- ટીમ ઈન્ડિયાએ વેસ્ટઈન્ડિઝને ફક્ત 114 રન પર ઓલઆઉટ કરી દિધુ
- રોહિત શર્મા થોડા સમય માટે ગુસ્સો કરતાં જોવા મળ્યો હતો
- શાર્દુલ ઠાકુર પર બૂમો પાડતો જોવા મળ્યો રોહિત શર્મા
ટીમ ઈન્ડિયાની વર્લ્ડ કપની તૈયારીઓની શાનદાર શરૂઆત થઈ ગઈ છે કારણ કે રોહિત શર્માની આગેવાની હેઠળની ટીમે પહેલી વનડેમાં વેસ્ટ ઈન્ડિઝને હરાવીને ત્રણ મેચની સીરિઝમાં 1-0ની લીડ મેળવી લીધી છે. આ મેચમાં પહેલી ફિલ્ડિંગ કરતા ભારતીય ટીમે વેસ્ટઈન્ડિઝને ફક્ત 114 રન પર ઓલઆઉટ કરી દિધુ. ત્યાં જ ટીમ ઈન્ડિયાએ આ ટાર્ગેટને 5 વિકેટ ગુમાવીને ચેઝ કરી લીધો. આ દરમિયાન આખી ટીમ ખુશ હતી પણ ત્યારે ભારતના કેપ્ટન રોહિત શર્મા થોડા સમય માટે ગુસ્સો કરતાં જોવા મળ્યો હતો.
વાત એમ છે કે વેસ્ટ ઈન્ડિઝની ઈનિંગ્સની 19મી ઓવરના છેલ્લા બોલ પર રોહિત શર્મા શાર્દુલ ઠાકુર પર ગુસ્સે થતો જોવા મળ્યો હતો કારણ કે ઓલરાઉન્ડરની નબળી ફિલ્ડિંગને કારણે યજમાન ટીમે એક વધારાનો રન મેળવી લીધો હતો. આ ઘટના વેસ્ટ ઈન્ડિઝની ઈનિંગની 19મી ઓવરની છે. કુલદીપ યાદવના એક બોલ પર કેપ્ટન શે હોપે મિડ-ઓફમાં શોટ ફટકારીને બે રન બનાવ્યા હતા. ફિલ્ડરના અંતરને કારણે આ શોટ પર બે રન લેવાનું નક્કી કરવામાં આવ્યું હતું પરંતુ શાર્દુલ ઠાકુર બોલ પર મોડો પહોંચ્યો હતો અને આ દરમિયાન તે ઘણો આળસુ દેખાઈ રહ્યો હતો.
શાર્દુલના આ પ્રયાસને જોઈને શાઈ હોપે વધુ એક રન ચોર્યો. પોતાના ખેલાડીના આ પ્રયાસને જોઈને રોહિત શર્મા ખુશ ન થયા અને મેદાનમાં જ તેના પર બૂમો પાડવા લાગ્યા. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વાયરલ થયેલા વિડિયોમાં રોહિત શાર્દૂલ ઠાકુરને ગુસ્સાભરી નજરે જોઈ રહ્યા હતા.
ભારતીય બોલરોનો કમાલ
ભારતીય બોલરોએ વેસ્ટઈન્ડિઝના વિરૂદ્ધ પહેલી વનડેમાં કમાલ કરી દીધો છે. ભારતની તરફથી કુલદીપ યાદવે 3 ઓવરમાં 4 વિકેટ મેળવી. ત્યાં જ જાડેજા પણ 3 વિકેટ લેવામાં સફળ રહ્યા. તેના ઉપરાંત શાર્દુલ ઠાકુર, મુકેશ કુમાર અને હાર્દિક પંડ્યાએ 1-1 વિકેટ લીધી. વેસ્ટઈન્ડિઝની તરફથી સૌથી વધારે રન શાઈ હોપને બનાવ્યા. હોપના બેટથી 43 રન નિકળ્યા. જણાવી દઈએ કે બીજી વનડે 29 જુલાઈ શનિવારના રોજ આ જ સ્થળે રમાશે.
