વાયરલ / પ્રાણ પ્રતિષ્ઠા બાદ અયોધ્યાના ભગવાન રામલલાએ આંખો પટપટાવી? આખરે શું છે આ વાયરલ Videoની હકીકત

• રામલલાની પ્રથમ ઝલકે સૌને ભાવુક બનાવી દીધા હતા. 
• શું તમે રામલલાની મૂર્તિએ આંખો પટપટાવવી એ દૃશ્ય જોયું?
• હાલ સોશિયલ મીડિયા પર એક વિડીયો વાયરલ થઈ રહ્યો છે. 

રામ ભક્તોની 500 વર્ષ જૂની રાહ ગઈકાલે રામલલાની પ્રાણ પ્રતિષ્ઠા સાથે સમાપ્ત થઈ ગઈ છે. અયોધ્યાના નવા મંદિરમાં રામલલાની સ્થાપના કરવામાં આવી છે. પીએમ નરેન્દ્ર મોદીએ શ્રી રામ જન્મભૂમિ ગર્ભગૃહની અંદર રામલલાની મૂર્તિની પ્રાણ પ્રતિષ્ઠા કરી હતી અને એ બાદ રામલલાની પ્રથમ ઝલકે સૌને ભાવુક બનાવી દીધા હતા. 

Now who did this? 🤩🙏 #Ram #RamMandir #RamMandirPranPrathistha #RamLallaVirajman #AyodhaRamMandir #Ayodha pic.twitter.com/2tOdav7GD6

— happymi (@happymi_) January 22, 2024

અત્યારે સોશિયલ મીડિયા પર સોશિયલ મીડીયા પર સૌથી ચર્ચિત ટૉપિક છે રામલલાની મૂર્તિ.. પાંચ વર્ષના રામલલાનું મનમોહક સ્વરૂપ રામ ભક્તોના મનમાં વસી ગયું છે. પણ શું તમે રામલલાની મૂર્તિએ આંખો પટપટાવવી એ દૃશ્ય જોયું છે? હવે તમે વિચારતા હશો કે આવું ક્યારે બન્યું.

AI at work.#RamMandir #RamMandirPranPratishtha #RamMandirAyodhya #RamLala #RamLalla #Ram #AyodhaRamMandir #AyodhyaRamTemple #Ayodhya #AyodhyaSriRamTemple #AyodhyaJanmBhoomi pic.twitter.com/THtbQRs5vy

— Visit Ram Mandir (@visit_rammandir) January 22, 2024

હાલ સોશિયલ મીડિયા પર એક વિડીયો વાયરલ થઈ રહ્યો છે જેમાં રામલલા એમની પાંપણો પટપટાવવી રહ્યા છે, સાથે જ ચહેરા પર સ્મિત કરતા જોવા મળે છે. વાયરલ વીડિયો જોઈને લાગે છે કે રામલલાની મૂર્તિ જીવંત થઈ ગઈ છે અને રામલલા તેમના ભક્તો પર તેમના આશીર્વાદ વરસાવી રહ્યા છે.

હવે આપણે બધા જાણીએ જ છીએ કે ટેકનોલોજી કેટલી વિકસિત થઈ ગઈ છે અને હાલ AI દ્વારા લોકો કઈં પણ શક્ય કરી શકે છે. રામલલાની મૂર્તિનો આ જે એનિમેટેડ વિડીયો વાયરલ થયો તે સોશિયલ મીડિયા પ્લેટફોર્મ X (જૂનું નામ ટ્વિટર) પર AI નો ઉપયોગ કરીને કરવામાં આવી રહી છે. સોશિયલ મીડિયા યુઝર્સ આ વાયરલ વીડિયોને શેર કરીને પ્રતિક્રિયા આપી રહ્યા છે. જોકે, લોકો એમ પણ કહી રહ્યા છે કે રામલલાનો AI અવતાર ખૂબ જ સુંદર લાગી રહ્યો છે. 

વધુ વાંચો: PM મોદીએ શેર કર્યો પ્રાણ પ્રતિષ્ઠાનો VIDEO, કહ્યું 'અયોધ્યામાં જે ગઇ કાલે જોયું તે વર્ષો સુધી યાદ રહેશે'

જાણીતું છે કે ક્યારેક મોદીનો ડીપફેક વીડિયો સોશિયલ મીડિયા પર વાયરલ થાય છે, તો ક્યારેક રશ્મિકા તેનો શિકાર બને છે તો ક્યારેક સચિન તેંડુલકરે સામે આવીને ડીપફેકને લઈને પોતાનું સ્ટેન્ડ ક્લિયર કરવું પડે છે. જો કે, ગયા અઠવાડિયે સરકારે ડીપફેક અંગે કહ્યું હતું કે ડીપફેક સંબંધિત કાયદા સાત દિવસમાં રજૂ કરવામાં આવશે. હાલમાં ભારતમાં ડીપ ફેક માટે કોઈ ચોક્કસ કાયદો નથી, પરંતુ હવે સરકારે કડક પગલાં લીધા છે.