બેઠક / સાળંગપુર ભીંતચિત્ર વિવાદ: આવતીકાલે અમદાવાદ આવશે 150 સાધુ-સંત, ઋષિભારતીએ કહ્યું શાંતિપૂર્વક નિરાકરણ નહીં આવે તો...

• સાળંગપુર હનુમાનજી મંદિરનો વિવાદ વકર્યો
• ઋષિ ભારતી બાપુએ આપી પ્રતિક્રિયા
• ‘અમદાવાદના લંબે નારાયણ આશ્રમ ખાતે બેઠક મળશે’
• ‘આવતીકાલે 150થી વધુ સાધુ-સંતો આવશે’

 સાળંગપુર હનુમાનજી મંદિરનો વિવાદ વધુ પેચીદો બની રહ્યો છે. તો બીજી તરફ સાધુ સંતો હવે લડાયક મૂડમાં છે. ત્યારે આ બાબતે ઋષિ ભારતી બાપુએ તેઓની પ્રતિક્રિયા આપતા જણાવ્યું હતું કે, અમદાવાદનાં લંબે નારાયણ આશ્રમ ખાતે બેઠક મળશે. આવતીકાલે 150 થી વધુ સાધુ-સંતો લંબે નારાયણ આશ્રમ ખાતે આવશે. ત્યારે જો શાંતિપૂર્ણ નિરાકરણ આવે તે માટે પ્રયાસ થશે. અને જો શાંતિપૂર્ણ નિરાકરણ નહી આવે તો બીજી રીતે સમજાવવા પડશે. તે શાસ્ત્ર અને શસ્ત્ર બંને રીતે સમજાવતા આવડે છે. હનુમાનજીને સહજાનંદનાં ભક્ત બતાવ્યા તે માત્ર દૂર થવા જોઈએ. તેમજ આવો વિવાદ ફરી ન થાય તે માટે ઠરાવ બહાર પાડવામાં આવ્યો છે. 

મીટીંગમાં પ્રેમ પૂર્વક કઈ રીતે માર્ગ નીકળે તેનાં પ્રયાસો કરવામાં આવશેઃ ઋષિ ભારતી બાપુ
આ બાબતે ઋષિ ભારતી બાપુએ જણાવ્યું હતું કે, આવતીકાલે રવિવારનાં રોજ સવારે લંબે નારાયણ આશ્રમ શાંતિપુરા ખાતે સંતોની મીટીંગનું આયોજન થયેલ છે. ત્યારે આ મીટીંગમાં સૌ પ્રથમ પ્રેમ પૂર્વક કઈ રીતે માર્ગ નીકળે તેનાં પ્રયાસો કરવામાં આવશે. જો શાંતિથી આ સમસ્યાનું સમાધાન થઈ શકે તો ઉત્તમ વાત છે. નહીતર આપણી બીજી પરંપરા એવી પણ રહી છે. કે જો ષઠ લોકો બીજી ભાષામાં ન સમજે તો બીજી રીતે સમજાવવા પડે.  સનાતન ધર્મનાં ભાઈ-બહેનોનો, સાધુ સંતોનો એક જ પ્રશ્ન છે કે હનુમાન દાદાને સહજાનંદ સ્વામીનાં જે દાસ બનાવ્યા છે એ ભીંત ચિત્રો દૂર થવા જોઈએ તે અમારી માંગણી છે તો  એ ભીંત ચિત્રો હજુ કેમ દૂર નથી થતા.

  ભીંતચિત્રો પર કાળો રંગ લગાવવામાં આવ્યો
સાળંગપુર મંદિરમાં હનુમાનજીના ભીંતચિત્રોને લઈને વિવાદ ઉગ્ર બન્યો છે. વિવાદિત ભીંતચિત્રોને લઈને સાધુ-સંતો, મહંતો, ભક્તો અને હિન્દુ સંગઠનોમાં ભારે આક્રોશ જોવા મળી રહ્યો છે. ત્યારે સાળંગપુર હનુમાનજી મંદિર ખાતેથી એક મોટા સમાચાર સામે આવ્યા છે. સાળંગપુર મંદિર ખાતે અજાણ્યા હનુમાન ભક્ત દ્વારા હનુમાનજીની વિશ્વ વિખ્યાત 'કિંગ ઓફ સાળંગપુર' પ્રતિમાની નીચે લગાવવામાં આવેલા ભીંતચિત્રો પર કાળો રંગ લગાવવામાં આવ્યો છે. સાથે જ તોડફોડ કરવામાં આવી છે. 

મારુતિ નંદન આપણા ભગવાન છે: સાંસદ રામભાઈ મોકરિયા  
સાંસદ રામભાઈ મોકરિયાએ કહ્યું કે, હું મારુતિ નંદનનો ભક્ત છું, મારુતિ નંદન આપણા ભગવાન છે, તેમનું સન્માન જળવાવું જોઈએ. આ ચિત્રો વ્યાજબી નથી, તેને હટાવી નાખવા જોઈએ. સનાતમ ધર્મમાં અંદરોઅંદર વિવાદ થાય  અને અન્ય લોકો રાજી થાય એવું ન થવું જોઈએ.