બિઝનેસ / પૈસા રાખજો તૈયાર, SEBIએ 4 કંપનીઓના IPO ને આપી લીલી ઝંડી

જો તમે IPOમાં રોકાણ કરવા માંગતા હોવ તો આ સમાચાર તમારા માટે છે. કેમ કે, SEBI એ ચાર કંપનીઓને તેમના IPO લોન્ચ કરવા માટે મંજૂરી આપી છે. આ ચાર કંપનીઓ છે Integris Medtech, Alpine Texworld, Anjali Labtech, અને Apple Containers. ચાલો તેના વિશે જાણીએ.

• Integris Medtech
  

આ કંપની 1 રૂપિયા પ્રતિ શેરના ફેસ વેલ્યુ સાથે ઇક્વિટી શેરના નવા ઇશ્યૂ દ્વારા 925 કરોડ રૂપિયા સુધી ભેગા કરવાની યોજના ધરાવે છે. જે IPOમાં 2,16,74,531 ઇક્વિટી શેરની વેચાણ માટેની ઓફર પણ સામેલ હશે. આ ઓફર ફોર સેલ હેઠળ, પ્રમોટર શેરધારકો તેમના હિસ્સાનો એક ભાગ વેચશે.  જેમાં એવરક્યુર હોલ્ડિંગ્સ 1,51,74,251 શેર વેચશે, જ્યારે ગુરમીત સિંહ અને પુનિતા શર્મા અનુક્રમે 32,50,140 શેર વેચશે. આ કંપનીએ સંકેત આપ્યો છે કે તે 185 કરોડ રૂપિયા સુધીના પ્રી-IPO પ્લેસમેન્ટ પર વિચાર કરી શકે છે. ફ્રેસ ઇશ્યૂમાંથી મળેલી મોટાભાગની રકમ દેવા ઘટાડવા માટે ઉપયોગમાં લેવામાં આવશે. એક નાનો હિસ્સો સામાન્ય કોર્પોરેટ હેતુઓ માટે ઉપયોગમાં લેવામાં આવશે.

• અલ્પાઇન ટેક્સવર્લ્ડ
  

સેબીએ અલ્પાઇન ટેક્સવર્લ્ડને તેના IPO માટે નિયમનકારી મંજૂરી આપી છે. આ IPOમાં સંપૂર્ણ રીતે 15 મિલિયન ઇક્વિટી શેરના ફ્રેસ ઇશ્યૂ હશે. આ શેર NSE અને BSE બંને પર લિસ્ટેડ થવાનો પ્રસ્તાવ છે. D&A ફાઇનાન્શિયલ સર્વિસિસને બુક રનિંગ લીડ મેનેજર તરીકે નિયુક્ત કરવામાં આવ્યા છે. જ્યારે KFin ટેક્નોલોજીસ રજિસ્ટ્રાર તરીકે કામ કરશે.

• અંજલિ લેબટેક
  

ગુજરાતના સુરતમાં હેડક્વોર્ટર ધરાવતી અંજલિ લેબટેક એવી કંપનીઓમાંની એક છે જેને કેપિટલ માર્કેટમાં પ્રવેશવાની મંજૂરી મળી છે. કંપની લેબ-ગ્રોન હીરાના ક્ષેત્રમાં કાર્યરત છે અને લેબ-ગ્રોન હીરા, લેબ-ગ્રોન હીરાના દાગીના, ડાયમંડ સેમિકન્ડક્ટર મટિરિયલ્સ અને માઇક્રોવેવ પ્લાઝ્મા કેમિકલ વેપર ડિપોઝિશન (MPCVD) સિસ્ટમ્સના ઉત્પાદન અને પુરવઠામાં કામ કરે છે. તેની કામગીરી વૈશ્વિક સ્તરે B2B અને B2C બજારો બંનેમાં ફેલાયેલી છે.

વધુ વાંચો : 500 રૂપિયાનો શેર હવે 3700 રૂપિયાને પાર, 3 વર્ષથી ઓછા સમયમાં 600% વધુ તેજી

• એપલ કન્ટેનર્સ
  

એપલ કન્ટેનર્સ IPO મંજૂરી મેળવનાર ચોથી કંપની છે. તેના પ્રસ્તાવિત બુક-બિલ્ટ ઇશ્યૂમાં 0.38 કરોડ ઇક્વિટી શેરનો સમાવેશ થાય છે. જેમાં 0.13 કરોડ શેર સુધીના ફ્રેશ ઇશ્યૂ અને 0.26 કરોડ શેર સુધીનો વેચાણનો પ્રસ્તાવ હશે. પ્રસ્તાવિત ઇક્વિટી શેર NSE અને BSE બંને પર લિસ્ટેડ થશે. ક્યુમ્યુલેટિવ કેપિટલ આ ઇશ્યૂ માટે બુક રનિંગ લીડ મેનેજર છે. જ્યારે બિગશેર સર્વિસિસ રજિસ્ટ્રાર તરીકે કામ કરશે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ