રિપોર્ટ / સર્વિસ સેક્ટરમાં 14 વર્ષનો બીજો સૌથી મોટો ઘટાડો, એપ્રિલમાં ગયેલા ઐતિહાસિક નીચલા સ્તરથી પણ વધુ

• કોરોના વાયરસથી અર્થવ્યવસ્થાને નુકશાન
• મે માસમાં પણ સર્વિસ સેક્ટરના બિઝનેસમાં પણ મોટો ઘટાડો

આઇએચએસ માર્કેટની બુધવારે જાહેર થયેલી રિપોર્ટમાં કહેવામાં આવ્યું છે કે મે મહીનામાં સેવા (સર્વિસ) બિઝનેસ એક્ટિવિટી ઇન્ડેક્ષ 12.6 નોંધવામાં આવ્યો. જોકે આ આંકડો એપ્રિલ 2020ના ઐતિહાસિક નીચલા સ્તર 5.4 થી ઘણો વધારે છે. એપ્રિલમાં ગત 14 વર્ષનો સૌથી મોટો ઘટાડો નોંધવામાં આવ્યો હતો. આઇએચએસ દ્વારા ગત 14 વર્ષથી આ આંકડો નોંધવામાં આવી રહ્યો છે. 

સર્વે અનુસાર, કમજોર માંગ વચ્ચે ઘણા વેપારી એકમ બંધ થયા, રોજગારીમાં પણ સતત ઘટાડો આવ્યો છે, તથા આગળ પણ મુશ્કેલીઓ બની રહેશે. 

શું છે આ રિપોર્ટનો અર્થ

દર મહીને જાહેર થનારી આઇએચએસ માર્કેટની રિપોર્ટમાં ઇન્ટેક્ષનો 50થી નીચે રહેવું ઘટાડાને દર્શાવે છે. ઇન્ડેક્ષ 50થી જેટલો વધારે નીચે હોય છે ત્યારે ઘટાડો એટલો જ મોટો હોય છે. પચાસનો સ્તર સ્થિરતા અને સૂચકાંકનો તેનાથી વધારે હોવું તેજી દર્શાવે છે. 

આ પહેલા 1 જૂને આઇએચએસે મેન્યુફેક્ચરિંગના આંકડા જાહેર કરાયા હતા અને તેમા પણ મોટા ઘટાડા સાથે સૂચકાંક 30.8 નોંધવામાં આવ્યો હતો. 

કેમ આવ્યો ઘટાડો 

ન્યૂઝ એજન્સી પીટીઆઇ મુજબ, આઇએચએસ માર્કેટના અર્થશાસ્ત્રી જો હેજે આ રિપોર્ટ વિશે જણાવ્યું કે સર્વિસ સેક્ટરમાં ઘરેલૂ અને વિદેશી બંને પ્રકારની માંગ કમજોર રહી છે. ક્લાઇન્ટ્સનો વેપાર બંધ રહેવા અને ગ્રાહકોની આવકમાં ઐતિહાસિક ઘટાડાને કારણે માંગમાં ઘટાડો આવ્યો છે. હેજે કહ્યું કે જીડીપીના કોરોના વાયરસની પહેલાના સ્તરે પહોંચવામાં ઘણો સમય લાગશે.