રોજગાર / યુવાનો જલ્દી કરો! SBIમાં સ્પેશિયાલિસ્ટ ઓફિસરની જગ્યા માટે ભરતી,જાણો અરજી કરવાની તારીખ સહીત તમામ માહિતી

• સ્ટેટ બેંક ઓફ ઈન્ડિયામાં સ્પેશિયાલિસ્ટ ઓફિસરની ભરતી પડી 
• SBIએ 30 વિશેષજ્ઞ અધિકારીની જગ્યાઓ માટે અરજીઓ આમંત્રિત કરી
• આ જગ્યાઓ માટે અરજી કરવાની છેલ્લી તારીખ 20 સપ્ટેમ્બર નક્કી કરાઇ 

દેશમાં જે ઉમેદવારો બેંકમાં નોકરી શોધી રહ્યા છે તેમની પાસે અરજી કરવાની મોટી તક છે. સ્ટેટ બેંક ઓફ ઈન્ડિયાએ સ્પેશિયાલિસ્ટ ઓફિસરની જગ્યા માટે અરજીઓ આમંત્રિત કરી છે. પાત્રતા અને રસ ધરાવતા ઉમેદવારો અધિકૃત વેબસાઇટ bank.sbi/careers પર જઈને અરજી કરી શકે છે. આ જગ્યાઓ માટે અરજી કરવાની છેલ્લી તારીખ 20 સપ્ટેમ્બર નક્કી કરવામાં આવી છે.

સ્ટેટ બેંક ઓફ ઈન્ડિયાએ 30 વિશેષજ્ઞ અધિકારીની જગ્યાઓ માટે અરજીઓ આમંત્રિત કરી છે. જેમાં મેનેજરથી લઈને આસિસ્ટન્ટ મેનેજર સહિત અનેક પોસ્ટનો સમાવેશ થાય છે. વધુ વિગતો માટે, ઉમેદવારો નીચે આપેલ લિંક પર ક્લિક કરીને સત્તાવાર સૂચના ચકાસી શકે છે. મહત્વનું છે કે, અલગ-અલગ જગ્યાઓ માટે અલગ-અલગ શૈક્ષણિક લાયકાત નક્કી કરવામાં આવી છે. જેની જાણકારી તમને નોટિફિકેશનમાં મળશે.

અરજી સંબંધિત તમામ વિગતો માટે અહીં ક્લિક કરો 

SBI SO ભરતીમાં વય મર્યાદા કેટલી ? 

આ જગ્યાઓ માટે અરજી કરવા માટે ઉમેદવારોની વય મર્યાદા 32 થી 35 વર્ષ નક્કી કરવામાં આવી છે. જોકે જુદી જુદી જગ્યાઓ માટે અરજી કરવા માટે જુદી જુદી વય મર્યાદા નક્કી કરવામાં આવી છે.

SBI SO ભરતીમાં અરજી ફી કેટલી ? 

સામાન્ય / OBC / EWS ઉમેદવારોએ આ પોસ્ટ્સ માટે અરજી કરવા માટે રૂ. 750 ની અરજી ફી ચૂકવવી પડશે. જેમાં, SC/ST/PWD ઉમેદવારોએ કોઈપણ અરજી ફી ચૂકવવાની રહેશે નહીં.

SBI SO ભરતીમાં ઉમેદવારોની પસંદગી કેવી રીતે થશે? 

ઉમેદવારોએ પસંદગી માટે બે તબક્કામાંથી પસાર થવું પડશે. સૌપ્રથમ ઉમેદવારોએ પરીક્ષામાં હાજર રહેવાનું રહેશે, ત્યારબાદ પસંદગી પામેલા ઉમેદવારોને ઇન્ટરવ્યુમાં હાજરી આપવા માટે આમંત્રિત કરવામાં આવશે.