જાણી લો / આ દિશા તરફ પગ કરીને ઊંઘવાથી શરીરમાં થઈ શકે છે ગંભીર બીમારી, વિજ્ઞાન પણ માને છે નેગેટિવ ઉર્જાની વાત

• દક્ષિણ દિશા તરફ પગ રાખીને ન સૂવું જોઈએ
• આ દિશામાં પગ રાખીને સૂતા હોય તો યમરાજ ગુસ્સે થઈ જાય 
• આમ ન કરવા પાછળ વૈજ્ઞાનિક કારણ શું છે ચાલો જાણીએ.. 

sleeping with feet in south direction: મોટાભાગના ઘરોમાં વડીલોએ કહેતા સાંભળ્યા હશે કે દક્ષિણ તરફ પગ રાખીને ન સૂવું જોઈએ. જો કે એમ ન કરવા પાછળ કારણ પૂછવામાં આવે ત્યારે વાસ્તુ સંબંધિત ઘણી માન્યતાઓ વિશે માહિતી આપે છે. એવું માનવામાં આવે છે કે દક્ષિણ દિશા યમની છે. આવી સ્થિતિમાં જો તમે આ દિશામાં પગ રાખીને સૂતા હોવ તો યમરાજ ગુસ્સે થઈ જાય છે. પણ ઘણા લોકો આ વાસ્તુમાં નથી માનતા એમને જણાવી દઈએ કે કારણ ગમે તે હોય પણ દક્ષિણ દિશામાં પગ રાખીને સૂવું ખોટું છે, વિજ્ઞાને પણ તેને યોગ્ય માની લીધું છે. આવો જાણીએ શું છે વૈજ્ઞાનિક કારણ અને તેની મનુષ્ય પર કેવી અસર થાય છે.

વૈજ્ઞાનિક કારણ શું છે ચાલો જાણીએ.. 
વિજ્ઞાનનું માનવું છે કે રાત્રે સૂતી વખતે આપણા શરીરમાં ચુંબકીય ઉર્જાનો સંચાર થાય છે અને અહીંથી નકારાત્મક ઉર્જા પણ સમાપ્ત થાય છે. આમ થવાથી સુખદ અને સારી ઊંઘ મેળવવામાં મદદ મળે છે. વિજ્ઞાનની દૃષ્ટિએ એવું માનવામાં આવે છે કે ઉત્તર અને દક્ષિણ ધ્રુવમાં ચુંબકીય શક્તિ છે જે જે દક્ષિણ ધ્રુવથી ઉત્તર તરફ વહે છે. એવામાં જો કોઈ વ્યક્તિ દક્ષિણ તરફ પગ રાખીને સૂવે છે તો તેના શરીરની ચુંબકીય ઉર્જા માથા તરફ જાય છે.

શરીરને કેવી રીતે અસર કરે છે આ ચુંબકીય ઉર્જા
ઉત્તર તરફ માથું રાખીને એટલે કે દક્ષિણ તરફ પગ રાખીને સૂવાથી ચુંબકીય ઉર્જા પગમાંથી માથા તરફ જાય છે. હવે આવી સ્થિતિમાં સૂઈને વ્યક્તિ જ્યારે સવારે ઉઠે છે ત્યારે તે ઘણો તણાવમાં રહે છે. દક્ષિણ તરફ પગ રાખીને સૂવાથી સવારે ઉઠ્યાના કલાકો સુધી તેને લાગતું રહે છે કે ઊંઘ હજુ પૂરી નથી થઈ. માથા પર ચુંબકીય ઉર્જાની વધુ અસર થવાને કારણે તે થાક અનુભવે છે. 

દક્ષિણ તરફ પગ રાખીને ન સૂવું જોઈએ
એવામાં જો પગ ઉત્તર દિશા તરફ હોય તો આ ઉર્જા પગમાંથી નીકળી જાય છે અને એ કારણે તે ઉર્જાવાન અને તણાવમુક્ત રહે છે. એટલા માટે દક્ષિણ તરફ પગ રાખીને સૂવું વાસ્તુ સહિત વિજ્ઞાનમાં પણ ખોટું માનવામાં આવે છે. દક્ષિણ તરફ પગ રાખીને સૂવું એટલે અનેક રોગોને આમંત્રણ પણ મળે છે. વિજ્ઞાન અનુસાર ચુંબકીય શક્તિ લોકોમાં માથાનો દુખાવો, ઊંઘની સમસ્યા, તણાવ અને વારંવાર ચક્કર આવવા જેવી સમસ્યાઓ પેદા કરી શકે છે.