- 23 સપ્ટેમ્બરથી 8 ઓક્ટોબર સુધી એશિયન ગેમ્સ
- ભારતીય ટીમની જાહેરાત, 5 ખેલાડીઓ સ્ટેન્ડબાય
- આ ખેલાડીને સોંપાઈ ટીમની કમાન
23 સપ્ટેમ્બરથી 8 ઓક્ટોબર સુધી એશિયન ગેમ્સ રમવામાં આવશે. ભારતીય ક્રિકેટ ટીમ પહેલી વાર એશિયન ગેમ્સમાં રમવા માટે તૈયાર છે. જે માટે 15 સભ્યની ભારતીય ટીમની જાહેરાત કરવામાં આવી છે અને 5 ખેલાડીઓને સ્ટેન્ડબાય રાખવામાં આવ્યા છે. ભારતીય ક્રિકેટ કંટ્રોલ બોર્ડ (BCCI)એ આ ઈવેન્ટ માટે ટીમની કેપ્ટનશીપ એવા પ્લેયરના હાથમાં આપી છે, જેણે ઈન્ટરનેશનલ કરિઅરમાં માત્ર એક વન ડે મેચ રમી છે. કેપ્ટન બન્યા પછી આ ખેલાડીનું રિએક્શન સામે આવ્યું છે.
કેપ્ટન બન્યા પછી પહેલુ રિએક્શન
એશિયન ગેમ્સ માટે ભારતીય પુરુષ ક્રિકેટ ટીમની કેપ્ટનશીપ યુવા બેટ્સમેન ઋતુરાજ ગાયકવાડને સોંપવામાં આવી છે. ઋતુરાજ ગાયકવાડ હાલમાં વેસ્ટઈન્ડિઝના પ્રવાસે છે. તે સમયે BCCIએ સોશિયલ મીડિયા પર ઋતુરાજ ગાયકવાડનો એક વિડીયો શેર કર્યો છે.
ઋતુરાજ ગાયકવાડે ઈચ્છા વ્યક્ત કરી
ઋતુરાજ ગાયકવાડ જણાવે છે કે, ‘આ તકે હું BCCI અને મેનેજમેન્ટ ટીમનો આભારી છું. ભારત માટે રમવું ખૂબ જ ગર્વની વાત છે. આટલી મોટી ઈવેન્ટનું નેતૃત્ત્વ કરવું તે ખૂબ જ મોટી તક છે. હું એશિયન ગેમ્સમાં ગોલ્ડ મેડલ જીતવા માંગુ છું. પોડિયમ પર ઊભા રહેવું અને દેશ માટે રાષ્ટ્રગાનની ભાવનાથી વિશેષ શું હશે. ટીમ સાથે મજા આવશે. મોટાભાગના ખેલાડીઓ યુવા છે અને એક વર્ષથી સાથે રમી રહ્યા છીએ. ભારત માટે એશિયન ગેમ્સ રમવું ખૂબ જ મોટી વાક છે. અમે સારું રમશું, ગોલ્ડ જીતીને લાવશું, પોડિયમ પર ઊભા રહીને દેશ માટે રાષ્ટ્રગાન આ તમામ બાબત એક સપના જેવી હશે.’
એશિયન ગેમ્સ માટે ભારતીય ટીમ
ઋતુરાજ ગાયકવાડ (કેપ્ટન), યશસ્વી જયસ્વાલ, રાહુલ ત્રિપાઠી, તિલક વર્મા, રિંકૂ સિંહ, જિતેશ શર્મા (વિકેટકીપર), વોશિંગ્ટન સુંદર, શાહબાઝ અહેમદ, રવિ બિશ્નોઈ, આવેશ ખાન, અર્શદીપ સિંહ, મુકેશ કુમાર, શિવમ માવી, શિવમ દુબે અને પ્રભસિમરન સિંહ (વિકેટ કીપર).
સ્ટેન્ડબાય પ્લેયર્સ
યશ ઠાકુર, સાઈ કિશોર, વેંકટેશ ઐયર, દીપક હુડ્ડા અને સાઈ સુદર્શન.
.jpg)
