- શાહરૂખ ખાનની ભારતમાં જ નહીં વિદેશમાં પણ શાનદાર ફેન ફોલોઈંગ
- પાકિસ્તાની અભિનેત્રીએ શાહરૂખ ખાનને લઈને આપ્યું વિવાદિત નિવેદન
- શાહરૂખના લુક્સની સાથે સાથે તેની એક્ટિંગ પર પણ નેગેટિવ કોમેન્ટ કરી
શાહરૂખ ખાનની ભારતમાં જ નહીં વિદેશમાં પણ ફેન ફોલોઈંગ છે. માત્ર એક અભિનેતા તરીકે જ નહીં પરંતુ એક માણસ તરીકે પણ ચાહકો તેને ખૂબ પસંદ કરે છે. પરંતુ હાલમાં જ એક પાકિસ્તાની અભિનેત્રીએ શાહરૂખ વિશે એવી ટિપ્પણી કરી છે, જેને સાંભળીને અભિનેતાના ચાહકો ચોક્કસપણે ગુસ્સે થઈ જશે. તેણે માત્ર શાહરૂખના લુક્સ પર જ નહીં પરંતુ તેની એક્ટિંગ પર પણ નેગેટિવ કોમેન્ટ કરી છે. શાહરૂખ પર ટિપ્પણી કરનાર અભિનેત્રી બીજું કોઈ નહીં પણ મહનૂર બલોચ છે. પાકિસ્તાની એક્ટ્રેસ મહનૂર બલોચનો એક વીડિયો વાયરલ થઈ રહ્યો છે. જેમાં તે શાહરૂખ ખાનના લુક્સ વિશે વાત કરી રહી છે. શાહરૂખ ખાન વિશેના તેમના નિવેદનની પડોશી દેશમાં પણ ચર્ચા થઈ રહી છે. મહનૂરે એક ટોક શો દરમિયાન કહ્યું હતું કે શાહરૂખ ખાન હેન્ડસમ નથી.
સુંદર નથી માત્ર આભા મજબૂત, એક્ટિંગ મામલે પણ ખાસ નથી
પાકિસ્તાની અભિનેત્રીએ નિવેદન આપતા કહ્યું કે, શાહરૂખ ખાન સારું વ્યક્તિત્વ ધરાવે છે, પરંતુ જો તમે તેને સુંદરતાના માપદંડ મુજબ જુઓ તો તે તેમાં આવતો નથી. બસ તેનું વ્યક્તિત્વ અને આભા એટલી મજબૂત છે કે તે સારો દેખાય છે. પાકિસ્તાની અભિનેત્રીએ આગળ કહ્યું, શાહરૂખ ખાન વિશે મારો અભિપ્રાય છે કે તે એક્ટિંગ નથી જાણતો. તે એક સારો બિઝનેસમેન છે, તે જાણે છે કે પોતાનું માર્કેટિંગ કેવી રીતે કરવું. તેના ચાહકો અને કેટલાક લોકો કદાચ મારી સાથે આ બાબતે સહમત ન હોય, પરંતુ કોઈ સમસ્યા નથી. તેમનું વ્યક્તિત્વ સારું છે. પરંતુ ઘણા સારા કલાકારો છે જેઓ તેમના જેટલા સફળ નથી.
અભિનેત્રી થઈ ટ્રોલ
પાકિસ્તાની અભિનેત્રીના આ વિવાદિત નિવેદન બાદ શાહરૂખ ખાનના ચાહકોમાં અભિનેત્રીને લઈને ગુસ્સો છે. આ ઈન્ટરવ્યુના કમેન્ટ સેક્શનમાં અભિનેત્રીને ઘણી ટ્રોલ કરવામાં આવી રહી છે. કોઈએ કમેન્ટ કરી કે તમારી વાતોથી શાહરુખ અને તેના ફેન્સને કોઈ ફરક નહીં પડે. તો કોઈ કહે છે કે તમે તમારી જાતને એકવાર જોઈ લો.
જવાન અને ડંકી ફિલ્મમાં જોવા મળશે શાહરુખ ખાન
શાહરૂખ છેલ્લે ફિલ્મ પઠાણમાં જોવા મળ્યો હતો જેને સારો પ્રતિસાદ મળ્યો હતો. તે હવે જવાન અને ડંકી ફિલ્મમાં જોવા મળશે. જવાન ફિલ્મમાં તે નયનતારા સાથે જોવા મળશે. આ સિવાય તે ડંકી ફિલ્મમાં પણ જોવા મળશે જેનું નિર્દેશન રાજકુમાર હિરાની કરશે. આ ફિલ્મમાં તાપસી પન્નુ લીડ એક્ટ્રેસ હશે. શાહરૂખ પહેલીવાર તાપસી સાથે સ્ક્રીન શેર કરશે.
_0.jpg)
