- શુભમન ગિલ ફરી એકવાર ચર્ચામાં આવ્યો છે
- તસવીરોમાં વિરાટ અને શુભમન ગિલ બંને મિરર ફોટો લેતા જોવા મળે છે
- તસવીર સોશિયલ મીડિયા પર ખૂબ વાયરલ થઈ રહી છે
રોયલ ચેલેન્જર્સ સામે સદી ફટકારનાર ગુજરાત ટાઇટન્સનો બેટ્સમેન શુભમન ગિલ ફરી એકવાર ચર્ચામાં આવ્યો છે. વાસ્તવમાં આરસીબીને હરાવ્યા બાદ શુભમન ગિલે પોતાના ઈન્સ્ટાગ્રામ અને ટ્વિટર પર પોતાની એક તસવીર શેર કરી હતી. જેમાં ગિલ અરીસા સામે ફોટા લેતો જોવા મળી રહ્યો છે. આ તસવીર પોસ્ટ કર્યાના થોડા સમય બાદ તેણે પોતાની અને વિરાટ કોહલીની તસવીર શેર કરી હતી.
આ તસવીરોમાં વિરાટ અને શુભમન ગિલ બંને મિરર ફોટો લેતા જોવા મળે છે.આટલું જ નહીં બંને શર્ટલેસ પણ છે. બંને ક્રિકેટર્સની આ તસવીર સોશિયલ મીડિયા પર ખૂબ વાયરલ થઈ રહી છે. ચાહકો બંનેના સિક્સ પેક એબ્સના વખાણ કરતાં થાકતા નથી.શુભમન ગિલે વિરાટ સાથેની તસવીર શેર કરી અને લખ્યું- ભારતીય ક્રિકેટર્સ. આ સાથે તેણે ભારતનો ધ્વજ અને દિલનું ઈમોજી પણ મૂક્યું છે.
ગિલે આરસીબીનું સપનું કરી દીધું ચકનાચૂર
રવિવારે ગુજરાત ટાઇટન્સ અને રોયલ ચેલેન્જર્સ બેંગ્લોર વચ્ચેની મેચમાં, શુભમન ગીલે 104 રનની ઇનિંગ રમીને RCBને IPL 2023 માંથી બહાર કરી દીધું હતું. જણાવી દઈએ કે ગિલે આ મેચમાં 52 બોલમાં ઈનિંગ રમી હતી. જેમાં તેણે 8 સિક્સરની મદદથી અણનમ રહેતા 104 રન બનાવ્યા હતા. આ સદી સાથે શુભમન ગિલ IPLમાં સતત બે ઇનિંગ્સમાં સદી ફટકારનાર ચોથો બેટ્સમેન બની ગયો છે.
શુભમન ગિલે IPL 2023માં આ સિઝનમાં 680 રન બનાવવા માટે 14 ઇનિંગ્સ રમી છે . જેમાં ગિલે 4 ફિફ્ટી અને 2 સદીનો સમાવેશ કર્યો હતો. જણાવી દઈએ કે ગિલે તેની IPL કરિયરમાં 2 સદી ફટકારી છે. આજે ગુજરાત ટાઇટન્સ અને ચેન્નાઈ સુપર કિંગ્સ વચ્ચે મેચ છે. આવી સ્થિતિમાં આજે ફરી ચાહકો શુભમન ગિલ પાસેથી સદીની આશા રાખી રહ્યા છે. જો ગિલ આજે 100 રન બનાવશે તો તે તેના માટે સદીની હેટ્રિક હશે.
