બોલીવુડની બોલ્ડ એક્ટ્રેસ પરવીન બાબી જન્મ ગુજરાતના જુનાગઢમાં થયો હતો અને તે અમદાવાદમાં ભણી હતી. 4 એપ્રિલ 1954ના રોજ વલી મોહમ્મદ ખાનના ઘરે જૂનાગઢમાં દીકરી પરવીન બાબીનો જન્મ થયો હતો. તેનો પરિવાર જૂનાગઢના નવાબોના પરિવારનો હતો. પરવીન બાબીનો જન્મ તેના માતા-પિતાના લગ્નના 14 વર્ષ બાદ થયો હતો. પરવીન માત્ર 5 વર્ષની હતી ત્યારે તેના પિતા વલી મોહમ્મદનું અવસાન થયું હતું, તેથી તેની માતા જમાલ બખ્તે બાબીએ અમદાવાદમાં એકલા રહીને તેનો ઉછેર કર્યો હતો. માઉન્ટ કાર્મેલ હાઈસ્કૂલમાં અભ્યાસ કર્યા બાદ પરવીને સેન્ટ ઝેવિયર્સ કોલેજમાંથી અંગ્રેજી સાહિત્યમાં ડિગ્રી મેળવી હતી.
- નાનપણથી બોલ્ડ, મોર્ડન કપડાં પહેરીને ખુલ્લેઆમ સિગરેટ પીતી
પરવીન બાબી નાનપણથી જ અત્યંત બોલ્ડ હતી. મોર્ડન કપડાં પહેરીને ખુલ્લેઆમ સિગરેટ પીતી પરવીન ઘણીવાર લોકોનું ધ્યાન ખેંચતી હતી. આ જ કારણ છે કે માત્ર 18 વર્ષની ઉંમરમાં પરવીનને મોટા મોડલિંગ પ્રોજેક્ટ મળવા લાગ્યા હતા.
જ્યારે સિક્કા પડવા લાગ્યાં ત્યારે બની માનસિક રોગનો ભોગ
પરવીન તેની કારકિર્દીની ટોચ પર હતી ત્યારે તેને પેરાનોઇડ સ્કિઝોફ્રેનિઆ નામના અસાધ્ય રોગનું નિદાન થયું હતું. તે પોતાની બીમારીને દુનિયાથી ગુપ્ત રાખવા માગતી હતી પરંતુ તેના વ્યવહારમાં આવેલા ફેરફારોથી બધાને ખબર પડી હતી કે તે આ બીમારી છે.
પરવીન બાબીની કઈ ફિલ્મો હીટ રહી
દિવાર (1975), અમર અકબર એન્થની (1977), ધ બર્નિંગ ટ્રેન (1980), શાન (1980), કાલિયા (1981), નમક હલાલ (1982) જેવી ડઝનબંધ ફિલ્મો સુપરહીટ રહી.
શું છે પેરાનોઈડ સ્કિઝોફ્રેનિઆ
બોલીવુડની કરિયરની ટોચે હતી ત્યારે જ પરવીન બાબીને પેરાનોઇડ સ્કિઝોફ્રેનિઆ નામનો રોગ થયો હતો. નાનપણથી આ રોગથી પીડિત હોવાનું પણ કહેવાય છે. પરવીનના ઘણા પ્રેમીઓમાંના એક કબીર બેદીએ પોતાની ઓટોબાયોગ્રાફીમાં પરવીનના બાળપણ વિશે કેટલીક ચોંકાવનારી વાતો જણાવી હતી. તેમણે કહ્યું હતું કે પરવીનને નાનપણથી જ આત્માઓ દેખાતી હતી. આ પુસ્તક પ્રકાશિત થયા પહેલા બોલીવૂડ હંગામાને આપેલા એક ઇન્ટરવ્યુમાં કબીરે પરવીન બાબી વિશે વાત કરી હતી. "તેની (પરવીનની) સમસ્યાઓ એક બાળક તરીકે શરૂ થઈ હતી કારણ કે તેને ઘરની આસપાસના સ્મારકોમાં આત્માઓ દેખાતી હતી. તેમણે કહ્યું કે પરવીન બાબીનું મુઘલ બાદશાહ હુમાયુ સાથે પણ કનેક્શન નીકળ્યું છે. પરવીન બાબીના વડવાંઓ હુમાયુંને ત્યાં કામ કરતાં હતા. ઉલ્લેખનીય છે કે પેરાનોઈડ સ્કિઝોફ્રેનિયોનો પીડિત દર્દને બધા પર શક પડે છે.
3 દિવસ સુધી સડતી રહી હતી લાશ
ડિપ્રેશનથી પીડિત પરવીન બાબીનું 20 જાન્યુઆરી 2005ના રોજ 50 વર્ષની વયે મોત થયું હતું. તેની લાશ 3 દિવસ સુધી સડતી રહી હતી. ત્રણ દિવસ ખબર પડી કે પરવીનનું મોત થઈ ચૂક્યું છે.
