંગ્લાદેશને ફાઇનલમાં પહોંચાડી શકે છે.

વધુ વાંચો : એશિયા કપ 2025 : પાકિસ્તાનનું સુપર-4 માં ખાતું ખુલ્યું, લંકાને 5 વિકેટે હરાવ્યું

ટલે કે હવે આખા ટુર્નામેન્ટની ફાઇનલ રેસ ભારત-બાંગ્લાદેશ મુકાબલાની જીત-હાર પર આધાર રાખે છે. પાકિસ્તાનને હજુ રાહ જોવી પડશે કે બાંગ્લાદેશ શું કમાલ કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ