બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / ગુજરાતમાં 7 દિવસ વરસાદની આગાહી, જાણો ક્યાં ક્યાં પડશે, ચોમાસું 48થી 72 કલાકમાં અહીં પહોંચશે
7 ફોટો ગેલેરી
Last Updated: 02:14 PM, 15 June 2026
FOLLOW ON
શેર કરો
1/7
ગત 24 કલાક દરમિયાન સમગ્ર ગુજરાતમાં પ્રિ-મોન્સૂન એક્ટિવિટી વચ્ચે વાતાવરણ સૂકું રહ્યું છે. રાજ્યના મહત્તમ તાપમાનમાં કોઈ મોટો ફેરફાર નોંધાયો નથી. સમગ્ર રાજ્યમાં સૌથી વધુ મહત્તમ તાપમાન સતત બીજા દિવસે ભાવનગરમાં 41.4 ડિગ્રી સેલ્સિયસ નોંધાયું છે. રાજ્યના સરેરાશ તાપમાનમાં 1.3 ડિગ્રી સેલ્સિયસનો ઘટાડો નોંધાયો છે. હવામાન વિભાગના જણાવ્યા અનુસાર હાલમાં નૈઋત્યનું ચોમાસું મહારાષ્ટ્ર, કર્ણાટક અને તેલંગાણાના વધુ ભાગો તરફ આગળ વધવા માટે સાનુકૂળ પરિસ્થિતિ ધરાવે છે. જોકે ગુજરાતમાં આગામી 7 દિવસ દરમિયાન તાપમાનમાં કોઈ મોટો ફેરફાર થવાની સંભાવના નથી.
આ તસવીર શેર કરો
2/7
અમદાવાદ સહિત રાજ્યના મુખ્ય શહેરોમાં આગામી દિવસોમાં સામાન્ય રીતે વાદળછાયું આકાશ રહેવાની સંભાવના વ્યક્ત કરવામાં આવી છે. અમદાવાદમાં મહત્તમ તાપમાન 41 ડિગ્રી સેલ્સિયસની આસપાસ પહોંચી શકે છે, જેના કારણે બપોરના સમયે ગરમી અને અકળામણનો અનુભવ થઈ શકે છે. રવિવારે અમદાવાદનું મહત્તમ તાપમાન 40.6 ડિગ્રી સેલ્સિયસ નોંધાયું હતું, જે સામાન્ય કરતાં 0.9 ડિગ્રી વધુ હતું. જ્યારે શહેરનું લઘુત્તમ તાપમાન 29.0 ડિગ્રી સેલ્સિયસ રહ્યું હતું. હાલ હવામાન વિભાગે માછીમારો અથવા દરિયાકાંઠાના વિસ્તારો માટે આગામી 7 દિવસ સુધી કોઈ વેધર વોર્નિંગ જાહેર કર્યું નથી.
આ તસવીર શેર કરો
3/7
હવામાન વિભાગની 7 દિવસની આગાહી મુજબ 15થી 17 જૂન દરમિયાન દક્ષિણ ગુજરાતના સુરત, ડાંગ, તાપી, નવસારી, વલસાડ તેમજ દમણ અને દાદરા નગર હવેલીમાં છૂટાછવાયા સ્થળોએ હળવોથી મધ્યમ વરસાદ અથવા ગાજવીજ સાથે ઝાપટાં પડી શકે છે. બીજી તરફ ઉત્તર ગુજરાત તેમજ સૌરાષ્ટ્ર-કચ્છના તમામ જિલ્લાઓમાં હવામાન સૂકું રહેવાની સંભાવના છે. આ સમયગાળા દરમિયાન પ્રિ-મોન્સૂન ગતિવિધિઓ વધુ સક્રિય બનવાના સંકેતો મળી રહ્યા છે.
આ તસવીર શેર કરો
4/7
18 અને 19 જૂન દરમિયાન વરસાદનો વ્યાપ થોડો વધવાની શક્યતા છે. દક્ષિણ ગુજરાતના છોટાઉદેપુર, નર્મદા, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં વરસાદ પડી શકે છે. ઉપરાંત સૌરાષ્ટ્રના અમરેલી, ભાવનગર, ગીર સોમનાથ અને દીવ જેવા દરિયાકાંઠાના વિસ્તારોમાં પણ છૂટાછવાયા સ્થળોએ હળવોથી મધ્યમ વરસાદની આગાહી કરવામાં આવી છે. બાકીના વિસ્તારોમાં હવામાન સામાન્ય રીતે સૂકું રહેવાની શક્યતા છે.
આ તસવીર શેર કરો
5/7
19થી 21 જૂન દરમિયાન દક્ષિણ ગુજરાતના સુરત, ડાંગ, તાપી, નવસારી અને વલસાડ સહિતના વિસ્તારોમાં હળવો વરસાદ ચાલુ રહી શકે છે. સાથે જ સૌરાષ્ટ્રના અમરેલી, ભાવનગર, ગીર સોમનાથ અને દીવમાં પણ વરસાદી માહોલ જોવા મળી શકે છે. જોકે ઉત્તર ગુજરાત અને કચ્છ પ્રદેશમાં હજુ પણ સૂકું વાતાવરણ યથાવત રહેવાની સંભાવના વ્યક્ત કરવામાં આવી છે. સૌરાષ્ટ્ર અને દક્ષિણ ગુજરાતમાં જૂન મહિનાના આ અઠવાડિયામાં પ્રિ-મોન્સૂન ગતિવિધિઓ વેગ પકડે તેવા મજબૂત સંકેતો મળી રહ્યા છે.
આ તસવીર શેર કરો
6/7
ચોમાસાની પ્રગતિની વાત કરીએ તો નૈઋત્યનું ચોમાસું હાલમાં તેની નિર્ધારિત રેખા પર આગળ વધી રહ્યું છે. ચોમાસાની ઉત્તરીય રેખા હાલમાં હરનાઈ, સોલાપુર અને હૈદરાબાદ થઈને પસાર થઈ રહી છે. આગામી 4થી 5 દિવસમાં મહારાષ્ટ્ર, કર્ણાટક, તેલંગાણા અને આંધ્રપ્રદેશના બાકીના વિસ્તારો તેમજ પશ્ચિમ બંગાળ, ઓડિશા, ઝારખંડ અને બિહારના કેટલાક ભાગોમાં ચોમાસું આગળ વધવા માટે અત્યંત અનુકૂળ પરિસ્થિતિ છે. પશ્ચિમ રાજસ્થાનથી પશ્ચિમ બંગાળ સુધી સર્જાયેલી મોસમી ટ્રફના કારણે દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારોમાં આગામી દિવસોમાં હળવો વરસાદ પડી શકે છે. હાલમાં ચોમાસું દેશના 19 રાજ્યોમાં પહોંચી ગયું છે અને આગામી 48થી 72 કલાકમાં તેના મધ્ય પ્રદેશમાં પ્રવેશવાની શક્યતા છે.
આ તસવીર શેર કરો
7/7
દેશના અન્ય રાજ્યોમાં પણ પ્રિ-મોન્સૂન ગતિવિધિઓ સક્રિય બની છે. ગુજરાતના લગભગ 30 જિલ્લાઓમાં આજે વાવાઝોડા અને વરસાદનું એલર્ટ જાહેર કરવામાં આવ્યું છે. ઉપરાંત દેશના 20થી વધુ રાજ્યોમાં વરસાદની આગાહી છે. રાજસ્થાનના 15 જિલ્લાઓમાં વરસાદની શક્યતા છે, જ્યારે ઉત્તર પ્રદેશના 32 જિલ્લાઓમાં વરસાદ અને 50થી 60 કિલોમીટર પ્રતિ કલાકની ઝડપે પવન ફૂંકાવાની સંભાવના વ્યક્ત કરવામાં આવી છે. દિલ્હીમાં રવિવારે મહત્તમ તાપમાન 38.5 ડિગ્રી સેલ્સિયસ નોંધાયું હતું, જ્યારે બિહારના કેટલાક વિસ્તારોમાં ચોમાસાના પ્રવેશ છતાં ગરમી યથાવત જોવા મળી રહી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
