ગુજરાત વિધાનસભા ચૂંટણીને લઈને સૌથી મોટા સમાચાર સામે આવ્યા છે. ચૂંટણી પહેલા પૂર્વ મુખ્યમંત્રી શંકરસિંહ વાઘેલા ફરીથી એક્ટિવ થશે.
Share
ગુજરાત વિધાનસભા ચૂંટણીને લઈને સૌથી મોટા સમાચાર
ચૂંટણી પહેલા ફરી પૂર્વ મુખ્યમંત્રી શંકરસિંહ વાઘેલા સક્રિય
ચૂંટણી પહેલા શંકરસિંહ 'પ્રજાશક્તિ ડેમોક્રેટિક પાર્ટી' લઈને આવશે
શંકરસિંહ વાઘેલા વિધાનસભા ચૂંટણી પહેલા પોતાની અલગ પાર્ટી બનાવશે. વિધાનસભા ચૂંટણી પહેલા શંકરસિંહ વાઘેલા 'પ્રજાશક્તિ ડેમોક્રેટિક પાર્ટી' લઈને આવશે. થોડા જ દિવસોમાં શંકરસિંહ વાઘેલા પોતાની અલગથી પાર્ટી બનાવવાની જાહેરાત કરશે. મહત્વનું છે કે, 2017માં પણ શંકરસિંહ વાઘેલાએ 'જન વિકલ્પ'ના નામે પાર્ટી ઉભી કરી હતી. ત્યારે હવે એકવાર ફરી 'પ્રજાશક્તિ ડેમોક્રેટિક પાર્ટી' લઈને શંકરસિંહ વાઘેલા મેદાનમાં આવશે.
ગુજરાત વિધાનસભા ચૂંટણીને લઈને મોટા સમાચાર: ચૂંટણી પહેલા પૂર્વ મુખ્યમંત્રી શકરસિંહ વાઘેલા થશે સક્રિય, વિધાનસભા ચૂંટણી પહેલા શંકરસિંહ 'પ્રજાશક્તિ ડેમોક્રેટિક પાર્ટી' લઈને આવશે, થોડા જ દિવસોમાં પાર્ટી બનાવવાની કરશે જાહેરાત#GujaratVidhanSabhaElection2022@ShankersinhBapu
— VTV Gujarati News and Beyond (@VtvGujarati) August 21, 2022
અગાઉ કોંગ્રેસમાં જોડાવવા અંગેના બાપુએ સંકેત આપ્યા હતા
જોકે શંકરસિંહ બાપુએ 3 સપ્તાહ અગાઉ પોતાના સમર્થકો સાથે પોતાના નિવાસ્થાને મહત્વની બેઠક કરી હતી. શંકરસિંહ વાઘેલાએ પોતાના નિવાસસ્થાને તેમના ટેકેદારો સાથેની એક મહત્વની બેઠક બોલાવી હતી. આ બેઠકમાં શંકરસિંહે આગામી વિધાનસભાની ચૂંટણીમાં કેવા પ્રકારની કામગ્રીરી કરવી તે મામલે ચર્ચા કરી હતી. આ બેઠક દરમ્યાન કોંગ્રેસમાં જોડાવવા અંગે તેમજ ગુજરાતના લઠ્ઠાકાંડ અંગે તેઓએ મહત્વનું નિવેદન આપ્યું હતું.
અગાઉ કહ્યું હતું કે, 'હાલ મારી કોંગ્રેસના મિત્રો સાથે વાત ચાલી રહી છે'
શંકરસિંહ વાઘેલાએ કોંગ્રેસમાં જોડાવવા અંગે મહત્વનું નિવેદન આપતા જણાવ્યું હતું કે, 'હાલ મારી કોંગ્રેસના મિત્રો સાથે વાત ચાલી રહી છે.' એટલે કે એ સમયે શંકરસિંહ બાપુએ કોંગ્રેસમાં જોડાવવાના સંકેતો આપ્યા હતા. શંકરસિંહ વાઘેલાએ કોંગ્રેસમાં જવાના એંઘાણ આપ્યા હતા, પરંતુ તેઓએ જો ગુજરાત કોંગ્રેસ દારૂબંધી હટાવવાનું વચન આપે તો તેઓ કોંગ્રેસમાં જોડાશે તેવી તેમને શરત મૂકી હતી.
ચૂંટણી નજીક આવી રહી છે તેમ-તેમ રાજકારણમાં સતત ગરમાવો
મહત્વનું છે કે, ગુજરાતમાં વિધાનસભાની ચૂંટણી જેમ-જેમ નજીક આવી રહી છે તેમ-તેમ રાજકીય ગરમાવો વધી રહ્યો છે. આગામી ચૂંટણીને લઈને દરેક રાજકીય પાર્ટીઓ સક્રીય થઈ છે. ત્યારે બીજી તરફ હવે ગુજરાતના પૂર્વ મુખ્યમંત્રી શંકરસિંહ વાઘેલા પણ ગુજરાત વિધાનસભા ચૂંટણી પહેલા સક્રિય થયા છે. ત્યારે મળતી માહિતી પ્રમાણે બાપુએ ફરીથી એક નવી પાર્ટી સાથે રાજકારણમાં આવવા માટેના સંકેત આપ્યા છે.
