ક્રિકેટ / ઋષભ પંત તોડશે વીરેન્દ્ર સેહવાગનો એક મોટો રેકોર્ડ, ટેસ્ટ ક્રિકેટમાં કરવું પડશે માત્ર આ કામ

ભારતીય ક્રિકેટ ટીમનો બેટ્સમેન ઋષભ પંત ઇન્ટરનેશનલ ક્રિકેટમાં વાપસી કરશે. તે હવે તે સાઉથ આફ્રિકા સામેની સીરીજમાં રમતો જોવા મળશે. અગાઉ જ્યારે ભારતીય ટીમ ટેસ્ટ સીરીજ માટે ઇંગ્લેન્ડના પ્રવાસે ગઈ હતી ત્યારે ચોથી ટેસ્ટમાં પંત ઈન્જર્ડ થયો હતો. પરંતુ હવે ઋષભ પંત આફ્રિકા સામે રમવા તૈયાર છે ત્યારે તે આ
સીરીજની પહેલી જ મેચમાં વીરેન્દ્ર સેહવાગનો એક મોટો રેકોર્ડ તોડી શકે છે.

• પંત અને સેહવાગ હાલમાં બરાબર
  સાઉથ આફ્રિકા સામેની ટેસ્ટ સીરીજમાં ઋષભ પંતને ટીમ ઈન્ડિયામાં સામેલ કરવામાં આવ્યો છે. જેમાં તે ટીમનો વાઈસ કેપ્ટન પણ હશે. તે અગાઉ ભારત અને વેસ્ટ ઈન્ડિઝ વચ્ચેની બે ટેસ્ટ મેચની સીરીજમાં નહતો રમ્યો. એવામાં ઋષભ પંત હવે સેહવાગનો રેકોર્ડ તોડવાથી માત્ર એક જ સ્ટેપ દુર છે.

• એક છગ્ગાથી સેહવાગને છોડી દેશે પાછળ
  અત્યારે ઋષભ પંત ભારત તરફથી ટેસ્ટ ક્રિકેટમાં સૌથી વધુ છગ્ગા ફટકારવાના મામલે વીરેન્દ્ર સેહવાગ સાથે બરાબર પર છે. સેહવાગે તેના ટેસ્ટ કરિયરમાં 103 મેચ રમી છે જેમાં તેને 90 છગ્ગા ફટકાર્યા છે. તો ઋષભ પંતે માત્ર 47 ટેસ્ટમાં 90 છગ્ગા ફટકાર્યા છે. મતલબ કે, પંત માત્ર એક સિક્સ મારીને સેહવાગને પાછળ છોડી દેશે.
  

વધુ વાંચો : સુનીલ ગાવસ્કરે વર્લ્ડ કપ વિજેતા ભારતીય મહિલા ટીમને આપી ચેતવણી, જાણો શું છે મામલો

• ટેસ્ટમાં 3 બેટ્સમેનોએ જ 100 છગ્ગા ફટકાર્યા
  

ટેસ્ટ ક્રિકેટમાં ફક્ત ત્રણ બેટ્સમેનોએ 100 થી વધુ છગ્ગા માર્યા છે. પંત પણ આ લિસ્ટમાં સામેલ થઇ શકે છે. અત્યાર સુધી બેન સ્ટોક્સ, બ્રેન્ડન મેક્કુલમ અને એડમ ગિલક્રિસ્ટે ટેસ્ટમાં 100 છગ્ગા ફટકાર્યા છે. જેથી હવે પંત ક્યારે 100 ના આંકડા સુધી પહોંચે છે તે જોવાનું રહેશે. આફ્રિકા સામે બે ટેસ્ટ છે એટલે કે પંતને ચાર ઇનિંગ્સ મળશે. ચાર ઇનિંગમાં 10 છગ્ગા મારવા પોસીબલ તો છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ