વર્લ્ડ ન્યૂઝ / રશિયા-યુક્રેન યુદ્ધ વચ્ચે મોટી ખબર: રુસના વિપક્ષી નેતા અલેક્સી નવલનીનું જેલમાં મોત, પુતિને કાંટો કાઢ્યો?

• પુતિનના કટ્ટર વિરોધીનું જેલમાં મોત
• મોતના કારણોને લઇ રહસ્ય અકબંધ 
• જેલમાં વોક કર્યા બાદ તબિયત લથડી હતી 

રશિયાના રાષ્ટ્રપતિ વ્લાદિમીર પુતિનના કટ્ટર વિરોધી અને વિપક્ષી નેતા એલેક્સી નવલનીનું જેલમાં મૃત્યુ થયું હોવાના અહેવાલ છે. તે લાંબા સમયથી જેલમાં હતા. એવું કહેવામાં આવી રહ્યું છે કે તેનું મૃત્યુ યામાલો-નેનેટ જેલમાં થયું હતું.

રિપોર્ટ અનુસાર, યામાલો-નેનેટ્સ ઓટોનોમસ ડિસ્ટ્રિક્ટ એડમિનિસ્ટ્રેશને એક સત્તાવાર નિવેદનમાં જણાવ્યું હતું કે શુક્રવારે જેલમાં ચાલ્યા પછી નવલનીની તબિયત સારી નહોતી. તેણે જણાવ્યું હતું કે તેને ઠીક નથી, ત્યારબાદ તે બેભાન થઈ ગયો. આ પછી મેડિકલ સ્ટાફને બોલાવવામાં આવ્યો, પરંતુ તે હોશમાં આવી શક્યો નહીં. જો કે તેમના મૃત્યુના કારણો હજુ સુધી જાણવા મળ્યા નથી.

2017માં જીવલેણ હુમલો થયો હતો

નવલની પર 2017માં જીવલેણ હુમલો થયો હતો. હુમલામાં તેની આંખમાં ગંભીર ઈજા થઈ હતી. 2018 માં, તેણે રાષ્ટ્રપતિની ચૂંટણીમાં ઉભા રહેવાનો પ્રયાસ કર્યો પરંતુ છેતરપિંડીના આરોપોને કારણે ચૂંટણીમાં ઉમેદવારી ન કરી શકાઇ.. નવલનીએ આને સરકારનું કાવતરું ગણાવ્યું હતું. જુલાઈ 2019 માં મોટા વિરોધની જાહેરાત કર્યા પછી નવલનીને 1 મહિના માટે જેલમાં મોકલવામાં આવ્યો હતો.

2020માં ઝેર આપવાનો પ્રયાસ થયો હતો

તે સમયે જેલમાં તેમની તબિયત બગડતાં તેમને ઝેર આપવાનો પ્રયાસ કરાયો હોવાનું કહેવાય છે. આ પછી વર્ષ 2020માં પણ તેમને ઝેર આપવાનો પ્રયાસ કરવામાં આવ્યો હતો. તે ફ્લાઈટમાં બેભાન અવસ્થામાં મળી આવ્યા હતા, ત્યારબાદ ફ્લાઈટનું ઈમરજન્સી લેન્ડિંગ કરવામાં આવ્યું હતું. તેમને હોસ્પિટલમાં દાખલ કરવામાં આવ્યા હતા. હોસ્પિટલમાં ડિસ્ચાર્જ  પછી નવલની ધરપકડની ધમકી વચ્ચે 2021 માં રશિયા પરત ફર્યા. રશિયામાં પગ મૂકતાની સાથે જ સેનાએ તેમની ધરપકડ કરી હતી.

આ પણ વાંચોઃ  અમેરિકામાં વધી રહ્યો છે ભારતીયોનો દબદબો, હવે આ મહિલા સંભાળશે ન્યૂયોર્કની મહત્વની જવાબદારી

યુક્રેન સામે યુદ્ધના વિરોધમાં હતા Navalny

નવલનીએ યુક્રેન યુદ્ધને લઈને જેલમાંથી પુતિન વિરુદ્ધ પ્રચાર કર્યો હતો.  ઓગસ્ટમાં સજા સંભળાવવામાં આવ્યા બાદ નવલનીએ કહ્યું કે આટલા વર્ષોની સજાથી તેમને કોઈ ફરક પડતો નથી.

 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો