- ગુરુનું મેષ રાશિમાં પ્રવેશતાની સાથે વિપરીત રાજયોગ
- 12 વર્ષ પછી થયો આ યોગ
- મિથુન, કર્ક, કન્યા, તુલા રાશિના જાતકોને જોરદાર લાભ
વિપરીત રાજયોગને પરિણામે આ શુભ સંયોગને લઇને અનેક રાશિના જાતકોની કિસ્મત ચમકી શકે છે. દેવતાઓના ગુરુ સમાન ગુરુના રાશિચક્રમાં પરિવર્તન ચોક્કસપણે દરેક રાશિના લોકોને કોઈને કોઈ રીતે અસર કરે છે. મહત્વનું છે કે 22 એપ્રિલના રોજ ગુરુ મીન રાશિ છોડીને મેષ રાશિમાં પ્રવેશ કર્યો છે. આવો સંયોગ 12 વર્ષ પછી થયો છે. જેથી ઘણા શુભ યોગો બની રહ્યા છે. આ યોગોમાંથી એક વિપરિત રાજયોગ પણ રચાયો છે. જેને લઈને અનેક રાશિના જાતકોને ચાંદી...ચાંદી... થઇ શકે છે. જેમાં વ્યક્તિને આર્થિક લાભની સાથે વાહન, સંપત્તિનું સુખ પણ મળશે.
મિથુન રાશિ
વિપરીત રાજ યોગ બનતાની સાથે મિથુન રાશિના જાતકોને સૌથી વધુ લાભ મળી શકે છે. અચાનક ધન લાભની સાથે આવકના નવા સ્ત્રોત પણ ખુલી શકે છે અને નોકરીમાં ઇન્ક્રીમેન્ટ મળવાના સંજોગો વર્તાઈ રહ્યા છે. તે જ રીતે બઢતી પણ થાય સાથે સાથે બિઝનેસમાં જંપલાવવાનું વિચારતા લોકો માટે હાલના સમયગાળા દરમિયાન લાભકારી સિદ્ધિ પ્રાપ્ત થઈ શકે છે.
કર્ક રાશિ
તો કર્ક રાશિના જાતકોને પણ વિપરીત રાજયોગનો વિશેષ લાભ મળશે અને દરેક ક્ષેત્રમાં સફળતાની સાથે સાથે આવકના નવા સ્ત્રોત ઊભા થશે. કરિયરમાં ઉંચી ઉડાન ભરી શકે છે. તો સમાજમાં માન સન્માન અને મોભો પણ વધી શકે છે. આ ઉપરાંત લવ લાઇફ અને દાંપત્ય જીવનમાં પણ ખુશીઓ આવે અને સંતાન માટે પણ શુભ સમાચાર મળી શકે છે.
કન્યા, તુલા રાશિ
કન્યા રાશિના જાતકોના લાંબા સમયથી અટકેલા કામો ઉકેલાઈ શકે છે. તેમજ ખર્ચમાંથી છુટકારો પણ મળશે. સાથે સાથે નોકરી અને બિઝનેસમાં પણ અપાર સફળતા અને મોટા પ્રમાણમાં વેપાર થશે. લગ્નજીવનમાં ખુશીઓ સાથે પદ અને પ્રતિષ્ઠામાં પણ વધારો થશે. તેવી જ રીતે તુલા રાશિના જાતકોને પણ વ્યાપારમાં મોટો લાભ થશે અને લાંબા સમયથી અટકેલા કામો ઉકેલાશે. અને આર્થિક લાભ પણ મળે તેવા સંજોગો જોવા મળી રહ્યા છે.
