હેલ્થ / ચહેરા પર દેખાય છે લીવર ખરાબ થવાનો સંકેત, અવગણના કરશો તો લીવર થઈ જશે ફેલ

લીવર પર કોઈ નુકસાન થાય ત્યારે તેની અસર ચહેરા પર જોવા મળી શકે છે. તમે આ સંકેતોને ઓળખી લીવરને બચાવી શકો છો. ચહેરા પર લીવરને નુકસાનના ચિહ્નોમાં પીળાપણું, થાક, સોજો, ખીલ, ત્વચા કાળી પડવી અને કરોળિયા જેવા લાલ નિશાનનો સમાવેશ થાય છે. જે બિલીરૂબિનમાં વધારો, ટોક્સિન્સ જમા થવો   કે હોર્મોનલ ઈમ્બેલેન્સના કારણે થાય છે. તેમને અવોઇડ કરવાથી લીવર ફેલ્યોર થઈ શકે છે આથી ડૉક્ટરની સલાહ લેવી જરૂરી છે.

• પીળાપણું
  

ત્વચા અને આંખો પીળી પડવી એ એક લીવર ડેમેજનો મુખ્ય સંકેત હોય છે કારણ કે લીવર બિલીરૂબિનને યોગ્ય રીતે ડિટોક્સિફાય કરી શકતું નથી.

• સોજો
  

લીવરની સમસ્યાઓમાં ચહેરા અને આંખોની નીચે સોજો આવી શકે છે, ખાસ કરીને ફેટી લીવરની સ્થિતિમાં. હોર્મોનલ ઈમ્બેલેન્સ કે ટોક્સિન્સ જડબા અને ગાલ પર ખીલનું કારણ બની શકે છે.

• થાક અને નિસ્તેજ ત્વચા
  

શરીરમાં ટોક્સિન્સ વધવાથી ત્વચા તેની નેચરલ ચમક ગુમાવી શકે છે અને ચહેરો થાકેલો દેખાઈ શકે છે.

• તરત છોલાઈ જવું
  લીવર બ્લડ ક્લોટિંગ ફેકટર્સ બનાવવામાં મદદ કરે છે. જ્યારે આ કાર્ય યોગ્ય રીતે નથી કરતું ત્યારે શરીર પર સરળતાથી વાગવાના નિશાન બને છે. સહેજ ટકરાવા પર પણ વાદળી કે જાંબલી રંગના નિશાન થઈ શકે છે.
  
• કાળા ધબ્બા
  

આંખો નીચે ડાર્ક સર્કલ અને ત્વચા કાળી પડવી એ સિરોસિસનું લક્ષણ હોઈ શકે છે.

• સ્પાઈડર એન્જીઓમા
  

લીવરને ડેમેજ થવાથી ત્વચા પર નાના, લાલ, કરોળિયા જેવા નિશાન પણ થઈ શકે છે, જે લીવર સિરોસિસમાં હોર્મોનલ ઈમ્બેલેન્સને કારણે થાય છે.

વધુ વાંચો : પ્લાસ્ટિકની બોટલમાં પાણી પીવાનું બંધ કરી દેજો! તમે આપી રહ્યા છો મોતને આમંત્રણ

• ચહેરા પર આ ચિહ્નો દેખાય તો શું કરવું?
  

લીવરના આ લક્ષણો ઘણીવાર ગંભીર કિસ્સાઓમાં જ દેખાય છે તેથી તેને અવોઇડ કરશો નહીં. તરત ડૉક્ટરને મળો અને ટેસ્ટ કરાવો. કેમ કે લીવર ફેલ્યોર એક ઇમર્જન્સી સ્થિતિ હોય છે. આ સિવાય ચહેરા પર દેખાતા આ ફેરફારો ગંભીર લીવર ડીઝીઝની નિશાની હોઈ શકે છે. સમયસર નિદાન અને સારવાર મોટી સમસ્યાઓને અટકાવી શકે છે.

(Disclaimer : આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી.vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ