ક્રાઈમ / રાજકોટમાં કાળજું કંપાવતી ઘટના, માતાએ 2 વર્ષની દીકરીને પાંચમા માળેથી ફેંકીને હત્યા કરી, નાટક ઉઘાડું પડ્યું

રાજકોટ ક્રાઇમબ્રાંચની તપાસમાં ચોંકાવનારો ખુલાસો થયો છે. 2 વર્ષની દીકરીની હત્યાને અકસ્માતમાં ખપાવવાનો માતાનો કારસો નિષ્ફળ નીવડ્યો છે. અકસ્માતે અથવા કોઈએ દીકરીને ધક્કો માર્યાની માતાએ બનાવેલી સ્ટોરી પોલીસ તપાસમાં ખોટી પડી છે હકીકતમાં માતાએ દીકરીને 5મા માળેથી ફેંકી દીધી હતી. જન્મથી દીકરી ગમતી ન હોવાની માતાએ પોલીસ સમક્ષ કબૂલાત કરી છે.

શું છે આખી ઘટના?

આ દુ:ખદ ઘટના સોમવારે સાંજે બની હતી. મૃતકની ઓળખ સ્નેહા સાકરિયા તરીકે થઈ છે. સોમવારે સાંજે લગભગ 7 વાગ્યે, સ્નેહા તેના એપાર્ટમેન્ટમાંથી રમવા માટે બહાર ગઈ હતી. થોડીવાર પછી, પડોશીઓએ રડતા રડતા ફોન કર્યો અને પરિવારને જાણ કરી કે બાળક નીચે પડી ગયું છે.

પોલીસને શા માટે પડી આશંકા?

પોલીસે આ મામલે ઊંડાણપૂર્વક તપાસ શરૂ કરી હતી, અને કેટલાક તથ્યો સામે આવ્યા છે જે ઘટનાને શંકાસ્પદ બનાવે છે. પોલીસ તપાસમાં જાણવા મળ્યું છે કે છોકરી જે બાલ્કની અથવા છતના પેરપેટ પરથી પડી હતી તે 4 ફૂટ ઊંચી હતી, જ્યારે બે વર્ષની સ્નેહા ફક્ત 3 ફૂટ ઊંચી હતી. આટલી નાની છોકરી માટે 4 ફૂટ ઊંચી દિવાલ ચઢીને જાતે પડી જવું ખૂબ જ મુશ્કેલ માનવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ