World Cup 2023 / જે શમીને એક સમયે પ્લેઇંગ 11માં નહોતી મળતી જગ્યા, આજે તેની જ મહેનતથી ટીમ ઈન્ડિયા ફાઇનલમાં! સ્ટ્રગલ જાણીને ભાવુક થઈ જશો

• ન્યૂઝીલેન્ડ સામેની સેમીફાઈનલમાં મોહમ્મદ શમીએ 7 વિકેટ લીધી 
• શમી પ્રથમ ચાર મેચમાં પ્લેઈંગ ઈલેવનમાં જગ્યા બનાવવામાં નિષ્ફળ રહ્યો 
• મોહમ્મદ શમીએ વર્લ્ડ કપની 6 મેચમાં સૌથી વધુ 23 વિકેટ લીધી

મોહમ્મદ શમી ભારતને વર્લ્ડ કપ 2023ની ફાઇનલમાં લઈ જવા માટે સૌથી મજબૂત હથિયાર સાબિત થયો છે. શમીએ ન્યૂઝીલેન્ડ સામે મુંબઈના વાનખેડે ખાતે રમાયેલી સેમીફાઈનલમાં 7 વિકેટ ઝડપી હતી. 2023 વર્લ્ડ કપમાં શમીની આ ત્રીજી વખત 5 કે તેથી વધુ વિકેટ હતી. આ એ જ મોહમ્મદ શમી છે, જે ટૂર્નામેન્ટની પ્રથમ ચાર મેચમાં ભારતની પ્લેઈંગ ઈલેવનમાં જગ્યા બનાવવામાં નિષ્ફળ રહ્યો હતો. 

A milestone-filled evening for Mohd. Shami 👏👏

Drop a ❤️ for #TeamIndia's leading wicket-taker in #CWC23 💪#MenInBlue | #INDvNZ pic.twitter.com/JkIigjhgVA

— BCCI (@BCCI) November 15, 2023

શમીએ જીતમાં મહત્વનું યોગદાન આપ્યું હતું
ગઈકાલે ન્યુઝીલેન્ડ સામેની સેમીફાઈનલમાં શમીએ પોતાની ઘાતક બોલિંગથી ટીમ ઈન્ડિયા માટે વાપસી કરી હતી અને જીતમાં મહત્વનું યોગદાન આપ્યું હતું. પ્રથમ બેટિંગ કરતા ભારતે 50 ઓવરમાં 397 રન બનાવ્યા હતા. લક્ષ્યનો પીછો કરતી વખતે શમીએ ન્યૂઝીલેન્ડને પ્રથમ બે ઝટકા આપ્યા હતા. કિવી ટીમે 7.4 ઓવરમાં 2 વિકેટ ગુમાવી દીધી હતી. પરંતુ આ પછી ન્યુઝીલેન્ડના કેપ્ટન કેન વિલિયમસન અને ડેરીલ મિશેલે પોતાના પગ જમાવ્યા અને ત્રીજી વિકેટ માટે 181 રનની ભાગીદારી કરી હતી. 

The star of the night - Mohd. Shami bags the Player of the Match Award for his incredible seven-wicket haul 🫡

Scorecard ▶️ https://t.co/FnuIu53xGu#TeamIndia | #CWC23 | #MenInBlue | #INDvNZ pic.twitter.com/KEMLb8a7u6

— BCCI (@BCCI) November 15, 2023

મેચમાં કુલ 7 વિકેટ લીધી 
આ ભાગીદારીએ ટીમ ઈન્ડિયાને મુશ્કેલીમાં મૂકવાની શરૂઆત કરી હતી પણ ફરી એકવાર શમીએ વિકેટ લઈને ભારતને મેચમાં પરત લાવ્યું. શમીએ 33મી ઓવરમાં એક નહીં પરંતુ 2 વિકેટ લઈને ન્યૂઝીલેન્ડને બેકફૂટ પર લાવી દીધું હતું. શમીએ ઓવરના બીજા બોલ પર કેન વિલિયમસન અને ચોથા બોલ પર ટોમ લાથમને આઉટ કર્યો હતો. ત્યારબાદ 46મી ઓવરમાં તેણે સદી ફટકારી ચૂકેલા ડેરિલ મિશેલ (134)ને આઉટ કરીને ભારત માટે વધુ એક વિકેટ લીધી હતી. આ પછી ફરી 49મી ઓવરમાં 2 વિકેટ ઝડપી હતી. 
 
વર્લ્ડ કપની 6 મેચમાં સૌથી વધુ 23 વિકેટ લીધી
શમીએ ટૂર્નામેન્ટની માત્ર 6 મેચ રમીને સૌથી વધુ વિકેટ લેવાનો તાજ પોતાના નામે કર્યો છે. શમીએ 6 મેચમાં 23 વિકેટ લીધી છે. આ યાદીમાં બીજા સ્થાને રહેલા ઓસ્ટ્રેલિયાના સ્પિનર ​​એડમ ઝમ્પાએ 9 મેચમાં 22 વિકેટ ઝડપી છે. 

𝙁𝙄𝙁𝙀𝙍 𝘼𝙡𝙚𝙧𝙩!

How good has Mohd. Shami been today 🔝#TeamIndia | #CWC23 | #MenInBlue | #INDvNZ pic.twitter.com/YP4vDh5DFm

— BCCI (@BCCI) November 15, 2023

નોંધનીય છે કે ભારતીય ઝડપી બોલર શમીએ 22 ઓક્ટોબરે ન્યૂઝીલેન્ડ સામે રમાયેલી લીગ સ્ટેજની મેચ દ્વારા વર્લ્ડ કપ 2023માં પોતાની પ્રથમ મેચ રમી હતી. પહેલી જ મેચમાં શમીએ પોતાનો પંજો ખોલ્યો અને 5/54ની સિદ્ધિ મેળવી. આ પછી, તેણે ન્યુઝીલેન્ડ સામે 4 વિકેટ લીધી અને શ્રીલંકા સામે ફરી એકવાર (5/18) પોતાનો પંજો ખોલ્યો. ત્યારબાદ આગળ વધીને સાઉથ આફ્રિકા સામે 2 અને આજે ન્યુઝીલેન્ડ સામે 7 વિકેટ લેવાની સિદ્ધિ હાંસલ કરી હતી.