નિવેદન / તો શું આલિયા ભટ્ટ સાથે રોમાન્સ કરું? સંજય દત્તનું ચોંકાવનારુ નિવેદન

• સંજય માને છે કે વધતી ઉંમરને કારણે અમુક રોલ્સમાં તેઓ ફીટ ન બેસે
• હું નાની ઉંમરની એક્ટ્રેસિસ સાથે રોમાન્સ કરી શકું નહી - સંજય દત્ત 
• KGF 2નાં પ્રમોશનમાં બિઝી છે સંજય દત્ત 

બોલિવુડ એક્ટર સંજય દત્ત આજકાલ પોતાની નવી ફિલ્મ KGF ચેપ્ટર 2ને લઈને ચર્ચામાં છે. તેઓ ગયા થોડા સમયથી પોતાની આ ફિલ્મનું પ્રમોશન કરી રહ્યા છે. સંજય દત્ત માને છે કે ઉંમરને કારણે તેઓ ઘણા રોલ્સ માટે ફીટ નથી. હાલમાં જ એક પ્રમોશનલ ઇવેંટ દરમિયાન, તેમણે જણાવ્યું છે કે તેઓ બીજા સ્ટાર્સની જેમ સ્ક્રીન પર નાની ઉંમરની એક્ટ્રેસિસ સાથે રોમાન્સ ન કરી શકે. 

Aa raha hoon main! #HappyGudiPadwa #HappyUgadi #Adheera #KGFChapter2 @TheNameIsYash @prashanth_neel @VKiragandur @hombalefilms @TandonRaveena@SrinidhiShetty7 @excelmovies @AAFilmsIndia @VaaraahiCC @DreamWarriorpic @PrithvirajProd#KGF2onApr14 pic.twitter.com/Y4e2auHJEy

— Sanjay Dutt (@duttsanjay) April 2, 2022

સ્ક્રીન પર રોમાન્સને લઈને કહી આ વાત 
એક ઇન્ટરવ્યૂ દરમિયાન સંજય દત્તને પૂછવામાં આવ્યું હતું કે બીજા સ્ટાર્સ ફિલ્મોમાં યંગ એક્ટ્રેસિસ સાથે પણ રોમાન્સ કરે છે, પરંતુ તમે કેમ નથી કરતા? આ સવાલનાં જવાબમાં તેમણે કહ્યું હતું કે અરે, તો હવે શું આલિયા ભટ્ટ સાથે રોમાન્સ કરું. ત્યાર બાદ સંજય દત્તે આલિયા ભટ્ટ અને તેના બોયફ્રેન્ડ રણબીર કપૂરનાં ખૂબ જ વખાણ કર્યા. 

આલિયા - રણબીર સાથે કરી ચુક્યા છે કામ 
સંજય દત્ત ફિલ્મ 'સડક 2'માં આલિયા ભટ્ટ સાથે કામ કરી ચુક્યા છે, જે ફિલ્મનું નિર્દેશન મહેશ ભટ્ટે કર્યું હતું. હવે તેઓ રણબીર કપૂર સાથે પણ ફિલ્મ 'શમશેરા'માં કામ કરી રહ્યા છે. સંજય દત્તે કહ્યું કે રણબીર અને આલિયા ખૂબ જ હાર્ડવર્કિંગ એક્ટર્સ છે. તેમને આ પ્રકારે કામ કરતા જોવા અને તેમની સાથે કામ કરવામાં સંજયને ખૂબ જ મજા આવે છે. 

The world is my territory, says the SULTHAN

Unleashing #KGFChapter2Trailer 🔥https://t.co/fCZqAhnSSz@Thenameisyash @prashanth_neel @VKiragandur @hombalefilms @duttsanjay @TandonRaveena @SrinidhiShetty7 @FarOutAkhtar @ritesh_sid @excelmovies @AAFilmsIndia pic.twitter.com/vml2k91v9H

— Sanjay Dutt (@duttsanjay) March 27, 2022

ક્યારે રિલીઝ થશે KGF 2?
ફિલ્મ KGF 2માં સંજય દત્ત એક ખતરનાક વિલનનાં પાટમાં જોવા મળશે, જેનું નામ અધીરા છે. આ ફિલ્મમાં તેમનું લૂક પણ સામે આવ્યું છે, જે ફેન્સને ખૂબ જ પસંદ પડ્યું છે. આ ઉપરાંત આ મૂવીમાં યશ, રવિના ટંડન અને પ્રકાશ રાજ જેવા કલાકારોએ કામ કર્યું છે. આ ફિલ્મ 14 એપ્રિલ, 2022નાં રોજ રિલીઝ થવા જઈ રહી છે. આ ફિલ્મનું નિર્દેશન પ્રશાંત નીલે કર્યું છે.