અમદાવાદ / શિક્ષણમાં આ 'ભાર' ઘટાડો: વાળી મંડળે ઉઠાવી માંગ, સ્કૂલ બેગને લઈને નિર્ણય લેવા અપીલ

• સ્કૂલમાં બેગના વજનને લઈને વાલી મંડળે લખ્યો પત્ર
• રાજ્ય સરકાર બાળકોની બેગમાં વજન રાખવું તે અંગે ગાઈડલાઈન બહાર પાડે - વાલી મંડળ
• ઓછું વજન થાય તો બાળક પ્રફુલ્લિત રહે તેવી વાલી મંડળની માંગ

 સ્કૂલ બેગના વજનને લઈને વાલી મંડળે રાજ્ય સરકારને પત્ર લખ્યો છે. જેમાં જણાવ્યું છે કે બાળકોની બેગમાં વજન રાખવું તે અંગે ગાઈડલાઈન બહાર પાડે. તેમજ 2023 થી કેટલું વજન રાખવું તેની ગાઈડલાઈન પણ બહાર પાડે તેવી વાલી મંડળની માંગ છે.  અત્યારે અનેક સ્કૂલો બાળકની કેપેસિટી કરતા વધુ પુસ્તકો મંગાવે છે. બેગમાં વજન ઓછું થાય તેવી વાલી મંડળની માંગ પણ છે. ઓછું વજન થાય તો બાળક પ્રફુલ્લિત રહે તેવી વાલી મંડળની માંગ છે.
વર્ષ 2020 માં કેન્દ્ર સરકારે સ્કૂલ બેગ પોલીસી જાહેર કરી હતી
વર્ષ 2020 માં કેન્દ્ર  સરકાર દ્વારા સ્કૂલ બેગ પોલીસી જાહેર કરવામાં આવી હતી. પોલીસી લાગૂ કરતાં પહેલાં રાજ્યએ તેની પર પોતાની પ્રતિક્રિયા આપવાની રહેશે. સ્કૂલ બેગ પોલીસીમાં શાળા અને પેરન્ટ્સની મુખ્ય જવાબદારી નક્કી કરાઈ છે. પહેલાથી 10માં ધોરણના વિદ્યાર્થીઓની સ્કૂલ બેગનું કુલ વજન તેના વજનના 10 ટકાથી વધારે હોવું જોઈએ નહીં. 
પ્રી પ્રાઈમરીના બાળકો માટે ખાસ વ્યવસ્થા
પ્રી પ્રાઈમરીના બાળકો માટે કોઈ સ્કૂલ બેગ રહેશે નહીં. સ્કૂલ બેગનું વજન માપવા માટે ડિજિટલ મશીન રખાશે. દરેક શાળામાં આ મશીન ફરજિયાત હોવું જરૂરી રહેશે. સ્કૂલ બેગ ખભા પર સારી રીતે લટકી શકે તેવી હોવી જોઈએ. જેથી બાળક તેને સરળતાથી ઉંચકી શકે. સ્કૂલમાં મિડ ડે મીલ આપવાનું રહેશે જેથી તેમને લંચ ન લાવવું પડે. 
પાણી માટે શાળાએ કરવાની રહેશે વ્યવસ્થા
વોટર બોટલને બદલે સ્કૂલમાં સ્વચ્છ પાણીની વ્યવસ્થા કરવાની રહેશે. ટાઈમ ટેબલના આધારે નો બેગનો સમય નક્કી કરાશે. જેથી બાળક તે આધારે બુક્સ લાવે. 
વર્ષ 2020 માં આ રીતે નક્કી કરાયું બાળકોની બેગનું વજન

• પહેલા અને બીજા ધોરણમાં બાળકો માટે ફક્ત એક જ નોટબુક હશે. 
• પ્રી પ્રાઈમરી માટે કોઈ બેગ નહીં.
• 1 અને 2 ધોરણ માટે 1.6થી 2.2 કિલો વજન.
• 3થી 5 ધોરણ માટે 1.7થી 2.5 કિલો વજન.
• 6 અને 7 ધોરણ માટે 2થી 3 કિલો વજન.
• 8થી 10 ધોરણ માટે 2.5થી 4.5 કિલો વજન.
• 11 અને 12 ધોરણ માટે 3.5થી 5 કિલો વજન.