બિઝનેસ / હવે ડોલરના મુકાબલે વધશે રૂપિયાની તાકાત, RBI ચલાવશે જોરદાર માસ્ટરસ્ટ્રોક!

ભારતીય અર્થતંત્ર માટે એક અત્યંત સકારાત્મક સમાચાર સામે આવ્યા છે. સ્ટેટ બેંક ઓફ ઇન્ડિયા રિસર્ચના તાજેતરના અહેવાલ મુજબ, નાણાકીય વર્ષ 2026-27 સુધીમાં ભારતનું 'બેલેન્સ ઓફ પેમેન્ટ્સ' $50 બિલિયનના શાનદાર સરપ્લસમાં રહેવાની ધારણા છે. સરપ્લસનો અર્થ એ થાય છે કે દેશમાંથી બહાર જતી રકમની સરખામણીએ વિદેશી નાણું ભારતમાં વધુ પ્રમાણમાં આવી રહ્યું છે. આના પરિણામે દેશની ચાલુ ખાતાની ખાધ (CAD) જીડીપી (GDP) ના માત્ર 1% સુધી સીમિત રહેશે, જે દેશના આર્થિક સ્વાસ્થ્યને મજબૂત કરી મોંઘવારીને અંકુશમાં રાખવામાં મદદ કરશે.

RBI ની ફરેજી યોજના રંગ લાવી

રિઝર્વ બેંક ઓફ ઇન્ડિયા (RBI) દ્વારા વિદેશી મુદ્રા એકત્ર કરવા માટે શરૂ કરવામાં આવેલી FCNR(B) ડિપોઝિટ સ્કીમ સંપૂર્ણપણે સફળ રહી છે. આ યોજના દ્વારા અત્યાર સુધીમાં $57 બિલિયનની વિદેશી મુદ્રા ભારતમાં આવી ચૂકી છે. રિપોર્ટ મુજબ, ઓગસ્ટના બાકીના દિવસોમાં વધુ $25 બિલિયન થી $30 બિલિયન નું રોકાણ આવી શકે છે, જેથી કુલ કલેક્શન $85 billion સુધી પહોંચવાનો અંદાજ છે. RBI ની મોનેટરી પોલિસી કમિટી (MPC) એ પણ સ્પષ્ટ કર્યું છે કે દેશમાં પ્રોત્યક્ષ વિદેશી રોકાણ (FDI) અને વિદેશી પોર્ટફોલિયો રોકાણ (FPI) નો પ્રવાહ ખૂબ જ મજબૂત છે.

મેનેજમેન્ટ ખર્ચ નહિવત

વિદેશી નાણાંના મેનેજમેન્ટ ખર્ચ અંગેની ચિંતાઓને ફગાવતા SBI રિસર્ચે જણાવ્યું છે કે 5-વર્ષનો કુલ હેજિંગ ખર્ચ અંદાજે $10.5 બિલિયન થશે, જે ભારતના $700 બિલિયનના વિશાળ વિદેશી મુદ્રા ભંડાર (Forex Reserve) ના માત્ર 1.45% જેટલો જ છે.

રૂપિયા અને વિદેશી મુદ્રા પર અસર

FCNR(B) ઉપાયો બાદ ડોલર સામે રૂપિયામાં 0.1% ની મજબૂતી આવી છે. SBI રિસર્ચના અંદાજ મુજબ, ઓગસ્ટના અંત સુધીમાં એક ડોલર સામે રૂપિયો 95 થી 95.5 ના સ્તરે આવી શકે છે. રૂપિયો સ્થિર થવાથી આયાતી વસ્તુઓ સસ્તી થશે જેનો સીધો લાભ સામાન્ય જનતાને મળશે.

આ પણ વાંચોઃ પૂરપાટ પિકઅપ ડમ્પર સાથે અથડાતા ઘટનાસ્થળે જ 8 લોકોના કમકમાટીભર્યા મો*ત, 26 ઘાયલ

ગ્લોબલ રિસ્ક સામે રક્ષણ મેળવવા માટે RBI એ પોતાના ખજાનામાં સોનાનું રોકાણ પણ વધાર્યું છે. વિદેશી મુદ્રા ભંડારમાં સોનાનો હિસ્સો FY26 માં 16.7% ના રેકોર્ડ સ્તરે હતો, જે 7 ઓગસ્ટ સુધીમાં 15.38% પર જળવાઈ રહ્યો છે, જે વૈશ્વિક તેલ સંકટ અને વધતા વ્યાજદરો વચ્ચે સુરક્ષા કવચ તરીકે કામ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ