- દેશમાં નોકરી માટે સાનુકૂળ માહોલ
- ઈન્ડીયન રેલેવેએ બહાર પાડી 3612જગ્યાઓની ભરતી
- 10 અને 12 પાસ યુવાનો કરી શકે અરજી
- મળશે સારો પગાર અને બીજા ભથ્થાંઓ
રેલવે રિક્રૂટમેન્ટ સેલ (આરઆરસી) એ પશ્ચિમ રેલવેના વિવિધ વિભાગોમાં એપ્રેન્ટિસની જગ્યાઓ માટે ભરતી બહાર પાડી છે. આ પદો માટે અરજી પ્રક્રિયા આજથી એટલે કે 28 મે 2022થી શરૂ થશે. ઉમેદવારો 27 જૂન, 2022 સુધી rrc-wr.com સત્તાવાર વેબસાઇટ દ્વારા આ પોસ્ટ્સ માટે અરજી કરી શકે છે.આ ભરતી પ્રક્રિયા દ્વારા એપ્રેન્ટિસની કુલ 3612 ખાલી જગ્યાઓ ભરવામાં આવશે. ઉમેદવારો નિર્ધારિત છેલ્લી તારીખ સુધી અરજી કરી શકે છે.
ખાલી જગ્યાઓની સંખ્યા
ફિટરની 941 જગ્યાઓ, વેલ્ડરની 378 જગ્યાઓ, કાર્પેન્ટરની 221 જગ્યાઓ, પેઇન્ટરની 213 જગ્યાઓ, ડીઝલ મિકેનિકની 209 જગ્યાઓ, મિકેનિક મોટર વ્હીકલની 15 જગ્યાઓ, ઇલેક્ટ્રિશિયનની 639 જગ્યાઓ, ઇલેક્ટ્રોનિક મિકેનિકની 112 પોસ્ટ, વાયરમેનની 14 પોસ્ટ, રેફ્રિજરેટર (એસી – મિકેનિક)ની 147 જગ્યાઓ, પાઇપ ફિટરની 186 જગ્યાઓ, પ્લમ્બરની 126, ડ્રાફ્ટસમેન (સિવિલ)ની 88 પોસ્ટ, ડાઇસની 252 પોસ્ટ, સ્ટેનોગ્રાફરની 8 પોસ્ટ, મશીનિસ્ટની 26 અને ટર્નરની 37 પોસ્ટ માટે અરજીઓ મંગાવવામાં આવી છે.
શૈક્ષણિક લાયકાત
આ પોસ્ટ્સ માટે અરજી કરનાર ઉમેદવાર કોઈપણ માન્ય બોર્ડમાંથી 10 મા અથવા 12 માં પાસ હોવા આવશ્યક છે. તેમજ અરજદાર પાસે સંબંધિત ટ્રેડમાં આઇ.ટી.આઇ.ની ડિગ્રી હોવી જોઇએ.
વયમર્યાદા
આ વિવિધ પદો માટે અરજી કરનાર ઉમેદવારની ઉંમર 15 વર્ષથી 24 વર્ષની વચ્ચે હોવી જોઈએ. સાથે જ મહત્તમ વયમર્યાદામાં ઓબીસી વર્ગના ઉમેદવારોને 3 વર્ષ અને એસસી અને એસટી વર્ગના ઉમેદવારોને 5 વર્ષની છૂટ આપવામાં આવી છે.
પસંદગી પ્રક્રિયા
ટ્રેડ એપ્રેન્ટિસની જગ્યાઓ પર અરજદારની પસંદગી મેરિટ દ્વારા કરવામાં આવશે. શૈક્ષણિક લાયકાતના આધારે મેરિટ તૈયાર કરવામાં આવશે.
અરજી શરૂ થવાની તારીખ - 28 મે 2022, અરજીની છેલ્લી તારીખ 27 જૂન 2022
28 મે 2022થી આ જગ્યાઓ માટેની અરજીઓ શરુ થઈ છે અને અરજી કરવાની છેલ્લી તારીખ 27 જૂન 2022 છે.
