ધર્મ / આજે શનિદેવ થશે પ્રસન્ન: શનિશ્ચરી અમાસ પર ખૂબ જ શુભ યોગ, આ સરળ ઉપાયોથી પિતૃ દોષથી મળશે છૂટકારો

• આજે સર્વ પિતૃ શ્રાદ્ધ એટલે કે શનિ અમાસ
• આજનાં દિવસે શનિદેવને પ્રસન્ન કરવું જોઈએ
• કુંડળીમાં શનિદોષથી મુક્તિ મેળવવા પણ ઉપાયો કરવા જોઈએ

સર્વ પિતૃશ્રાદ્ધ એટલે કે પિતૃપક્ષની અમાસની તિથિ આજે છે. આજનાં દિવસે પિતૃઓનું શ્રાદ્ધ, તર્પણ અને પિંડદાન કરવું શુભ માનવામાં આવે છે. પિતૃપક્ષમાં નારાજ પિતૃઓને પ્રસન્ન કરવા અને પિતૃ દોષોથી મુક્તિ મેળવવાનો આ સૌથી સારો અવસર હોય છે. 

આજનાં દિવસે આ ઉપાય કરવો
સર્વ પિતૃ શ્રાદ્ધનાં અવસરે શનિદેવને પ્રસન્ન કરવા માટે કેટલાક ઉપાયો કરવાની સલાહ આપવામાં આવે છે. કુંડળીમાં શનિની અશુભ સ્થિતિથી રાહત મેળવવા તેમજ શનિદેવની કૃપા મેળવવા માટે નીચે આપેલા ઉપાયો લાભકારી છે:

ગાયની પૂજા
જો તમને કઠોર મહેનત કર્યા છતાં અસફળતા મળે છે તો શનિ અમાસનાં દિવસે કાળીગાયનો આશીર્વાદ લેવો જોઈએ. તેની પૂજા કરવી જોઈએ. ધાર્મિક માન્યતા અનુસાર આવું કરવાથી શનિદોષથી છૂટકારો મળે છે અને જીવનનાં તમામ દુ:ખ પણ દૂર થાય છે.

શનિદેવની પૂજા કરવી
શનિશ્વરી અમાસનાં દિવસે શનિ મંદિર જવું જોઈએ અને તેમની પૂજા અર્ચના કરવી જોઈએ. શનિ ચાલીસા અથવા તો શનિ સ્ત્રોતનો પાઠ કરવો જોઈએ. આ બાદ શનિ મંત્રોનો જાપ કરવો જોઈએ. શનિદેવને કાળા તલ, તેલ ચડાવવા જોઈએ. 

કાળા વસ્ત્રો પહેરવાં
શનિવારનાં દિવસે કાળા રંગનાં વસ્ત્રો પહેરવું અતિ શુભ માનવામાં આવે છે. માન્યતા અનુસાર કાળા વસ્ત્રો ધારણ કરવાથી શનિદેવ પ્રસન્ન થાય છે અને જીવનની તમામ મુશ્કેલીઓ પણ દૂર થાય છે.