- મહારાષ્ટ્રના રાજકારણમાં ફરીથી શિંદે અને ઠાકરે જૂથ આમનેસામને
- એકનાથ શિંદેએ ઉદ્ધવ ઠાકરે પર નિશાન સાધ્યું
- દુર્ભાગ્યપૂર્ણ છે કે અસલી શિવસેના કોની છે?
મહારાષ્ટ્રના મુખ્યપ્રધાન એકનાથ શિંદેએ રવિવારે રાજ્યના પૂર્વ મુખ્યપ્રધાન ઉદ્ધવ ઠાકરે પર નિશાન સાધતાં કહ્યું કે એ દુર્ભાગ્યપૂર્ણ છે કે અસલી શિવસેના કોની છે? એ નક્કી કરવા માટે પાકિસ્તાનના પ્રમાણપત્રની જરૂર છે. શિવસેનાના પ્રમુખ ઉદ્ધવ ઠાકરેએ રવિવારે મહારાષ્ટ્રના જલગાંવમાં આયોજિત એક જનસભામાં કહ્યું હતું કે તેમને લોકો પાસેથી મળી રહેલા સમર્થનને જોઇને પાકિસ્તાન પણ જણાવી દેશે કે અસલી શિવસેના કોની છે, પરંતુ ચૂંટણીપંચ એવું ન કરી શકે, કેમ કે તે ‘મોતિયાથી પીડિત’ છે.
એક વાર ફરીથી શિંદે અને ઠાકરે જૂથ આમનેસામને
મહારાષ્ટ્રમાં શિવસેનાના ચૂંટણી ચિહ્ન પર નિર્ણય લેતાં ચૂંટણીપંચે આ વર્ષની શરૂઆતમાં જ ધનુષ અને તીરનું ચિહ્ન શિંદે જૂથને સોંપી દીધું હતું, પરંતુ હાથથી ચૂંટણી ચિહ્ન જવાનું દુઃખ ઉદ્ધવ ઠાકરેના દિલમાં હજુ પણ છે. ચૂંટણી ચિહ્ન ધનુષ અને તીર અંગે એક વાર ફરીથી શિંદે અને ઠાકરે જૂથ આમનેસામને આવી ગયાં છે. મહારાષ્ટ્રના મુખ્યપ્રધાન એકનાથ શિંદેએ પૂર્વ મુખ્યપ્રધાન ઉદ્ધવ ઠાકરે પર ચૂંટણી ચિહ્નને લઈને આપેલા નિવેદન પર પલટવાર કર્યો અને કહ્યું કે આ દુર્ભાગ્યપૂર્ણ છે કે અસલ શિવસેના કોની છે તે પાકિસ્તાનના પ્રમાણપત્રથી નક્કી થશે.
એક કાર્યક્રમ દરમિયાન ઉદ્ધવ ઠાકરેએ કહ્યું હતું કે...
રવિવારે મહારાષ્ટ્રના જલગાંવમાં એક કાર્યક્રમ દરમિયાન ઉદ્ધવ ઠાકરેએ કહ્યું હતું કે તેમને લોકો પાસેથી મળી રહેલા સમર્થનને જોઈને પાકિસ્તાન પણ જણાવી દેશે કે અસલ શિવસેના કોની છે પણ ચૂંટણીપંચ એવું કરી શકે નહીં, કારણ કે તે ‘મોતિયા’થી પીડિત છે. ઠાકરેના આ નિવેદન પર પલટવાર કરતાં એકનાથ શિંદેએ કહ્યું કે જલગાંવમાં કોઈએ કહ્યું કે પાકિસ્તાનને પણ ખબર પડી જશે કે અસલી શિવસેના કોની છે? આ દુર્ભાગ્યપૂર્ણ અને દુઃખદ છે કે શિવસેના કોની છે? તે નક્કી કરવા માટે પાકિસ્તાનના પ્રમાણપત્રની જરૂર છે.ઉદ્ધવ ઠાકરેએ એકનાથ શિંદે અને તેમની સાથે શિવસેનાથી અલગ થનારા ધારાસભ્યો પર નિશાન સાધતાં કહ્યું કે જનતા એ સુનિશ્ચિત કરશે કે ગદ્દાર રાજનીતિક રીતે ખતમ થઈ જાય. હકીકતમાં આ એ જ ધારાસભ્યો હતા, જેમના કારણે જૂન-૨૦૨૨માં મહા વિકાસ અઘાડી ગઠબંધનવાળી સરકાર પડી ગઈ હતી.
