કેન્દ્ર સરકારની અનલૉક 5ની ગાઇડલાઇનમાં છૂટછાટ બાદ કેટલાક રાજ્યોએ 15 ઓક્ટોબર બાદ હાલની સ્થિતિને જોતા સ્કૂલ ખોલવાનો નિર્ણય સ્વતંત્ર લીધો છે. જેને જોતા શિક્ષા મંત્રાલયે સ્કૂલ ખોલવાને લઇને એક SOP તૈયાર કરી છે.
શિક્ષા મંત્રાલયે સ્કૂલ ખોલવાને લઇને SOP જાહેર કરી
15 ઓક્ટોબરથી શાળાઓ ખોલી શકે છે રાજ્ય
પરિવારની મંજૂરીથી જ બાળકોને શાળા બોલાવી શકશે
ભારત સરકારના શિક્ષા મંત્રાલયે શાળા ખોલવા માટે સ્ટાન્ડર્ડ ઓપરેટિંગ પ્રોસિઝર સોમવારે જાહેર કરી દીધી છે. જને અનુસાર, બ-ત્રણ અઠવાડિયા સુધી બાળકોને કોઈ અસેસમેન્ટ નહીં હોય. વિદ્યાર્થીનું મેન્ટલ હેલ્થ અને ઇમોશનલ સેફ્ટી પર પણ ધ્યાન આપવું પડશે. કેમ્પસમાં ઇમરજન્સી કેર ટીમ બનાવવા પડશે. પરિવારની મંજૂરીથી જ બાળકોને શાળા બોલાવી શકશે.
આ SOPનો પહેલો ભાગ સ્વાસ્થ્ય, સફાઈ અને સુરક્ષા વિશે છે. બીજા ભાગવમાં સોશિયલ ડિસ્ટન્સિંગને ધ્યાનમાં રાખતા ભણવા અને ભણાવવા પર ભાર મૂકવામાં આવ્યો છે. શિક્ષા મંત્રી રમેશ પોખરિયાલ નિશંકે કહ્યું કે, મને આશા છે કે, રાજ્ય આ SOPનું સારી રીતે પાલન કરશે. કોઇ પણ વિદ્યાર્થીને જબરદસ્તી શાળાએ નહીં બોલાવવામાં આવે.
— Dr. Ramesh Pokhriyal Nishank (@DrRPNishank) October 5, 2020
શિક્ષા મંત્રાલયે SOP જાહેર કરતા કહ્યું કે, શાળાઓને ખોલતા પહેલા શાળાના દરેક ભાગને સારી રીતે સાફ અને સેનિટાઇઝ કરવું પડશે. હાથ ધોવા અને ડિસઇન્ફેક્શનનો પ્રબંધ કરવાનો રહેશે. બાળકોને બેસાડવાના પ્લાનથી ળઇને સુરક્ષિત પરિવહન પ્લાન, ધોરણો વચ્ચે સમયના ખાસ અંતરનું પ્લાન, પ્રવેશ અને જવાના કેન્દ્ર પર સુરક્ષાના તમામ પ્રબંધ, હોસ્ટેલોમાં સુરક્ષિત રહેવાના પ્રબંધ પર પણ ભાર આપવામાં આવ્યો છે.
SOPમાં 6 ફૂટનું સોશિયલ ડિસ્ટન્સિંગ મેઇન્ટેઇન કરવાની વાત કહેવામાં આવી છે. ધોરણ, લેબોરેટરી અને રમત-ગમતથી જોડાયેલા વિસ્તારોમાં તમામને હંમેશા માસ્ક પહેરવું પડશે. વારંવાર હાથ ધોવા અને શ્વાસ સંબંધી નિયમોનું પાલન કરવા પણ કહેવામાં આવ્યું છે.
અનલૉક 5ની ગાઇડલાઇન અનુસાર SOPમાં હાજરીમાં સુગમતાની વાત સામેલ કરવામાં આવી છે. જો વિદ્યાર્થી ઇચ્છે તો તે શાળાએ જવાના બદલે ઓનલાઇન ક્લાસનો વિકલ્પ પસંદ કરી શકે છે.
SOPનો પહેલો ભાગ
શાળા કેમ્પસના તમામ એરિયા, ફર્નીચર, ઈક્વિપમેન્ટ, સ્ટેશનરી, સ્ટોરેજ પ્લેસ, વોટર ટેન્ક, કિચન, વોશરૂમ, લેબ, લાઈબ્રેરીની સતત સાફ-સફાઈ થાય તથા આ જગ્યાઓને ડિસઈન્ફેક્ટ કરવામાં આવે.
શાળાને ઈમરજન્સી કેર સપોર્ટ ટીમ અથવા રિસ્પોન્સ ટીમ, જનરલ સપોર્ટ ટીમ, કમોડિટી સપોર્ટ ટીમ, હાઈજીન ઈસ્પેક્શન ટીમ બનાવવી પડશે તથા તે અંતર્ગત જવાબદારી વહેચવાની રહેશે.
રાજ્યો દ્વારા જાહેર કરવામાં આવેલી ગાઈડલાઈનના આધારે શાળા પોતાની SOP તૈયાર કરે, જેથી બાળકોની બાબતમાં સોશિયલ ડિસ્ટન્સિંગ તથા હેલ્થ સેફ્ટીનું પાલન થઈ શકે. આ અંગે નોટિસ, પોસ્ટર, મેસેજ લગાવવામાં આવે તથા માતાપિતાને પણ મુખ્યત્વે કમ્યુનિકેટ કરવામાં આવે.
સિટિંગ પ્લાન તૈયાર કરતી વખતે સોશિયલ/ફિઝિકલ ડિસ્ટન્સિંગનું ધ્યાન રાખવામાં આવે. ફંક્શન્સ અને ઈવેન્ટ્સને ટાળવામાં આવે. તમામ વિદ્યાર્થીઓની એક સમયે જ એન્ટ્રી-એક્ઝીટ ન થાય, આ માટે અલગ-અલગ ટાઈમ ટેબલ રાખવામાં આવે.
તમામ બાળકો અને સ્ટાફ ફેસ કવર અથવા માસ્ક પહેરીને જ શાળાએ આવે. તેને શાળાના સમય દરમિયાન પહેરેલા જ રાખવામાં આવે. સેફ્ટી પ્રોટોકોલ, સોશિયલ ડિસ્ટન્સિંગને લગતી સાઈનેઝ અને માર્કિંગ્સ લગાવવામાં આવે.
તમામ ક્લાસ માટે એકેડમિક કેલેન્ડરમાં ફેરફાર કરવામાં આવે. ખાસ કરીને બ્રેક્સ અને પરીક્ષાઓ અંગે ફરી વિચારણા કરવામાં આવે.
શાળા ફરી ખોલતા પહેલા એ જોવામાં આવે કે તમામ બાળકો પાસે આવશ્યક ટેક્સ્ટબુક ઉપલબ્ધ છે.
શાળામાં હેલ્થ કેર એટેન્ડન્ટ, નર્સ, ડોક્ટર, કાઉન્સલર ઉપલબ્ધ હોય અથવા નજીકના વિસ્તારમાં ઉપલબ્ધ બને, જેથી બાળકોની ફિઝિકલ અને મેન્ટલ હેલ્થ પ્રત્યે ધ્યાન આપી શકાય.
શાળાના બાળકો અને શિક્ષકો માટે નિયમિત હેલ્થ ચેકઅપની વ્યવસ્થા પણ કરાવી શકાય છે.
બાળકો, માતાપિતા અને શિક્ષકોના હેલ્થ સ્ટેટ્સ અંગે માહિતી મેળવતા રહો.
જ્યારે બાળકો અને સ્ટાફ બીમાર હોય તો તે ઘરેથી અભ્યાસ અથવા કામ કરી શકે છે, આ માટે ફ્લેક્સિબલ એટેન્ડેન્સ અને સિક લીવ પોલિસી બનાવવી.
SOPનો બીજો ભાગ
લર્નિંગ આઉટકમનું ધ્યાન રાખતા કોમ્પ્રિહેન્સિવ અને અલ્ટરનેટિવ કેલેન્ડર બનાવવામાં આવે.
નવી સ્થિતિને જોતા એકેડમિક કેલેન્ડર પર ફરીથી કામ કરવામાં આવી શકે છે.
શાળા ખોલ્યા બાદ બાળકો એકજૂટ રહે, તેની ઉપર શાળાએ ધ્યાન આપવાનું રહેશે.
ટીચર્સે બાળકો સાથે તેમના કરિક્યુલમની રૂપરેખા અને મોડ ઓફ લર્નિંગ પર વાત કરવી જોઈએ. તેમા ફેસ ટુ ફેસ ઈન્સ્ટ્રક્શન, ઈન્ડિવિજ્યુઅલ અસાઈનમેન્ટ્સ, ગ્રુપ બેસ્ઝ પ્રોડક્ટ અને ગ્રુપ પ્રેઝન્ટેશનનો ઉલ્લેખ સામેલ હોય.
સ્કૂલ બેઝ અસાઈનમેન્ટ કઈ તારીખો પર હશે, તે અંગે પણ બાળકો સાથે વાતચીત કરો.
વર્કબુક, વર્કશીટ્સ, ટેકનોલોજી બેઝ રિસોર્સિસના ઉપયોગ જેવા કે અભ્યાસની વિવિધ પદ્ધતિઓ પ્રત્યે ધ્યાન આપવામાં આવે, જેથી સોશિયલ ડિસ્ટન્સિંગનું પાલન કરી શકાય.
શાળાએ ધ્યાન આપે કે લોકડાઉન સમયે ઘરે બેઠા અભ્યાસ કરનારા બાળકો સરળતાથી ફોર્મલ સ્કૂલિંગ પર પરત ફરે.આ માટે શાળાઓ તેમના કેલેન્ડર અને એન્યુઅલ કરિક્યુલમ પ્લાન પર ફરી વખત વિચાર કરે. જે માટે સ્કલ રેમેડિયન ક્લાસિસ શરૂ કરી શકે છે અથવા બેક ટુ સ્કૂલ કેમ્પસ ચલાવી શકે છે.
ટીચર્સ, શાળા કાઉન્સલર્સ અને શાળા હેલ્થ વર્કર્સ એકજૂટ થઈ વિદ્યાર્થીઓની ઈમોશનલ સેફ્ટી પર ધ્યાન આપે.