ફેક કોલ / '2 કલાકમાં બ્લોક થઈ જશે સીમ!' આવો ફોન આવે તો ચેતી જજો, તાત્કાલિક કરજો આ કામ

લોકોને લૂંટવા માટે છેતરપિંડી કરનારાઓ રોજ અવનવા યુક્તિઓ શોધતા રહે છે. ફ્રોડ કરનારા હવે લોકોના પૈસા લૂંટવા માટે ફોન કરીને ડરાવી રહ્યા છે અને 2 કલાકમાં તેમનું સિમ બ્લોક કરવાની ધમકી આપી રહ્યા છે. ચાલો અમે તમને જણાવીએ કે જો તમને આવો કોલ આવે તો શું કરવું અને તમે કેવી રીતે જાણી શકશો કે તમારું સિમ ખરેખર બ્લોક થઈ રહ્યું છે કે નહીં?

પૈસા લૂંટવા કરે છે ફોન

દેશમાં જેટલી ટેકનોલોજી વધી રહી છે તેવી જ રીતે ઠગ ટોળકીઓ લોકોને લૂંટવાના નવા પેતરા પણ શોધી રહી છે. સાયબર ફ્રોડના કિસ્સાઓ ઝડપથી વધી રહ્યા છે, દરરોજ કોઈને કોઈ છેતરપિંડીનો શિકાર બની રહ્યા છે. છેતરપિંડી પાછળનું કારણ સાચી માહિતીનો અભાવ છે, જેના કારણે છેતરપિંડી કરનારા સરળતાથી લોકોને લૂંટી લે છે. પૈસા લૂંટવાનું ષડયંત્ર રચી રહેલા ઠગો હવે લોકોને ફોન કરીને ડરાવી રહ્યા છે અને આગામી બે કલાકમાં તેમના સિમ બ્લોક કરી દેવાની ધમકી આપી રહ્યા છે.

ફ્રોડ કોલથી ડરશો નહિં

ડર એક એવી વસ્તુ છે જે સારા માણસો પણ વિચાર્યા વિના કંઈ પણ કરી શકે છે અને ઠગ આ વાત સારી રીતે જાણે છે. જ્યારે આવા ફોન આવે છે, ત્યારે લોકો ડરી જાય છે અને પછી વિચાર્યા વિના તેઓ છેતરપિંડી કરનારાઓની વાતનો શિકાર બની જાય છે અને ખોટું પગલું ભરે છે. આ ભૂલને કારણે લોકોના બેંક ખાતા પણ ખાલી થઈ જાય છે. આજે અમે તમને માહિતી આપીશું કે જો તમને પણ આવો ફોન આવે તો તમારે ગભરાયા વિના સૌથી પહેલા શું કરવું જોઈએ. આ ઉપરાંત, તમે કેવી રીતે જાણી શકો છો કે ટેલિકોમ કંપની ખરેખર તમારા સિમ પર આવી કાર્યવાહી કરવા જઈ રહી છે કે નહીં?

આ પહેલીવાર નથી જ્યારે લોકોને આવા કોલ આવી રહ્યા છે, અગાઉ પણ આવા કોલ આવી ચૂક્યા છે. ટેલિકોમ્યુનિકેશન વિભાગ સમયાંતરે લોકોને ચેતવણી પણ આપે છે કે આવા કૉલ્સ નકલી છે અને આવા કૉલ્સ DOT દ્વારા કરવામાં આવતા નથી.

કેવી રીતે છેતરપિંડી કરનારાઓ કાવતરાને અંજામ આપે છે

સાઇબર ફ્રોડ કરનારા લોકો જે લોકો જાણકારીનો અભાવ હોય છે તેવા લોકોને શિકાર બનાવે છે. પૈસા લૂંટવા માટે પહેલા લોકોને ફોન કરવામાં આવે છે અને પછી તેમને કહેવામાં આવે છે કે આગામી બે કલાકમાં તમારું સિમ બંધ થઈ જશે. જો તમે ઈચ્છો છો કે તમારું સિમ એક્ટિવ રહે તો તમે 9 નંબર દબાવો. તમારે આવી ભૂલ કરવાની નથી અને ઠગ ટોળકીની જાળમાં ફસાવું ના જોઇએ. 

તમારા સિમનું સ્ટેટસ ચેક કરી શકો છો

તમને આવો કૉલ આવે તો તમારે કૉલ ડિસ્કનેક્ટ કરવો જોઈએ અને પછી સિમ પર ખરેખર કોઈ કાર્યવાહી થઈ રહી છે કે કેમ તે જાણવા માટે કેટલાક મહત્વપૂર્ણ પ્રશ્નોના જવાબ આપો. આ જાણવા માટે તમે તમારા સિમ ઓપરેટરના ગ્રાહક સંભાળને કૉલ કરીને આ પ્રશ્નનો જવાબ જાણી શકો છો. થવા બીજી રીત પણ છે. તમે તમારા ઘરની નજીકના Airtel/Jio/Vi સ્ટોર પર જઈને પણ તમારા સિમનું સ્ટેટસ ચેક કરી શકો છો અને પૂછી શકો છો કે શું તમારું સિમ બંધ થવાનું છે? તમને ખબર પડશે કે કંપની ખરેખર તમારા સિમ પર કોઈ કાર્યવાહી કરવા જઈ રહી છે, પરંતુ જો તે નકલી હોવાનું બહાર આવે તો તમે તેના વિશે ફરિયાદ નોંધાવી શકો છો.

ઓનલાઈન ફરિયાદ કેવી રીતે કરવી

ડિપાર્ટમેન્ટ ઓફ ટેલિકોમ્યુનિકેશન વિભાગે લોકોની સુવિધા માટે સંચાર સાથી પોર્ટલ પર Chakshu સુવિધા શરૂ કરી હતી. તમે સંચાર સાથી પોર્ટલ પર ચક્ષુ સુવિધાની મદદથી કોઈપણ ફ્રોડ એટલે કે ફેક કોલની ફરિયાદ નોંધાવી શકો છો. ફરિયાદ કરવા માટે પહેલા https://sancharsaathi.gov.in/ પર જાઓ. સાઇટના હોમપેજ પર, તમારે સિટિઝન સેન્ટ્રિક સર્વિસિસ પર ક્લિક કરવું પડશે.

ફ્રોડ કોલની ઓનલાઈન ફરિયાદ

સિટીઝન સેન્ટ્રિક સર્વિસ પર ક્લિક કર્યા પછી તમારે રિપોર્ટ સસ્પેક્ટેડ ફ્રોડ કોમ્યુનિકેશન ઓપ્શન પર ક્લિક કરવાનું રહેશે. આગળના પેજ પર તમારે Continue for Reporting વિકલ્પ પર ટેપ કરવાનું રહેશે.

આ પછી તમને કેટલાક મહત્વપૂર્ણ પ્રશ્નો પૂછવામાં આવશે જેમ કે સૌથી પહેલા તમને પૂછવામાં આવશે કે શું તમને 2 કલાકમાં કોલ, એસએમએસ અથવા વોટ્સએપ દ્વારા સિમ બ્લોક કરવાની ધમકી મળી છે.

છેતરપિંડીના કોલ વિશે કેવી રીતે ફરિયાદ કરવી

આ પછી ફ્રોડ કોલ કરનારની વિગતો પૂછવામાં આવશે. વિગતો ભર્યા પછી, તમારે વ્યક્તિગત વિગતો દાખલ કરવી પડશે અને પછી તમે OTP ચકાસણી દ્વારા તમારી ફરિયાદ સબમિટ કરી શકશો.

નાણાકીય છેતરપિંડી પર અહી કરો ફરિયાદ

જો તમને ફેક કોલ આવ્યો હોય અને તમે  જાળમા ફસાઇને પૈસા ટ્રાન્સફર કર્યા હોય અથવા તો તમારા એકાઉન્ટમાંથી પૈસા કપાઈ ગયા, તો તમારે આ કેસમાં સાયબર ક્રાઈમમાં રિપોર્ટ નોંધાવવો પડશે.

Chakshu સુવિધા નાણાકીય છેતરપિંડી અથવા સાયબર અપરાધના કેસોને હેન્ડલ કરતી નથી, તેથી જ આ કિસ્સામાં તમારે https://cybercrime.gov.in પર શંકાસ્પદ કૉલ્સ માટે રિપોર્ટ ફાઇલ કરવો પડશે. આ સિવાય તમે સાયબર ક્રાઈમ હેલ્પલાઈન નંબર 1930 પર પણ કોલ કરીને ફરિયાદ નોંધાવી શકો છો.

વધુ વાંચો: હનુમાન જયંતિ પર શનિ બનાવશે દુર્લભ સંયોગ, આ રાશિના લોકો પર સાડા સાતીની પ્રભાવ ઘટશે

આ ત્રણ બાબતો ધ્યાનમાં રાખો

- જો તમને 2 કલાકની અંદર તમારું સિમ બ્લોક કરવાની ધમકી આપતો કોલ આવે છે અને બીજી વ્યક્તિ તમારી અંગત માહિતી માંગે છે, તો તમારે તમારી અંગત વિગતો કોઈપણ અજાણી વ્યક્તિ સાથે શેર કરવી જોઈએ નહીં.
- હંમેશા ધ્યાનમાં રાખો કે ડિપાર્ટમેન્ટ ઓફ ટેલિકોમ્યુનિકેશન અથવા તમારી ટેલિકોમ કંપની તમને ક્યારેય આવા કોલ નહીં કરે. જો તમને હજુ પણ આવો કોલ આવે તો સમજો કે તે ફેક કોલ છે.
- ત્રીજી વાત જે તમારે ધ્યાનમાં રાખવાની છે તે એ છે કે તમારે ચક્ષુ અથવા નેશનલ સાયબર ક્રાઈમ પોર્ટલ દ્વારા ફરિયાદ નોંધાવવી જોઈએ.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો