ક્રાઈમ / VIDEO : રાજકોટમાં તન્વી ગોલ્ડના કર્મચારીની હત્યા- લૂંટના CCTV આવ્યાં સામે, જુઓ લૂંટારાઓએ શું કર્યું?

રાજકોટના આજી વસાહત વિસ્તારમાં તન્વી ગોલ્ડના કર્મચારીની હત્યા અને લૂંટના સીસીટીવી સામે આવ્યાં છે. જ્વેલર્સના કર્મચારીની હત્યા કરીને 1 કિલો સોનું અને 3 કિલો ચાંદીની લૂંટ કરવામાં આવી હતી. લૂંટવા સમયે આરોપીએ જ્વેલર્સના કર્મચારીને છાતીમાં ગોળી ધરબી દીધી હતી. સારવાર દરમિયાન તન્વી ગોલ્ડના કર્મચારી લાલભાઈનું મોત થયું હતું. પોલીસે ગુનો નોંધીને CCTVના આધારે તપાસ શરૂ કરી છે.

જુઓ રાજકોટમાં લૂંટારુઓએ કેવી રીતે તન્વી ગોલ્ડના કર્મચારીને ફાયરિંગ કરીને લૂંટ્યા? #Rajkot #TanviGold #CCTVFootage #GoldRobbery #CrimeUpdate #VTVDigital https://t.co/bTt4DeC6i0

— VTV Gujarati News and Beyond (@VtvGujarati) October 15, 2026

બપોરે 12 વાગ્યા સુધી સોની બજાર સજ્જડ બંધ

આજે બપોરે 12 વાગ્યા સુધી સોની બજાર સજ્જડ બંધ રાખવાનો વેપારીઓએ નિર્ણય કર્યો છે. ચાંદીના વેપારીઓ એક દિવસ સંપૂર્ણ બંધ રાખીને લાલભાઈને શ્રદ્ધાંજલિ આપશે.

શું હતો બનાવ?

આજી વસાહત નજીક બાઈક પર આવેલા બે અજાણ્યા લૂંટારુઓએ જ્વેલર્સ પેઢીના કર્મચારીને નિશાન બનાવી લાખો રૂપિયાના સોના-ચાંદીના દાગીનાની લૂંટ ચલાવી હતી. કર્મચારીએ લૂંટનો પ્રતિકાર કરતાં એક લૂંટારુએ ફાયરિંગ કર્યું હતું. ઘટનામાં કર્મચારી ઘાયલ થતાં તેને સારવાર માટે ખાનગી હોસ્પિટલમાં ખસેડવામાં આવ્યો છે. બનાવને પગલે પોલીસ તંત્ર દોડતું થયું છે. તનવી ગોલ્ડ પેઢીમાં કામ કરતા 45 વર્ષીય કર્મચારી લાલભાઈ સરધારા અંદાજે એક કિલો સોનું અને બે કિલો ચાંદીના દાગીના લઈને એક્ટિવા પર પસાર થઈ રહ્યા હતા. આ દરમિયાન બાઈક પર આવેલા બે શખસોએ તેમની પાસે રહેલો દાગીનાથી ભરેલો થેલો ઝૂંટવવાનો પ્રયાસ કર્યો હતો. જોકે, લાલભાઈએ લૂંટારુઓનો પ્રતિકાર કરતાં એક લૂંટારુએ પોતાની પાસે રહેલા હથિયારથી ફાયરિંગ કર્યું હતું. ત્યારબાદ બંને શખસો સોના-ચાંદીના દાગીના ભરેલો થેલો લઈને ઘટનાસ્થળેથી ફરાર થઈ ગયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ