ક્રાઈમ / "માફ કરજો મમ્મી-પપ્પા..." સાણંદમાં 19 વર્ષીય યુવતીએ જીવન ટૂંકાવ્યું, ખિસ્સામાંથી મળેલી વસ્તુએ ચોંકાવ્યાં

"માફ કરજો મમ્મી-પપ્પા..." આ શબ્દો લખીને સાણંદમાં 19 વર્ષીય યુવતીએ જીવન ટૂંકાવી લીધું...ડિઝાઇનિંગનો અભ્યાસ કરતી યુવતીના મોત બાદ તેના કપડાના ખિસ્સામાંથી મળેલી સ્યુસાઇડ નોટે સમગ્ર ઘટનાનું રહસ્ય ખોલ્યું છે. સુસાઈડ નોટમાં ત્રણ લોકોને પોતાના મોત માટે જવાબદાર ઠેરવ્યા છે અને આરોપીઓને કડકમાં કડક સજા થાય તેવી અંતિમ ઈચ્છા પણ વ્યક્ત કરી છે સાણંદ પોલીસે દુષપેરણાનો ગુનો નોંધી તપાસ શરૂ કરી.

પિતાએ કોલેજ જવા ઉઠાડી ત્યારે પરિવારને જાણ થઈ

સાણંદની ગાયત્રીનગર સોસાયટીમાં રહેતી 19 વર્ષીય ઉર્વશી પરમાર એલ જ એન્જીનીયરીંગ કોલેજમાં બેચલર ઇન ડિઝાઇનિંગનો અભ્યાસ કરતી હતી પરંતુ પ્રેમસંબંધના વિવાદે યુવતીને એવી રીતે ઘેરી લીધી કે આખરે તેણે જીવન ટૂંકાવવાનો નિર્ણય કર્યો હોવાનો આક્ષેપ પોલીસ ફરિયાદમાં કરવામાં આવ્યો છે.. 1 સપ્ટેમ્બર ના રોજ સવારે 6.45 વાગે મૃતકના પિતાએ કોલેજ જવા ઉઠાડી પરંતુ ઉર્વશી રૂમમાંથી તૈયાર થઈ ને નહિ આવતા પિતા ફરી તેના રૂમમાં પહોંચ્યા તો દરવાજો બંધ હતો અને ઉર્વશીએ ગળે ફાંસો ખાઈ આપઘાત કરી લીધો હતો સાંણદ પોલીસે ગુનો નોધી તપાસ શરૂ કરી હતી.

મૃતક યુવતીને પરિણીત યુવક સાથે હતો પ્રેમસંબંધ

ગ્રામ્ય પોલીસની તપાસમાં સામે આવ્યું છે કે મૃતક યુવતી ઉર્વશીનું પરણિત યુવક મેહુલ ગોહેલ સાથે દોઢ વર્ષ થી પ્રેમસંબંધ હતા જેની જાણ મેહુલની પત્ની ચીની ગોહેલને થતા વિવાદ શરૂ થયો હતો.. કારણકે મેહુલના પરિવારને આ સંબંધ મંજૂર ન હતો જેથી મેહુલની પત્ની ચીની, પિતા બુધા ભાઈ અને બહેન પાયલ દ્વારા યુવતીને વારંવાર માનસિક ત્રાસ આપવામાં આવતો હોવાનો પરિવારનો આક્ષેપ છે એટલું જ નહીં આપઘાત પહેલા આરોપીઓ યુવતીના ઘરે પહોંચ્યા હતા અને પ્રેમસંબંધ તોડી નાખવા માટે ધમકી આપી હતી અને તેને માફી પણ મંગાવી હતી આરોપીની આ કરતૂતથી મનમાં લાગી આવતા યુવતીએ આપઘાત કર્યો હતો. મૃતક યુવતીના .પરિવારની ફરિયાદના આધારે સાણંદ પોલીસે પ્રેમીની પત્ની અને પ્રેમીના પિતા અને બહેન સહિત ત્રણ લોકો સામે ગુનો નોંધ્યો છે.

વધુ વાંચો : અતિ કરુણ! એન્જિનિયરીંગના 8 વિદ્યાર્થીઓના એક્સિડન્ટમાં મોત, કાર પાર્ક કરેલી લોરી સાથે ધડાકાભેર અથડાઈ

ચિઠ્ઠીમાં 3 લોકોને જવાબદાર ગણ્યાં

19 વર્ષની ઉંમરે સપનાઓ જોતી એક યુવતીએ મોત પહેલાં માતા-પિતાની માફી માંગી અને પોતાની છેલ્લી ચિઠ્ઠીમાં ત્રણ લોકોને જવાબદાર ગણાવ્યા છે હવે યુવતીની આ અંતિમ ચિઠ્ઠી તેને ન્યાય અપાવશે કે નહીં તેનો જવાબ પોલીસ તપાસ બાદ જ સામે આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ