ભારે પડ્યું / સુપર સ્પ્રેડર: સંત સંમેલનમાં સ્ટેજ પર હાજરી આપનાર વધુ એક ભાજપ નેતા કોરોનાના ભરડામાં, કુલ 45 સંક્રમિત

• સંત સંમેલન બાદ 45 કોરોના પોઝિટિવ
• અમદાવાદ શહેર પ્રભારી ધર્મેન્દ્ર શાહને કોરોના
• 4 જાન્યુઆરીએ સાબરમતી રિવરફ્રન્ટ પર યોજાયું હતું

અમદાવાદમાં  કોરોનાના ઢગલા કેસ વચ્ચે સંત સંમેલન યોજાઇ ગયુ. આમ સરકાર એક તરફ કોરોના ગાઇડલાઇનનુ પાલન કરાવે. નિયમનો ભંગ કરનારને દંડ પણ કરે પરંતુ સંત સંમેલનમાં સરકારને ક્યાંય ભીડ ન દેખાઇ, ક્યાંય સામાજિક અંતરનો ભંગ ન દેખાયો. અને પરિણામે જેનો ડર હતો એજ થયુ.  ભીડ ભેગી કરીને કોરોનાને આમંત્રણ આપ્યુ એટલે કોરોના આવ્યા વગર રહે ખરો ? અમદાવાદ શહેર પ્રભારી ધર્મેન્દ્ર શાહ કોરોના સંક્રમિત થયા છે. તેઓ કોરોનાનો ચેપ લાગતાં SVP હોસ્પિટલમાં સારવાર હેઠળ છે. સંમેલનને પગલે સંત સમાજ પણ હવે ચિંતિત બન્યો છે.ત્રણ દિવસ પહેલાં શહેર ભાજપ-પ્રમુખ અમિત શાહ અને અમદાવાદ શહેર મહામંત્રી ભૂષણ ભટ્ટ પણ SVPમાં દાખલ થયા હતા

ભાજપના કયા નેતા સંમેલન બાદ કોરોનાના ભરડામાં

• ઋત્વિજ પટેલ, ભાજપ નેતા
• ધર્મેન્દ્ર શાહ    પ્રભારી,ભાજપ AMC
• ઉમંગ નાયક    ખાડિયા કાઉન્સિલર
• જૈવલ ભટ્ટ    ડાયરેકટર,ગુજરાત સ્ટેટ ફાયનાન્સ બોર્ડ
• અમિત શાહ    શહેર પ્રમુખ
• ભૂષણ ભટ્ટ    શહેર મહામંત્રી
• દર્શક ઠાકર    શહેર ઉપાધ્યક્ષ
• મહેશ ઠક્કર    કોષાધ્યક્ષ
• પરેશ લાખાણી તેમજ અન્ય 

સંત સંમેલન બાદ 45 નેતાઓને કોરોના
અમદાવાદમાં કોરોના વિસ્ફોટ વચ્ચે 4 જાન્યુઆરીના રોજ સાબરમતી રિવરફ્રન્ટ પર સંત સંમેલન યોજાયું હતું. રંગચંગે સંત સંમેલન યોજાઇ ગયુ પરંતુ હવે ધીરેધીરે સંમેલનનો રંગ જોવા મળી રહ્યો છે.  આ સંમેલનમાં ભાગ લેનારા શહેર ભાજપના 45 નેતાઓ કોરોના પોઝિટિવ આવ્યા હોવાનુ જાણવા મળી રહ્યુ છે..મહત્વનું છે કે આ સંમેલનમાં મોટી સંખ્યામાં સાધુ-સંતો સહિત ભાજપના નેતાઓ ઉપસ્થિત રહ્યા હતા.